ضحك و لعب و جد و حب

تاكسى

2009-11-30T00:37:00.000-08:00

همس فى أذنة قائلا بنبرة المحذر اللى بيخلص ضميره من ربنا.....بلااااااااش

كلمة قالها سائق التاكسى أثناء حديثه مع الراكب الذى عرف أنه فى طريقه لإنهاء اجراءات الحج و تبقت اّخر خطوة ليبدأ رحلة مغفرة الذنوب و السلام الداخلى.....ليبدأ سفر طويل مبتغاه الوحيد هو الله عز و جل و قليلا ما نجد فى حياتنا ما نبغى به وجه الله فقط و حتى لو وجدناه فنادرا ما نضمن اخلاصنا لله و لله فقط فالمغريات كثيرة....تبقى للحاج خطوة واحدة و هى (التطعيم ضد انفلونزا الخنازير)و ما أن علم السائق بذلك بادر-و الغالبية العظمى من هذا الشعب لا تبادر الا فى الفتاوى بدون علم-و حذره

و ليس الغريب (انك تفتى)انما الغريب كل الغرابة ان تجد الحاج مستجيب تماما و بدأ بالفعل فى رسم سيناريوهات للتهرب من هذا الموعد الاجبارى مع عزرائيل.....فقرر انه(يظرف)الممرض(ورقة بعشرة) و يا دار ما دخلك شر.....بالاضافة الى بعض الحبشتكات من نوعية أنا حر-و دائما ما يستوقفنى و يستفزنى الفهم الخاطىء لهذا المعنى المقدس....الحرية-و هو الواحد يطول يموت هناك

و من رحمة ربى أنى وصلت الى جامعتى فطلبت من السائق التوقف و لكنى لم انسى الموقف فأبعاده كثيرة

أولا:بطبيعة دراستى فى كلية الهندسة و من أهم ما علمتنى الحياة الهندسية الدقة ثم الدقة فالدقة....فالاهتمام بالمصدر فى حياة المهندس لا يقل أهمية عن الاهتمام بالمعلومة.....و من وقت أن ادركت أهمية أن يكون كلامك و معلوماتك موثقة بمصدر سليم و أنا اواجه هذا السيل من الفتاوى التى يفتى بها كل الشعب فى كل المجالات بدون الاهتمام بمصدر المعلومة.......من أين جاء اجزام السائق ان التطعيم فيه سم قاتل.....هل تأكد بالفعل من هذه المعلومة؟و كيف أخذ الحاج المعلومة و كأنه حصل عليها من موقع وزارة الصحة المصرية فلا مجال لتكذيبها

و لنخرج من نطاق هذا الموقف....فالفتاوى كتيييييييييييير.....و مدعى الثقافة و العلم أكثر و من يطلب العلم على يد من لا يعلم أكثر و أكثر.....فبات طبيعيا أن تجد شخص يبادرك بالسؤال:و النبى هى الأغانى حرام؟و الأكادة على رأى عم صلاح جاهين انى حينما أجاوب قائلة:و الله أنا مش مفتى الديار المصرية.....و يبدأ النقاش و كأنه مش واخد باله

بات طبيعيا أن تنتهك حرمة العلم بكل مجالاته من قبل من لا يعلم....و بات طبيعيا ألا يستفزنا هذا الانتهاك- و يستفزنا ليه...ما احنا خدنا عالانتهاكات.....فنحن شعوب قادرة على ان تعيش و ارضها و مقدساتها تنتهك فى اليوم ألف مرة دون أن نهتز-و الأغرب ان يتجاوز هذا التعدى الفيزياء و الرياضة و المعلومات العامة و غيرها و يرقى أو عفوا يهبط الى مستوى التطاول على الدين نفسه

و ثانى بعد:تلك الجملة السحرية التى ايضا انتهكناها بما يكفى(أصل أنا حر)......سيدى و سيدتى هل تدرك معنى الحرية؟

اين قدسية حق اعطاه الله لعباده....منحهم الحرية حتى لو كان اختيار الانسان ان يعصى ربه أو الا يعبده على الاطلاق ولانى مقتنعة تمام الاقتناع ان ثمة حق اعطاه الله لعباده ليس من حق اى عبد ان يسلبه من عبد مثله فأنا ادافع عن هذا المعنى و ادافع عن حقنا فيه الى النهاية

الحرية التى أعرفها مسئولية....الحرية التى أعرفها اساسها عدم الاضرار بغيرك....لا تتعدى بحريتك حريات غيرك فتضر و تخرب و تقول انا حر.....لأ مش حر....فالحرية قيمة قاتل كثيرون من أجلها و ضحى الكثير حتى بحيتاهم من أجل أن تبقى هذه القيمة....و ظلم أن تبقى القيمة بفهم خاطىء عن معناها الحقيقى

(و تحياتنا لمدونة أنا حر عالسيرة)

فنزلت من التاكسى و انا اتفهم تماما لماذا كتب(خالد الخميسى)كتاب كامل و اسماه (تاكسى).....من اللى شافه

و سك عالموضوع

ملاحظات:محدش يقولى التطعيم و الانفلونزا...دول ليهم وقفة فى وقت لاحق ان شاء الله

اعتذر عن الغياب الطوييييييييييل العريض بس انتوا تقريبا اتعودتوا خلاص

كل عام و انتم بخير

قضية

2009-10-10T16:40:00.000-07:00

لن أرهق تفكيرى فى التفكير فى مقدمة تجذب القارىء.....سأقول كلمة واحدة فقط...القدس
و إذا كان عنوان التدوينة(قضية)مع هذه الكلمة(القدس)لا يشكل لدى من يقرأ جملة مفيدة...و إذا كانت معلومات القارىء عن القضية أنها قضية مقتل سوزان تميم أو تطورات قضية مصرع مايكل جاكسون أو حتى المعزوفة الراقية قضية عم أحمد....و إذا كان ارتباط كلمة القدس لدى القارىء بنشرة أخبار الساعة السادسة أو نشرة أخبار الخامسة و العشرون فلا حاجة لى فى جذب انتباهه.....فلقد سأمت.......و لقد كرهت استجذاب الناس لقضايا يجب أن تكون من أولويات حياتهم طوال الوقت

أنا لا أقف عند ما يحدث الاّن فى المسجد الأقصى ولا فى القدس ولا فى فلسطين بأكملها......أقولكم حاجة..ولا ما صارت إليه أمتنا برمتها...يدهشنى ذلك البرود و التبلد
يدهشنى الاستماع إلى اخبار الشهداء و القتلى و الاجتياحات للمقدسات على أن"دا العادى".....كرهت التعاطف الوهمى مع قضايانا أو تعاطف تقضية الواجب...أكره المشاعر الكاذبة و التى جزء منها ألا تتبع بفعل...أكره الدموع على ما صارت إليه أمة كانت خير أمة أخرجت للناس ثم العودة الى نمط حياتى لا علاقة له لا بأمة ولا بتفضيل على الناس
و ما يؤلمنى أكثر مما يحدث هناك ما يحدث هنا....كم أتألم من اعتيادنا على الأوضاع الخاطئة...على نسياننا للقضية....على أبصار لا تمتد إلى هناك و لكنها تنظر تحت قدميها و اّخر ما تفكر فيه لقمة العيش...و أفكر فى العشرين سنة القادمة و اتساءل هل سيذكر أحدنا قضية فلسطين فى يوم من الأيام أم أن عوامل تعرية الذاكرة و نعمة النسيان سيكون لها قول اّخر
و لن أعلق...بل سأنقل لكم مواقف يعلم الله أنى رأيتها رأى العين و تعليقات سمعتها من شباب من المفترض أن يحمل هذه القضية على عاتقه فى السنوات القادمة و من بنات من المفترض أن تزرع فى أولادها معنى و قيمة ثالث الحرمين الشريفين

هو مش المسجد الأقصى دا اللى بناه ياسر عرفات؟
ايه دا....هو المسجد الأقصى له علاقة بالإسراء و المعراج؟
فلسطين...يا عينى.....هو المسلسل خلص على ايه امبارح؟
المهم نوصل كاس العالم
و البقية تأتى و ما خفى كان أعظم
ولا أحقر أو أسفه من اهتمامات أى شخص و لست أدعى أنى من يحمل القضية على عاتقه ولا بأنى أتبع نمط حياة يضمن نصرة هذا الدين.....و لكنى على يقين أنى لن أنسى

أزمة زويل و الصلاة بالليل

2009-09-12T00:50:00.001-07:00

*حدث فى رمضان ليلة 27

سبحان الذى يجمع القلوب كل عام حول حب فطرى لشهر كريم نستمد منه المخزون الروحى للعام كله....هو محور سنوى قادر على تعديل السلوك بل و تغيير الحياة لمن أدرك قيمته حق الإدراك و فيه ليلة مباركة خير من ألف شهر و بصرف النظر ان 3/4 من الناس اعتبروها ليلة 27 رمضان -دا حتى وزارة الأوقاف نفسها تحيى كل عام ليلة 27 تحت عنوان احتفالية ليلة القدر-الا انها ليلة لا تتكرر طوال العام و يتفنن كل منا فى احياؤها بعبادة معينة و يتفنن ناس تانية باحياء تانى خالص-سحور راقص بقى و افطار مشخلع و حاجات كدا--

المهم....ذهبت لأداء صلاة التراويح و من بعدها التهجد و بينهما فارق زمنى حوالى 3 ساعات فالمنطقى أن تحاول شغله بما هو مفيد

قرأت ورد القراّن الكريم و دعوت الله و عملت كل حاجة و فاضل ساعة...فاخترت القراءة....و اخترت كتاب(حوار الحضارات)لفخر مصر (أحمد زويل)

و احدى أهم سمات الشعب المصرى الفضول فرزقنى الله بسيدة تقريبا قاعدة فوق الكتاب و اختلست النظر إليها فرأيت علامات الاستغراب و التعجب تملأ وجهها ...قلت يا خبر النهاردة بفلوس بكرا يبقى ببلاش و مصيرى أعرف مالها الى ان تجرأت و اغلقت الكتاب (فى وشى)-اه و الله-لترى الغلاف متساءلة :ايه دا؟؟.....فأجبتها:حوار الحضارات لأحمد زويل....فزاد العجب و التعجب و الاستعجاب على وجهها و علقت بسؤال:زويل النهاردة؟فى ليلة القدر؟...فتساءلت عن المشكلة فأغلقت الحوار و قالت:خلاص

و شعرت فجأة انى سقطت من نظرها-ههههههههه-..يا لى من فاسدة فاسقة...اقرأ لواحد معملش حاجة فى حياته غير انه بس خد نوبل و فاد بعلمه البشرية و رفع اسم بلده فى ليلة مفترجة زى دى...و المهم ان الراجل بردو كان بيتكلم عن اسهامات الحضارة الإسلامية فى العلوم و كيف ننهض بالعالم العربى و الإسلامى و الأفريقى......يعنى بردو مبعدناش

و قد يقول لى البعض ان فى ليلة كهذه يجب ان تطغى العبدات و الروحانيات.....يبقى نتكلم فى مفهوم العبادة بقى

اللهم لا تعليق على هذا الموقف...و انسوا خالص الست و لا نكتب لتقييم أحد أو للحكم على أحد ولا ننقض شخص إنما ننقض فكر....و ادعو الله أن يرحمنا من التدين السطحى....التدين الذى قصرناه نحن على الصلاة و الصوم و الزكاة و الحج-على أهميتهم- و نسينا اننا أمة (أقرأ)فلابد أن نقرأ.....نسينا أهمية العلم و أهمية العمل و ضرورة الأخذ بالاسباب و الإحتكاك بالناس و غيرها من القيم التى أهملناها و التى هى جميعا قيم اسلامية من الدرجة الأولى و جميعها(عبادات)

و اقتبس ما قاله الأستاذ أحمد بهجت فى كتابه انبياء الله(فكان محمد صلى الله عليه و سلم يشتغل فى خدمة الإسلام بدرجة جندى بسيط وديع فى المعارك لا تنزل الملائكة لحماية المصلين و إنما على الجيش المحارب ان يحمى نفسه بنفسه(و هو رسول الله و معه جيل من الصحابة و المبشرين بالجنة و لم يغنيه ذلك عن التمسك بكل هذه القيم التى لم لو تكن ذو أهمية لما أضاع فيها رسول الله وقت أمته

فقط حينما نعيش الدين فى الدنيا سنستحق الانتماء الى هذه الأمة و حينما نحب أن ينظر إلينا الله فيرانا نعمل و نصلح فى أرضه كما نحب أن يرانا بين يديه فى صلاتنا أو فى دعاءنا أو فى تلاوة كتابه....حينها فقط سنصبح أحفاد أمة قادت الأرض

و انتهت الليلة و على كبر عددنا و اختلاف حوائجنا و كثرة ذنوبنا لم أشك لحظة فى أن ربى استجاب لنا و تقبل منا برحمته لا بعملنا.....فرحمته وسعت كل شىء حتى عقولنا فاستعصى على استيعابها و ادراكها ولن أدركها و لن أستوعبها.....فهيهات هيهات أن نستطيع جمع مياة النيل فى كوب صغير

كل عام و انتم بخير

ليست كالكلمات

2009-08-09T09:49:00.000-07:00

عذرا لانى ابدأ فى اغلب الاحيان بما قاله...و احاول جاهدة كسر هذه العادة من اجل البعد عن الملل لا اكثر و لكنى لا اقوى على ذلك...و هذه عادتى حين يؤثر فى شخص....هو صلاح جاهين....كنت اقرأ احدى روائع هذا المبدع(اتكلموا)و انا استمع اليها بصوت مبدع اخر(محمد منير)

اخذتنى الكلمات بعييييييييييدا....او لتحرى الدقة عمييييييقا

الكلمات.......يا لأهميتها فى حياتنا جميعا
بكلمة يحكم القاضى فينجى انسان او ينهى حياته
بكلمة يقولها انسان...يشهد شهادة...اما حق و اما زور
كلمة تسمعها...تصل الى اخر حدود قلبك و كلمات اخرى تسمعها لا تتخطى(طبلة الاذن)_دا لو طبلت عليها كمان
كلمة نقولها....فننطق بالحق او نكون شيطان اخرس
كلمة...تحمل وعد..اما التزمنا بها و اما كانت فينا خصلة من خصال النفاق
و كلمات...تكب الناس فى جهنم و ربما كلمة تشفع لصاحبها لنيل جنة الله سبحانه و تعالى
كلمة...تبدأ حياة او تغير المسار
و كلمة...تنهى حيوات و يبدأ الانهيار
و بكلمة نتخذ قرار....و نحسم الاختيار
و كلمات...و كلمات...و كلمات

فمن اصدق؟؟

هل انضم لمدرسة عمنا جاهين حين قال(الكلمة ايد...الكلمة رجل...الكلمة باب....الكلمة نجمة كهربية فى الضباب...الكلمة كوبرى صلب فوق بحر العباب...الجن يا احباب ما يقدر يهدمه...فاتكلموا)

ام اصدق من لا يقل ابداعا_نزار قبانى_حين رأى الكلمات بشكل مختلف و قال(ان الحروف تموت حين تقال)

ولا نديها رامى صبرى(الكلام كله عادى....بس نعمل بيه)

انى امام قيمة...و لا أبالغ فى وصفها.....و ربما قيمة شديدة القدسية.....لا اعتقد ان فى حياتنا ما هو اشد قدسية و خصوصية من تلك العضلة اللى لو نطقت حتشتمنا(اللسان)...و انه لمن الغريب انه اكثر ما نعيره كل التجاهل و اللامبالاة و كأننا اعتدنا انه يتكلم و يقول دون النظر الى ما يقول

غالبا....توصلت الى اجابة(و احمدوا ربنا اننا وصلنا لاجابة)

و بما ان خير الامور الوسط....فمن عمنا جاهين سنعمل بنصيحته(اتكلموا)و من ابن دمشق نزار سنقنع بأن الحروف تموت حين تقال....او بالاحرى انها تستشهد حين تقال.....و الاستشهاد لا يكون الا لهدف و غاية سامية....فما دمنا رضينا بموت حروفنا فليكون اخر مشهد جدير بالشهادة.....فلتحدث كلماتنا تغيير......اى تغيير......فى مستقبل امة....فى حياة اشخاص هذه الامة......او حتى بكلمات تصل الى قلب من يسمعها......و لنبعد عن كل ما هو مستهلك و كل ما هو مصتنع و كل ما هو (مزوق)و لنقول الحق بالرفق و اللين و الاحترام

و لتكن كلماتنا....ليست كالكلمات
**********************************************************************************
و خدوا القصيدة عندكم اهى
اتكلموا
اتكلموا اتكلموا اتكلموا اتكلموا
محلا الكلام ، ما ألزمه و ما أًعظمه
فى البدء كانت كلمة الرب الاله ، خلقت حياه ، و الخلق منها اتعلموا
فاتكلموا
فى البدء كانت كلمة الرب الاله روح بجناحين شطار , و صار للكون مداه
آخر مطافها
جت و حطت ع الشفاه
لما البشر ملكوا الوجود
و استحكموا
فاتكلموا
الكلمة ايد ...الكلمة رجل ...الكلمة باب
الكلمة نجمه كهربيه فى الضباب
الكلمة كوبرى صلب فوق بحر العباب
الجن يا أًحباب من ما يقدر يهدمه ...فاتكلموا
الرمل مرمى تحت قبة السما
مشتاق لقطره من المطر فيها النما
ملايين سنين عمره ما داقها
انما فيه كلمة تقدر فى المراوى تِعَوَّمه
فاتكلموا
فيه كلمة تقدر تزرع البور حور ضليل
و كلمة تقدر تجعل الكوخ بيت جميل
و ابو العيال و الجلابية الهلاهيل
فيه كلمه تعطيه مال .... و كلمة تِهندمه
فاتكلموا
لكم السلام ....يا ملفوفين حول اللهب
يا غواصين فى القلب ع الكلنه العجب
فى البدء كانت كلمة الرحمن سبب و ما عادش غير الحق كلمة تِتَمَّه....فاتكلموا

مواقف 2

2009-07-25T00:45:00.000-07:00

عجبى على بلد تحلم بالديموقراطية و المطربين فيها بيغنوا بيقولوا(لازم تسمع)..امال الناس الكبيرة تقول ايه

القدس....كلمة و معنى و فكرة تحتل فى قلوبنا و عقولنا مكانتها المميزة مهما طال الزمن و مهما تغيرت القلوب او العقول.....و اخر ما كنت اتوقع ان اقرأه مكتوبا على سيارة(القدس للكماليات)....شركة لكماليات السيارات تسمى القدس....ادهشتنى التركيبة و دعوت الله الا تصل القدس فى يوم الى ان تكون كماليات

و غريب الانسان...يحلم و يحلم و يحلم....و حينما يريد له الله ان تتحقق احلامه....يخاف.....يتراجع....و قد يندم على حلمه....طب يا بارد حلمته من الاول ليه؟(بهديها ليا

سمعت اغنية عنجليزى سارقين فيها لحن(خسارة)اغنية عبد الحليم حافظ...الغريب بقى السعادة و النشوة اللى كان فيها كل البيت عشان اللحن اتسرق و حلم وصل للعالمية...مع ان تلات اربع ألحاننا مسروقة منهم و معتقدش انهم بيتبسطوا بحاجة زى دى....انها حقا عقدة الخواجة

ما اجمل ان تجد من يسمعك حين ترغب فى الكلام....و ما اجمل ان تجد من يناقشك حين تحب ان تغذى عقلك....و ما اجمل ان تجد من (يسايرك)و يعرف متى يلومك و ينقدك و متى تكمن مهمته فى هز الرأس و قول(عندك مليون حق)......و ما اجمل ان تجد من يقرأ ما يجول فى بالك و خاطرك فى وقت خانك فيه لسانك و الاجمل ان يفاجئك به....و ما اعظم ان تجدهم كلهم فى شخص واحد_و محظوظ انت لو منح الله لحياتك هذه النعمة اكثر من مرة فى اكثر من شخص

ولدى نصحتك لما صوتى اتنبح.....ماتخافش من جنى ولا من شبح...و ان هب فيك عفريت قتيل اسأله...مادافعش ليه عن نفسه يوم ما اندبح....و عجبى.....عمنا صلاح جاهين ابدع فى كلماته......السعادة و الخوف كلمتان لا يلتقيتان....و الخوف و فعل ما نخافه كلمتان لن تجتمعتان.....حل الخوف المواجهة(و بردو بهديها ليا

و على سيرة المبدع الراحل صاحب الموهبة الصعبة التكرار(صلاح جاهين)....اقف احتراما لهذه الموهبة كلما استمع الى اغنية الراحلة(سعاد حسنى)....شيكا بيكا......فن الضحك الباكى

مكان تدخله كدا قلبك ينشرح و تقول لسا فيكى رجالة يا مصر فى كليتى المصونة.....دخلنا على استحياء نستطلع مشاريع تخرج دفعات قسم(ميكانيكا)السابقة( و مع انى مفهمتش ولا مكنة بسبب ان محدش كلف خاطره و لصق ورقة عليها شرح الاختراع دا بيعمل ايه ولا مين اللى عمله)....و كان الاستنتاج.....عقليات تحترم و مجهودات تقدر....و استغلال معدوم لهذه الموارد ينتهى بنا الى ما نحن به الان

حالة من العشق الغير العادى(الذى احترمه و اقدره)بين المصريين و الورق......تقولش مخلوقين لبعض......لا افهم اهمية الاوراق و كميات الملفات فى كل المصالح الحكومية فى عصر يؤمن بقاعدة البيانات.....ولا اهمية وضع كم من الشهادات فى السيرة الذاتية لاى متخرج اغلبها لا تؤخذ بعين الاعتبار ......و انه ايضا لشعب متناقض.....لما حب يلغى الورق من حياته....سك عالموضوع ...قصدى عالعملة و عملها على ستايل (سرة من الدنانير)

سكوا انتوا بقى عالموضوع

و اهديكم كلمات صلاح جاهين(فبدال ما نطق يا ولا....لأ نضحك....دا الضحك دا مزيكا....كهربا على ميكانيكا(ولا بلاش عشان حرق دم المشاريع)...اضحك بردو يا ويكا)

كلمة لا

2009-07-12T11:40:00.000-07:00

عمرك قابلت واحد عادى؟
سامعة واحد بيقولى يعنى ايه عادى؟رد من غير لماضة....قابلت واحد عادى؟
و رغم اللماضة مايخلصنيش اسيب قارىء اعطانى من وقته و جهده فى حيرته.....ذلك الشخص العادى الذى اقصده هو هادىء الاعصاب ما لم يستفزه احد...هو متحمل الصعاب ما لم يواجه صعاب....هو السعيد ما لم يواجه ما قد يحزنه...هو الذى يبادلك الابتسامة الحالمة حين تبادره بابتسامتك الاحلم.....الشخص المتسامح ما لم يسىء له اى شخص كان...يغنى (الحياة بقى لونها بمبى)ما لم يواجه جانبها الذى دفع بسعاد حسنى الى الانتحار(او يمكن تكون اتقتلت ....الله اعلم)و الذى انهى حياة صلاح جاهين بالاكتئاب.....هو العافى عن الناس المصلحة و المحسن للذى لا يسىء
سامعة بردو نفس اللمض الاولانى بيقول البنت لسعت؟
لااااااااا....انا لسا فى كامل قوايا العقلية....الم تقتنع بعد ان كل ما ذكرته...عادى....و ما الغريب فى كل هذا؟؟....و ما المميز فى هذا الشخص؟؟.....بل ما هو الفعل الذى يتخذه هذا الشخص دائم الانتظار لافعال الناس ليعطى رد الفعل

و على سيرة السندريلا...و قد كانت فعلا سندريلا حين قالت(و اعظم درس اتعلمناه...ان كلمة ايوة جميلة....بس الاجمل كلمة لاااااااا)
و هذا ما اود الانتقال له...كلمة لا...انى ارفض ذلك الشخص العادى بل و قررت ان لا اعطيه الفرصة ليتملك منى و يسكن روحى و يشكلها بهيئته

ادركت مؤخرا....انه لشىء جميل ان تبتسم لمن يبتسم لك و الاجمل ان تبادر انت بالابتسامة
و انه لشىء رائع ان تكون سعيد و الاجمل ان تخلق (شباكك)الخاص الذى يمنح لحياتك السعادة و يضفى على احداثها هذا الرونق الخاص....الرونق الايجابى...او كما نسميه...نص الكوباية المليان
و ما اجمل التسماح....و ما اعظمه حين يقدرك الله عليه عندما يسىء شخص ما لك
و ما اروع ان تشعر انك استطعت التعامل مع غضبك و قدرك الله على كظم غيظك
و ما اعلى يدك حينما تحسن لمن اساء اليك

كنت دائما اتوقف امام الاية الكريمة(و الكاظمين الغيظ و العافين عن الناس و الله يحب المحسنبن)و كنت اندهش من هذه القدرة على التحكم فى الذات و جمع المتناقضات فى نفس اللحظة...و لكنه سبحانه الخالق الاعلم بما خلق....يدرك صعوبة هذا التحكم علينا لذا منح القادر عليه درجه حبه عز و جل...و كأنه يمنحها لذلك المبادر الماسك بزمام حياته...الشخص صاحب الفعل
تسيطر هذه الفكرة بشدة على منذ فترة طويلة و اخترت ان اشارككم بها
ها يلى كنت فاكرنى لسعت....اقتنعت؟

يا رب تكونوا كلكم بخير و الفففففف شكر لكل اللى سألوا عليا

اقر انا....ان اقرر

2009-06-01T09:29:00.000-07:00

و على طريقة فتى الاحلام المثالى الذى يأخذ بيد فتاته قبل ان يفاجأها ببوكيه الورد اللى محصلش(فى العصر البطيخى طبعا)....احب ان اخد كل من يقرأ البوست و لكن بدون ورد عشان نبقى واضحين.....رحلة الى ظروف البوست.......فى الفترة الاخيرة قرأت الكثير من المقالات عن التنمية البشرية...كيف تجذب الناس....كيف تترك انطباع جيد من اول لقاء.....كيف تتعامل مع الشخصيات الصعبة...و كيف تدير ازماتك و.. و ... و.....و الاهم...كيف تعيش سعيدا

و على انغام اقرار.....و بتحريف حروف الكلمة الى قرار....صرت افكر فى فكرة التقرير..اخذ القرارات....هامة و مصيرية كانت او تكميلية و ترفيهية......و كثيرة هى القرارات التى اخذناها و التى نأخذها و التى سوف نأخذها
و القرار اختيار....واختيار المكان و الزمان و الاشخاص قرارات بالوفاء و الاجتهاد و الاحترام و التقدير و الالتزام.....فقد تتلخص حياة الانسان فى كلمة....و فى قرار...و قد يتغير مسارها بسبب قرار...و هى ما يسمى بالقرارات الحرجة

قد تنجح ان تأخذ قراراتك اذا كنت رئيس لجمهورية نفسك...و قد تولد فى العالم العربى فتعتاد الا تكون (رئيسا) لنفسك طبعا و قد تجبر على اخذ قرارتك و قد يأخذ اخرون قرارات ثؤثر على قراراتك و..و ...و...
و فى مصر.....مفيش اكتر من القرارات...و الله و الاقرارات كمان....على المستوى السياسى.....كثيرة القرارات....و شحيح التنفيذ....على مستوى الاشخاص فكثيرة القرارات و يتنوع التنفيذ....لكنى اجزم ان انجح قرار قد تأخذه فى مصر فى هذه الايام و مع تفشى حالة الكابة و _الخلق اللى فى المناخير_فالاسهل ان تقرر ان (تعكنن على غيرك)و تطلع هم الدنيا فيهم و يا سعدك يا هناك لو كان اقل منك بأى شكل من الاشكال....سنا.....علما.....لا يهم.....و بما اننا اعطيناك الحق انك اصلا تصنفه اقل ولا اعلى....وهو خذلك و طلع اقل....طالب مثلا امام معلمه او شقيق اصغر امام كبار العائلة او موظف امام رئيسه ....فهذه التهمة فى حد ذاتها تجرده من جميع حقوقه الانسانية

لا احرض طبعا على اخذ هذا القرار و لكنى اندهش لقدرة الناس على اخذ قرارات لك نسبة فيها دون الرجوع اليك....قرارات بالتدخل فى حياتك الشخصية....و تبقى ماشى كدا واحد يقرر يقول كلمة كدا ولا كدا ولانه قرر و هو عاوز يقولها حيقولها......و الاجمل قرارات انهاء حياة الاشخاص خالص بقى و كأن القتل و الاعتداء و تجريد الناس من حقوقها فى كل شىء فى سهولة سوالك الاسنان بعد كل وجبة (دا لو لقينا ناكل)

اخواننا بتوع التنمية البشرية بقى قالك ايه
اغرب تعبير
ان السعادة و حياة السعداء ان هى الا منحة تعطة لمن (قرر)ان يحيا سعيدا....استوقفتنى الجملة و قلبتها فى دماغى عالجنبين...و لكرهى الشديد لسياسة بيقولوا و وجد ان و سمعت.....قلت اجرب.....و هى فرصة انى اجرب قرار....و هو ما لا يحدث فى الغالب..فلا تجارب فى القرارات و لا تعديل فى النتائج...و قررت ان ابدأ من اليوم التالى......و اول ما فعلته على غير عادتى( القرار السرييييييييييع) اننى سأقضى اليوم سعيدة تحت اى ظرف......و فتحت نوافذ البيت مقررة ان يسرنى المنظر مهما كان....او ان احاول ان انظر للجانب الايجابى للحياة حتى لو ليوم واحد لعل ذلك يعطى دفعة تفاؤل للتغيير فيما بعد.......و مارست يومى مقررة ان استفيد من كل ما هو سلبى.....من الزحمة.......فقرأت كتاب عن ادب الرحلات و كأنى اسافر على طريق الحرية.....و حاولت التعايش مع كل الاشخاص المستفزة داعية الله لهم بالهداية ولنا بالرحمة.. فاذا (بعوج الدكاترة و المعيدين)خبرة للتعامل مع الاشخاص ال(غلسة)....و لوغاريتمات الامتحانات (فوازير كورومبو)......و وصلت الى منزلى.....و قررت ان استمع الى الراديو الذى اهواه لانه المكان الوحيد فى هذا العالم الذى يجردك من اى قرار و (يختار لك)و لو حكمت تقرر.....فالقرار المناسب ان ترضى بكل ما سوف يختير لك و تسعد به....و كأنه (ماكيت)مصغر لسر الحياة و مفتاحها.....الرضا
اكتب الان لاضم صوتى لصوت كتاب التنمية البشرية....الانسان قرار.....السعادة قرار.....الحياة اختيار....و الاختيار قرار......و نصيحة اخوية......قرر ان تسعد حتى لو ليوم واحد....دون انعزال عن الواقع...انما بتحايل على الواقع لنمنح انفسنا القدرة على الاستمرار....على اقل تقدير ستشعر بأنك فى حياتك فعل و قرار....و ليس رد فعل......و كعادة من يخبر الاسرار...اقولها بصوت خافت....ان الجمال ليس جمال اللوحة او الفنان....انما هى عين الانسان التى تخلق الجمال...و اسامح فى حقى فى افشاء هذا السر تحديدا علنا نسعد...و قرار بقى...قد قررت ان اتنحى وقتيا و موضعيا عن كل منصب كتابى و ان اقف فى صف الجماهير..لحد ما تخلص الامتحانات...و نراكم سعداء...سك عالموضوع

طعم الحياة

2009-04-16T08:30:00.000-07:00

فى حياة كل منا الكثير من التفاصيل التى يعتز بها و التى تظل لها رونقها المميز مهما تاه الفرد منا فى خضم الحياة و مهما تلطمت سفنه من ميناء لاخر...تبقى التفاصيل....و تفرق التفاصيل.....تحدث فرقا كبير فى مدى تعلقنا بالاشياء....بالاشخاص او حتى بالافكار.....فأليكم بعض تفاصيلى التى اعتز بها و القادرة دائما على بث روح الامل و الدعم فى ايا كان حالى و ادعوك الى التفكير فى تفاصيلك بل و انصحك الا تنسى هذه التفاصيل حتى لو اصابك مرض العصر الزهايمر....و حتى لو نسيناها فأثرها علينا لا اعتقد انه قابل للنسيان

نشأت على صوته و ارتبط معى برمضان تحديدا ساعة الافطار...كان يقول وقتها...يا ابو كف رقيق و صغير و كنت ذات الكف الرقيق الصغير و كنت فى مقتبل العمر و ها انا ذا اربط صوته بالاستذكار فى جامعتى....فى ابعادى عن الحزن و اليأس و تحميسى للحياة..فى كتاباتى.....فى كل شىء....منير.....من اهم تفاصيل حياتى و من اجملها على الاطلاق و لو كان فى يدى ان اختار موسيقى تصويرية لاحيا فى خلفيتها فمن المؤكد ان تكون صوته المصرى العذب

من بين كل الناس.....احب الاصدقاء الحق...و فى كل الاصدقاء.....اعشق ابتسامتهم فى اول اللقاء....تلك الابتسامة البسيطة التى تحمل معانى الفرح و رائحة الذكريات و وعد البقاء دائما صحبة صالحة الى ان نبعث فى ظلال عرش الرحمن سبحانه و تعالى......و لبعضهم تفاصيل مميزة....فجملة(نهى سعيد)الشهيرة كان الله فى العون.....و الجملة التى اتفقنا انا و (رضوى عادل)على ان ننهى او نبدأ اى لقاء بها من حوالى 6 سنوات(سبحان الله و الحمد لله ولا اله الا الله و الله اكبر)طامعين فى ان نأخذ ثواب هذه الجملة فنمتلك بستاننا الخاص فى الجنة فيستحيل الفراق

و للسعادة مظاهر تعبر عنها.....اقربها الضحكة....و من بين كل السعداء الضاحكون اعشق ضحكة شقيقاتى(ياسمين و نهى)...ارى فيها التمرد على الحياة و المرح و _الشقاوة_و ربما جمال البنوتة المصرية

و من بين كل مظاهر الدعم التى تلقيناها فى حياتنا.....انتظر دائما نظرة ابى الى...تقول لى انى على ثقة تامة فيكى...و انى احبك يا ابنتى و قد ارى فيها الفخر فى بعض الاحيان...و اللوم فى احيان اخرى.....لكنها تظل مراته التى اعبر منها الى عالمه الخاص نادر التعبير عنه

و صوتها الحانى لا ينسى وسط التفاصيل و هى تقول....ربنا يحبب فيكى خلقه يا بنتى و يرزقك اللى فيه الخير ليكى و يرزقك بابن الحلال.....امى

و من بين كل الكلمات.....اجد الكلمات الصادقة الخارجة من القلب اكثرها تأثيرا فى سواء اردت ذلك او حاولت مقاومته و لكن للاسف تجد الكلمات دائما طريق تفر منه من عقلى لتحتمى بقلبى و ربما بدمعة تأييد من عيناى مباشرة الى ان نجحت فى ان اعتمد القلب الترمومتر الاساسى لاى كلمات اسمعها و من ثم تمر على العقل فيعقلها براحته

و من بين كل ما فى غرفتى.....اقف امام علمها....قد اشهده على حالها و ادعو الله ان يتحسن على ايدينا....و قد اعاتبه بسبب قسوتها على ابناءها فى بعض الاحيان......و لكنه من اهم تفاصيل حياة كل مصرى......علم مصر مشيرا الى مصر

و من بين كل مصر....اعشق الاسكندرية ذات الروح-الشقية- و ذات الجمال الصعب التكرار....و تأخذنى رائحة البحر-كاتم الاسرار الامين- التى لا توجد فى اى مكان اخر.....تقول دائما لى ان التميز فى هذه البلد موجود حتى فى اصغر التفاصيل

حتى لو كنت تحب الكتابة..و حتى لو كنت تمتلك مدونتك الخاصة....فتبقى خصوصيات لك صعبة النشر....لذا احب من بين كل ما كتب على كل الاوراق.....دفتر مذكراتى الخاص جدا جدا....فهو اهم تفاصيل عالمى الخاص

و من بين كل فصول العام.....احب الشتاء...و اعشق المطر...و ارتبط معى بكوب الشاى الساخن و دواوين نزار قبانى التى تلائم هذا الجو دائما.....يبقى الشتاء حاملا الامل فى ان تشرق الشمس مهما طالت الغيوم.....يبقى بكل تفاصيله مانح الحياة الاكبر

تبقى لهذه التفاصيل دائما اكبر الاثر فى حياتى تحت اى ظرف من الظروف....ربما لا تمثل شىء لكثير من الناس....لكنها بالنسبة لى طعم الحياة....احببتها و علمنى حبها ان الحب تفاصيل فصرت لا اقبل ان يحبنى احد بصرف النظر عن تفاصيلى ولا ان احب بدون الاهتمام بالتفاصيل ..الحب تفاصيل..نتتعلق بتفاصيل من نحب او ما نحب فبالنسبة لكل العالم هى تفاهات....اما بالنسبة لك فهى تفاصيل....فهى حياة.... فاحرص على متابعة تفاصيل الغير فهى حياتهم و املأ حياتك بالتفاصيل القادرة على بث النشاط و المرح و السعادة فيك فى اى وقت و اى مكان و لتكن عيناك شبابيك مطلة على كل التفاصيل و استثنى مصطلح تفاهات من قاموسك و اذا كنت مصرا عليه فأعتذر على تضييع وقتك فى تفاهاتى

مواقف

2009-04-13T10:50:00.000-07:00

كنت دائما استمتع بعمود الاستاذ انيس منصور مواقف _و مازلت_و رغم اختلافى معه فى الكثير من الافكار و عدم اقتناعى بها و لكنى اجد روح الاختصار او على رأينا يا شباب اليومين دول(الانجاز)من اقرب ما يكون الى ايقاع الحياة و اكثر الطرق تحقيقا لمبدأ خير الكلام....و بما انكم وحشتونى جدا و بما ان ايدى بتاكلنى عالكيبورد و عاوزة اكتب و بردو بما ان مفيش الموضوع اللى نرغى فيه بوست كامل....فعلى غرار كاتبنا الكبير...اخترت ان تشاركونى بعض الخواطر...اتفقنا...اختلفنا...وافقنا...رفضنا...فسنستمتع بالمشاركة و حسب

قالت لى احدى صديقاتى المقربات عاوزة(أمأم)....نعم....ايوة أمأم....حاجة كدا اتحبس فيها و انعزل عن اى حاجة جاية من برا....رافضة بهذا التعبير المصرى القديم جدا كل من يحبطنا اثناء رحلتنا نحو اهدافنا و كل من يبعد احلامنا عنا اكثر و اكثر بالفساد او الظلم او التعصب...رافضة كل امراض مجتمعنا....و التعليق يا ريت
ليت (الزهايمر)ينتهى من هذا البلد فى يوم من الايام....و لا ينسى كل فرد اصله....فلا ينسى الاب انه كان شابا...ولا تنسى الام ايام الطفولة....ولا ينسى المعلم مراحل تلقيه العلم..ولا المسئولين مراحل المواطنة...و على رأى اللى قال....من فات قديمه تاه
اه لو تعرف....على رأى نجاة....سيبكم من باقى الاغنية....اه لو نعرف جميعنا ان المرحلة التى نعيشها دائما اسهل بكثير من المراحل التالية فنستنزف كل لحظة من لحظات المرحلة الحالية فنعمل و نكد و نعطى و نحب و نعمل حساب ان اللى جاى اصعب
الفراغ.......اقترح على كل بنى ادم....مهما عانى من الفراغ الاجتماعى او العاطفى او الفكرى او النفسى....ان يعطى لنفسه فرصة للاستمتاع بالفراغ.....مبفكرش فى حاجة....ولا حد ولا اى موضوع ولا اى مشاكل....تمنيت كثييييييييرا فى الفترة السابقة ان احظى بهذه الفرصة الذهبية لتطبيق مبدأ(خراب يا دنيا عمار يا دماغى..هههههههههه)انما اكيد لفترة مؤقتة جدا لا تؤثر على مسار الحياة الطبيعى و انتهت الامنية بغبطة اخوانا بتوع (اليوجا)..فن التفكير فى لا شىء...و على فكرة...اقترح ان تكون اليوجا رياضة الشعب المصرى الرسمية....محتاجين نبطل نفكر عشان نحافظ على النوع المصرى من امواض القلب و الضغط و السكر و من ثم الانقراض....و لو اننا صامدوووون
بعد قراءة احدى التقارير المعبرة عن حالة مصر فى كثير من المجالات كالسياحة و الاستثمار و الصناعة والبحث العلمى و التجارة و التعليم و مدى تقدمهم جميعا فى عام 2008.و مش محتاجة اقولكم معدلات التطور و التنمية و التقدم ازاى مذهلين طبعا....تولدت امنية اخرى.........يا رب مد فى عمرى لحد ما اشوف يوم واحد للبلد دى حالها معدول...بردو يا ريت
اختراع بسيط اتمنى لو ان احدا يجد له سبيل فى يوم من الايام ...محول....يحول كل ما هو سلبى الى طاقة ايجابية من العمل و الكد و الاجتهاد....و طول ما احنا مستنين(حد)يعمل الاختراع دا عمره ما حيتعمل......يجب على كل منا ان يتقمص دور المخترع لفترة و لو امام نفسه فقط
اخرس......اقبل......افتكر....شوية كلام نفسى اقوله لشوية ناس....اخرس فتستحق ان توجه للنوعية اللى اتكلمنا عنهم....انصار مفيش فايدة و مفيش امل و كان غيرك اشطر....عزيزى المحبط اخرس....اقبل....فأنت عزيزى المواطن المحب للاختلاف مع الاخر لمجرد الاختلاف معه او حتى لاى سبب اخر فاقبله كما هو...اقبل الاختلافات تجد المشترك بسهولة اكبر....و افتكر...انما اقولها لكل طالب و طالبة نسى دور مدرسته و جامعته و اماكن كتير ليها دور غير الدور اللى هو فاكره خااااااالص......افتكر ان الجامعة لتلقى العلم و تلقى الصدمات فى العلم اللى انت بتتلقاه فقط لا غير.....مش باعتينك تظبك...ولا تشرب سجاير....ولا تعاكس زميلاتك ولا توقع بنطلونك ولابعتنا الطالبة الفاضلة عشان تدور على عدلها و تبدأ مسيرة الكفاح من اجل عريس و موضوع الجامعة دا لازم نتكلم فيه عشان انا شايلة و معبية...هههههههه...مش بس الجامعة...انما هى فكرة لكل مقام مقال
اقصى الاشياء......اصبحنا نعيش دائما فى الاقاصى...اقصى الانفلات و اقصى التدين....اقصى الامل...و اقصى الاحباط......اقصى القبول...و اقصى الرفض و قد لا يكون هذا غريبا فى حياة المجتمعات....و ما اجده غريبا حقا ان هذه الحالة انتقلت للافراد و لو ان بردو الافراد جزء من المجتمعات و انا اولهم....فأجد وصف النهاردة اجمل ما فيها العشق و المعشقة و شويتين الضحك و التريقة و وصف بكرا و طريقى ما طريقى ءأنا اصعد فيه ام اهبط ام انى لست ادرى؟.....خير الامور الوسط....نقدر نوصلها؟
من الكلمات التى شعرت انها ماينفعش تكون موجودة اصلا فى الفترة الاخيرة.....كلمة...تفاهات.....فما تجده انت تافه...قد يكون ذا قيمة عند غيرك...و ما تجده مالوش لازمة عند غيرك له و نص.....و تفاهات الغير جزء من شخصيتهم عليك احترامه حتى لو.....تفاهات
فكرت كتير لو ممكن اقود حملة حتكون حملة لايه....للقضاء على الفساد...ولا لحياة بدون تدخين....ولا لحياة بدون تظبيط....هههههه....ولا نحو تعليم افضل....و وجدت الاجابة....حملة تطوير الامثال الشعبية....امثالنا هى ثقافتنا و مراة شعوبنا و بتغييرها فبامكاننا تغيير ثقافة شعب......و اهو بردو تغيير
بيقولك....بيتهوفن....عندما قام بتأليف رائعته التاسعة قال بثقة ان كل شىء سوف ينتهى و يتغير و لكن هذا العمل سيدوم.....و هنا استوجب الشكر لصديقة لى متبنية قضية تثقيفنا الفنى.....تفتكروا ايه اللى ناقص عشان نقدر نعمل عمل كدا.....ثقته....موهبته....اصراره....قد يكون....و لكنى صرت على يقين ان الاصعب هو معرفة العمل نفسه لاننا جميعنا نمتلك المواهب و القدارت..و السؤال فيما نمتلكها؟
قارئى اللى دايما مدوخاك.....صدعتك....انما بالنظر الى البند التاسع....تذكر.....عليك احترام خواطرى و تفاهاتى و تحملها حتى اخر حرف فى البوست...........بلطجة بقى

و لكم منى الف تحية و سلام

نقطة و من اول السطر

2009-03-05T13:11:00.000-08:00

تمنيت كتابة بوست بهذا العنوان...و بصراحة(اتلككت )كتير عشان الاقى بوست يمشى مع العنوان...مش عارفة مين المفروض ييجى قبل مين...بس المرة دى التطور الطبيعى للحاجة الساقعة اتعكس معايا

نقطة و من اول السطر.....فكرة جالت فى بالى....و هى ليست فكرة فقط...هى جملة قلناها جميعا...قلناها مرارا و تكرارا....قلناها قاصدين نهاية مرحلة و بداية مرحلة اخرى...و قلناها قاصدين السخرية من انفسنا عندما ظننا ان فى وسعنا نهاية مرحلة و بداية اخرى بمجرد جملة...قد يختلف الموقف...انما المشترك اننا جميعا قد قلنا هذه الجملة من قبل
من منا لم يتمنى ان تكون حياته فى بساطة مقال يكتب...فينتقل من نهاية سطر الى اول سطر اخر(الكتاب انصار نفتح صفحة جديدة)...او يترك السطر دون ان ينهيه و ينتقل للاخر(الكتاب انصار التفاؤل..قد يكون السطر الجديد افضل)...او حتى يترك المقال بدون نهاية مستمتعا بمشاعر الحيرة التى سوف يثيرها فى فكر قارئه(كاتب مؤذى)

هى جملة....تشرح مشاعرنا بكل بلاغة فى مرحلة ما....مرحلة المنعطف بين الهبوط و الصعود...بين الشتات و الهدى...بين الانقياد و القرار...قرار مثلته العبارة ب(نقطة)...و من منا لم يحتاج لكتابة هذه النقطة من قبل؟؟

و لكنى اتسائل...لماذا ينسى الكثير من الناس هذه الحالة بعد المرور عليها..و يعود للسطر السابق مرة اخرى(و هو ما يستحيل فى عالم الكتابة)....لماذا نكتشف فى كثير من الاحيان اننا كنا غير قادرين على وضع هذه النقطة..و لماذا اصبحنا نهوى الوقفات الوهمية مع النفس و الاحتجاجات الفارغة على اسلوب حياتنا من ان للاخر ....لماذا عشقنا هذه الجملة اذا كنا نعلم علم اليقين اننا بعد النطق بها سنعود الى ما كنا عليه.....هل هى صعوبة التغيير..ام الحنين للماضى..ولا المشكلة فى الجملة؟

تشغلنى كثيرا قضية التغيير....ولا اعلم الى هذه اللحظة لماذا يصعب فى كثير من الاحيان بل و يستحيل احيانا رغم اقتناعى التام ان لا مستحيل و ان التغيير من اسهل و امتع ما يكون لو صاحبته رغبة صادقة فى ذلك.....و لكنى اصدم بواقع الكثير من الناس......فهل هو الضعف الانسانى الذى يعود بنا الى ما كنا عليه سالفا ام ضعف الارادة ام اننا نعود لنعرف قيمة التغيير؟؟
نقطة و من اول السطر....متى يمكننا قولها و لكن على المستوى القومى و ليس فقط على المستوى الشخصى....متى تصبح بلادنا قادرة على نطق هذه الكلمة بكامل الثقة فى انها تستطيع التغيير.....و هل ستصاب بنفس حالة الفتور التى يصاب بها مواطنوا البلد؟
تابعنا جميعا الحملة الانتخابية للرئيس اوباما و ربما كانت كلمة التغيير الكلمة الرائدة لتلك الحملة الانتخابية....و ربما كانت هى المفتاح السحرى لفوزه بهذه الانتخابات....انها طبيعتنا.....نهوى التغيير....كم اشتاق الى سماع هذه الكلمة فى هذا الوطن....سماعها بكل ما تحتويه من معانى الصدق و قوة الارادة و التى تكفل البعد التام عن اى وضع خاطىء قبل التغيير
تحضرنى الان جملة لنزار قبانى...مش عارفة اشمعنى نزار اللى بيحضر و انا بكتب...(ان العرب ظاهرة صوتية)...هل كان صادقا فيها؟....ترى عرف حال العرب من عزم على التغيير ثم استبدال القرار باليسير؟؟
يظهر ان التلكيك جاب فايدة....اللى خلانى اكتب البوست اصلا.....انى اكملت عامى الاول كمدونة من حبة حلوين كدا زى ما قلنا قبل كدا....عام من الافكار و الاسئلة التى وجدنا لها اجابات فى كتير من الاحيان و تهنا بحثا عن اجابة لها فى احيان اخرى...لا ادعى انى املك كل الاجابات و لكنى اجزم ان الرحلة للبحث عن الاجابة من امتع ما يكون
عام من الاحلام و التغيرات و المشاعر و الافكار و الظواهر سواء على المستوى الشخصى او المستوى القومى........وجدتها فرصة لاقول(نقطة و من اول السطر)انا كمان....عام جديد يستحق وقفة مع النفس و تخطيط للعام المقبل
المشكلة نحسب السنة باية ولا ايه...الاعياد كتير....كل ما اقول حعمل وقفة مع نفسى فى راس السنة....الاقى بعده عيد الام...وقفة عشان ست الحبايب...و عيد العمال....وقفة عشان نص مجلس الشعب عمال و فلاحين...و عيد الشرطة...و كمان وقفة عشان التعذيب و الضرب على القفا(و هذه نماذج فقط و ليست كل الشرطة)...و عيد العلم...عيييييييب بقى لازم وقفة دى شغلتنا.....و عيد الحب....فى احلى من كدا وقفة...و ..و ..و ...و
يمكن من كتر الوقفات بننسى و بنرجع زى الاول؟
عموما......اقولها من نفسى انا كمان....مر عام و اتمنى ان يأتى الف عام من الحديث الصادق الخارج من القلب لقلب كل مدون و مدونة ....الف عام من التمتع بكل ما كتبه كل مدون و مدونة و الاتفاق احيانا و الاختلاف فى احيان اخرى....و سواء اتفقنا او اختلفنا....فالتدوين حدث هام طرأ فى حياة كل منا و اكاد اجزم(و ابصم كمان)انه تأثيره و تغييره كان اكبر من اى وقفة و من اى نقطة و من اول السطر
كل سنة و انتم مدونين
ملحطوظة:البوست دا كان المفروض ينزل قبل البوستين اللى فاتوا...بس يلا كل تأخيرة و فيها خيرة

شياكة و شيزوفرنيا

2009-02-26T05:46:00.000-08:00

يوم مهلك اخر من ايام جوانتانامو الكس الشهيرة بهندسة الاسكندرية(لا و الله دى حبيبة هارتى ...بهزر)...خرجت و على وجهى جميع علامات الذهول التى عرفت حتى هذه اللحظة بسبب مشاهدة شوارع مدينتى الجميلة التى تقرر(دغدتها)بما فيها السليم قبل ما يحتاج لاصلاحات و اختص القرار(الرصيف بالذات)لحكمة محدش عارفها حتى هذه اللحظة...قد يكون من باب الترفيه عن السكندريين ..من حق المواطن انه يتنطط فى الشارع براحته بردو باحثا عن مكان مستوى يمشى فوقه....ما علينا....المهم...بعد الاسغراب و الدهشة و التعجب عدت الى حلمى الذى يراودنى فى كل يوم بعد الخروج من الكلية...الفارس الابيض اللى حيخطفنى على بيتى..ايوة بيتى انا مش بيته....ما انا اقصد الميكروباص....و تحقق الحلم و الحمد لله و نبتدى منين الحكاية.....كدت اصاب بالشيزوفرانيا و انا فى طريقى الى منزلى......لو انت قاعد فى المقصورة الرئيسية للميكروباص يبقى على ايدك اليمين....رجل ملتحى تجلس بجواره صديقة لى....لا اجد فى مظهرها شيئا غريبا او ملفتا...فاذا به يعطيها _موبايله)قائلا : اقرأى الرسالة....فاذا بالرسالة تقول:الحجاب فرض..و عليكى الالتزام به...لان الموت يأتى فجأة و احذرى عذاب القبر....النكتة فى ان البنت محجبة...ايوة محجبة......و فى نفس المقصورة على ايدك الشمال يجلس رجل ملتحى بجوار شاب....سأله الشاب عن حكم التقصير فى الصلاة بنبرة من يبحث عن بداية طريقه الى الله ملبيا نداء فطرته السليمة..بصوت ارهقه البعد عن خالقه الذى هو اقرب اليه من حبل الوريد رغم بعده..فابتسم الرجل و اجابه بحنان من ذاق القرب من الله...او بمعنى اخر من عاش ما يبحث عنه فتانا...ان كلنا خطائين و خير الخطائين التوابين...والا تيأس من رحمة الله......حتى انه بعث الأمل فى نفس الكثير من الركاب و اشترك الغالبية فى الحوار و سيطرت شخصية شيخنا المتسامحة على الجميع و ولدت فى نفوسهم رغبة فى العودة الى الله

كان الموقف ادعى بالدهشة من موقف سيادة اللواء(عادل رصيف )من الشوارع.....سبحانك يا رب....مظهرهما متشابه....لكن اسلوبهما مختلفان ابعد الاختلاف...و تأثير كل منهما على الناس ابعد ما يكون عن تأثير الاخر....رغم ان الهدف لكل منهما بالتأكيد واحد.....لفتا نظرى الى مفهوم نحتاج جميعنا فهمه بعمق...مفهوم اسلوب الدعوة...اكدا لى ان الدعوة(شياكة).....شياكة فى التعامل مع الاخر و فى قبوله و فى لفت نظره الى الجمال الذى يتمتع به و مساعدته ان يضع يده على فطرته التى فطرنا الله عليها و ان يضع قدمه على بداية طريقه لله....مع الكثير من الترغيب لا الترهيب....و الرغبة الصادقة فى ان نمد يد العون للاخر.....باتسامة لا اكثر....و بادراك تام لحقيقة تغيب ايضا عن الكثير منا..اننا بشر...و فهم عميق و صادق لروح الدين

(على جنب لو سمحت)قالها كل منهما ... حتى محل سكنهما متقارب كأهدافهما.....و لكن قريب على بعد كما قال الشاعر...و لو كان فى وسعى الكلام لنطقت بكلمة واحدة لكل منهما....شكرا.....احدهما يستحقها لما منحه للركاب من حالة صفاء و هدوء اكاد اجزم انها قد تقود الكثيرين منهم الى وقفة مع النفس...و شكرا لاخينا الاخر لانه اعطانى فكرة لبوست جديد و لفت نظرى الى معنى (الشياكة فى الدعوة)

الكتابة عمل انقلابى

2009-02-02T07:32:00.000-08:00

الكتابة عمل انقلابى..كلمات قالها نزار قبانى و قرأتها ذات مرة...قراءة عابرة و لكنها نقشت فى عقلى و خاطرى بحروف من نور...فى كل مرة اكتب فيها او اتابع ما يكتبه الاخرون اتذكرها جيدا و احاول قدر الامكان ان احترم حرمة هذا العمل الانقلابى....نكتب لنعبر عن مشاعرنا....نكتب لنعبر عن افكارنا...نكتب لنشرك غيرنا فيما مرأنا به فى حياتنا من مواقف او من تغيرات او ما شابه ذلك...و قد نكتب لنكتب فقط!!
بعد عام من الكتابة وجدت الفرصة مناسبة لاكتب...عن الكتابة.....تجربة تستحق ان تعاش و لو لمرة فى العمر....لحظاتت ساحرة هى التى نكتب فيها....عندما تقوم بتثبيت الزمن على موقف معين لاسترجاعه او التفكير فيه او تثبيته و حفظه من عوامل ضعف الذاكرة و الزحام التقليدى لهذه الحياة الصاخبة التى نعيشها
فاذا كان عمر القارىء يضاف اليه عمر كل كاتب قرأ له فالكتابة هى العمل الوحيد الذى يعطيه الفرصة ان يعيش عمره هو مرتان....مرة يعيشه..و مرة يكتبه و يسجله و يتابعه و هو فى طور الذكرى فيضحك منه احيانا و يبكى احيان اخرى و قد لا يجد رد الفعل المناسب سوى احترام قلمه و ورقته اللتان قامتا بتسجيل هذا العمر......تختلف ردود الافعال و لكن يستوقفنا دائما و ابدا صدق الكاتب

و لكنى اندهش كل الاندهاش من عجز القلم عن التعبير عن الكثير من المواقف....فأكثر من مرة و فى اكثر من موقف اجد التعبير عنى مستحيلا ولا اعرف السبب دائما...و ما يثير دهشتى اكثر هو ان هذه العادة الغريبة للقلم غالبا ما تكون فى اهم المواقف و اقربها لقلبى و اكثرها ارهاقا لفكرى....اندهش كثيرا من هذا القلم؟...كيف يتحدث عن احداث درجة اهميتها عادية او ربما اقل من ذلك و امام احداث اخرى تصنف فى حياتى او فى حياة وطننا بالمهمة جدا لا يستطيع ان يجر جرة واحدة؟

هل نعجز احيانا عن التعبير عما يجول بداخلنا؟؟....هل من قالوا ان الصمت هو اعلى انفعال كانوا على حق؟

عام مضى و استطاع كل قلم ان يستحوذ على احترامى...سواء كان لى او لاى كاتب اخر....كاتب
مدونة..مقال...قصة..مسرحية....مسلسل...فيلما...او حتى مذكراته الشخصية
فلك كل التقدير و الاحترام ايها العمل الانقلابى

مشوار صغير

2009-01-21T23:32:00.000-08:00

لا تحتاج اكثر من كوبا من الشاى (بعد مقاطعة النسكافيه) و نظر الى ما تسمعه و تشاهده من اراء بعين المتأمل حتى تصل الى جزيرة الفلسفة....تلك الجزيرة النائية التى كانت دائما و ستظل ابعد مكان يمكننا التوجه اليه و افضله اذا كنت من عشاق احساس انك تضل الطريق و مفقود فى وسط افكارك

عزيزى القارىء اذا لم تفهم شيئا مما ذكرته فلا تحزن...و اذا لم تفهم شيئا مما سأذكره فلا تحزن ايضا لانى متمسكة بحقى فى الذهاب الى جزيرة الفلاسفة لاتفقد كيف صار حالها و متمسكة بحقى فى وصف الرحلة الشاقة احيانا و الممتعة احيانا اخرى الى هذه الجزيرة

كل ما حدث اننى كنت اطالع احدى المواقع التى تنقل بعض الاقوال المأثرة عن بعض المواضيع و المعانى التى لا تخلوا منها حياتنا....و من اهم هذه المواضيع الحياة نفسها بالطبع....عرض الموقع افكاااار و افكااااااااار عن الحياة

قالوا هى حالة من الحب تصيبنا..نحب الحياة...نحب البشر...نحب اشياءنا الصغيرة...نحب زجاجة العطر و جرة القلم....فقط نحب

و قالوا هى لعبة....لعبة نخسرها لنتعلم منها

و قالوا تجربة نعيشها....مرة واحدة

و قالوا..رسالة....خلقنا الله فيها لنضيف اليها الكثير و نتعلم منها الاكثر

و قالوا....لغة غريبة....الجميع يجهلها

و قالوا...درس...نتلقاه جميعا و لكن القليل فقط يفهمه

و قالوا.... غابة..و لهم الحق فيما يقولون

و قالوا...مراة....ما نراه فيها هو انعكاس لما نراه بداخلنا

و قالوا...قطعة ثلج...نهايتها الانصهار

و قالوا....مغامرة

و قالوا...ابسط مما يراه المتفلسفون و اعقد مما يراه البسطاء

و قالوا....رحلة امل يقطعها الامد

و قالوا...غرفة و الكل يبحث عن مفتاحها فقط بسبب الفضول

و قالوا....ِشمعة فى مهب الرياح

و قالوا...مرحلة اذا احببتها بصدق احببت الانتقال للمرحلة التالية...الموت

و اكتفى البعض بأن الحياة للحياة

و نصح اخرون من يسأل عن معنى الحياة....ان(ياخدها كدا زى ما هى)

قالوا و قالوا و قالوا....فهمت بعض ما قالوا....و جهلت بعض ما قالوا...و زارتنى الحيرة مما قالوا....و لكن القرار النهائى كان الاستسلام لهذه الحالة من التفكير العميق التى قادتنى الى جزيرة المتأملين او ربما المتفلسفين او ربما (اللى مش فاهمين)و قد يكونوا (المعقدين)...لا اعرف الفئة التى يمثلونها و لكنى اعرف انهم موجودون فى هذه الحياة ولا يكتفون بالتعامل مع الاشياء كما هى انما بحثهم الدائم عن الاصول هو ألمهم الصادق الممتع

ذهبت اليهم على اجد اجابة عن سؤالى

ما معنى هذه الحياة؟

و لكنى عدت باجابة واحدة......لا اعلم اذا كانت هى الاجابة الصحيحة ام هى اجابة اخترتها لاعود الى عالمى و اترك تلك الجزيرة المرهقة....و الاجابة....ان الجميع يجهل الاجابة

و لكنى مدينة بالاعتذار لعقلى الذى شعر بالهذيان من كثرة الافكار....و لقارئى الذى اكاد اجزم انه اصابته نفس الحالة....لكنكما ضحايا ممارسة حقوقى فى التفكير و حسب

يلا نقاطع نصرة لغزة

2009-01-02T16:08:00.000-08:00

قال تعالى (إن هذه أمتكم أمة واحدة) ، (إنما المؤمنون أخوة) وفي الحديث الشريف "المسلم أخو المسلم لا يظلمه ولا يسلمه ولا يخذله" رواه مسلم وها نحن نرى اليوم إخواننا وأبناءنا في القدس الشريف ، وفي أرض فلسطين المباركة ، يبذلون الدماء بسخاء ، ويقدمون الأرواح بأنفس طيبة ، ولا يبالون بما أصابهم في سبيل الله ، فعلينا نحن المسلمين في كل مكان أن نعاونهم بكل ما نستطيع من قوة (وإن استنصروكم في الدين فعليكم النصر) الأنفال ، (وتعاونوا على البر والتقوى) المائدة. ومن وسائل هذه المعاونة مقاطعة بضائع العدو مقاطعة تامة ، فإن كل ريال أو درهم أو قرش أو فلس نشتري به سلعهم يتحول في النهاية إلى رصاصة تطلق في صدور إخواننا وأبنائنا في فلسطين. لهذا واجب علينا ألا نعينهم على إخواننا بشراء بضائعهم ، لأنها إعانة على الإثم والعدوان فتوي الشيخ يوسف القرضاوي
فكل مسلم اشترى من البضائع الإسرائيلية والأميركية ما يجد بديلاً له من دول أخرى، فقد ارتكب حراماً، واقترف إثماً مبيناً، وباء بالوزر عند الله ، والخزي عند الناس.لقد ألحقت المقاطعة العربية بإسرائيل خسائر تقدر بـ 48 مليار دولار منذ قامت المقاطعة .و نشرت جريدة الحياة "(28 /شعبان /1421هـ ) في صفحتها الاقتصادية أن خسائر شركات التكنولوجيا اليهودية في الولايات المتحدة بلغت منذ بداية الانتفاضة المباركة عشرين مليار دولار "نعم أؤكد أن الرقم صحيح :عشرين مليار دولار .أخي المسلم :لا تحقر من المعروف شيئا ، واعلم أن المسئولية يوم القيامة فردية ، وسوف يسأل الله كل عربي وكل مسلم ..... ماذا قدمت للقدس وللأقصى ؟المنتجات التي يجب أن نقاطعها :مشروبات غازية كوكاكولا – بيبسي – فانتا – سبرايت – سفن أب – ميرندا – ديو البديل شويبس – سبورت كولا – كراش – فيروز - بيريل
شبيسيات شيبسي –كرانشي –أكشن –دوريتوس –بيك رولز -شيتوس _ لايز
البديل ليون –كريسبس –مصراوي -كرينكل
حلويات توينكيز –هوهوز –رولز –بوريو –شركة كادبوري –شركة جالاكسي –سامبا البديل شركة القويري:الشمعدان
ايس كريم شركة نيستلي
البديل دولسيلبان وبونبون تشكلتس –هالز –ادمز
البديل تشكسب
طاريات انرجيزر –إيفريدي البديل باناسونيك –ناشيونال والبطاريات الغير أمريكية
شامبوهات هيد اند شولدرز –برت بلاس –بانتين –صانسيك
البديل سيف هير –تاتش –ليزا –إيفا
صابون كامي –لوكس –زيست
البديل ميست –جودمورننج –بي فريش
منظفات ايريال –تايد البديل برسيل –لانج -اكسترا
إخواني : لقد رصدت لكم هذه المنتجات البديلة المتواجدة لدينا في مصر وأي منتج اخر غير متواجد في هذه القائمة يكون منتج بديل

منقول
و اعتذر بشدة على عدم المتابعة

حتعمل ايه؟

2008-12-13T10:34:00.000-08:00

عمرى ما كتبت و انا متضايقة و قليل ما بكتب عن حاجات شخصية...انما المرة دى مش عارفة اعمل حاجة غير انى اكتب...و مش لاقية اى حل عند اى حد فيمكن الاقى عندكم....حتعمل ايه لو نمت يوم و صحيت..بصيت و شفت نفسك فى المراية بكيت؟؟!!!!!
و الله ما بهزر ولا بغنى...انما ايه اللى ممكن يتعمل لما تحس انك بتتغير تدريجيا للاسوأ..و لما تحس انك مش لاقى نفسك اللى اتعودت عليها زمان...و انك حاجات كتير مكنتش بتعملها زمان و بقيت بتعملها دلوقتى؟؟....و طريقة حياة كنت عايشها زمان مش عارف تعيشها دلوقتى؟؟....الناس المفروض انها كل ما بتكبر كل ما بتبقى احسن...لو حصل العكس...يبقى الغلط فين...لو بطلت تتكلم عن التغيير و تقدير العلم و بطلت تحط اهداف و بطلت تشتغل فى اى حاجة و اعدت تتفرج عالحياة و عالايام و عالناس و دا كله من غير اى سبب....لما تحس ان طاقتك للحياة بتخلص و انك مش انت......لما تحس ان نفسك بتاعة زمان وحشتك و تعد تفتكر فى ايام عدت و فاتت زى ما بتسمع كلام المصريين عن اجدادهم الفراعنة على اى قهوة.....لما ثقتك فى نفسك و فى قدراتك تقل من غير اى سبب و انت عارف انك لو اشتغلت حتلاقى...انما مش عارف تشتغل....لما تبقى عارف (ان الله لا يغير ما بقوم حتى يغيروا ما بأنفسهم) و مع ذلك مخدش اى خطوة....و اما تحس ان مشاكلك ملهاش حل عند حد و تستنى معجزة تغيرك فى زمن مفيهوش معجزات
لما يعدى عليك الوقت و انت واقف بتتفرج عليه و هو بيعدى و عارف انك حتتسأل عنه و سايبه يعدى...و بتتفرج عالعقارب و هى بتنقل نقلة نقلة ولا نقلات ابو تريكة مع فلافيو و هى فى الحقيقة بتنقلك من واحد لواحد تانى
و لما تبقى لزمتك(عادى)و (كله محصل بعضه) و (يلا مش مهم) و دا كله اكتر كلام كرهته فى حياتك
و لما تبقى ولا عارف تكبر دماغك و تبيع القضية ولا عارف تشتريها
من الاخر...لما تحس انك فى شيزوفرانيا...قناعاتك و قيمك و اهدافك فى سكة و انت
مش قادر غير انك تمشى فى سكة تانية ملهاش دعوة بيهم ولا تعرفهم
ساعتها حتعمل ايه
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

العيد فرحة

2008-12-08T15:06:00.000-08:00

تاج من اسلام مدونة(نام يا مصرى)له علاقة بالعيد و اجواء العيد اللى مسيطرة على كل المدونات

يلا نجاوب من غير لك كتير

ماذا يمثل لك العيد ؟ وما أكثر شئ يبهجك في مظاهر العيد ؟

العيد...دا هو الاسم شارح نفسه...يعنى احتفال و يعنى فرحة من القلب و يعنى ود و تواصل مع الاهل و الصحاب و احساس باللمة مع الناس اللى بتحبهم اللى بيحسسك بالتالى بالامان و السعادة

و احلى حاجة فى مظاهر العيد بعد صلاة العيد الولاد الصغيرين المشردين دول و هما شاريين اللعب بالعيدية

اوصف لنا طقوسك في العيد .. من ليلة العيد لآخر يوم ؟

طبعا الوقفة يعنى البيجاما الجديدة و قلبة البيت رأسا على عقب..اول يوم بيبدأ بالصلاة طبعا بعدها الفطار العائلى و اللف على كل العيلة و الاتصالات مع اهلى و اصحابى...غالبا تانى يوم بردو بيبقى تهانى كدا...اخر الايام بتبقى خروجات مع الصحاب و مسرحيات و تليفزيون

احكي لنا أطرف موقف حصلك في العيد ؟

مممممممممم......هو بتبقى كله مواقف حلوة و دا لان بيبقى فيه لمة و انا مقتنعة ان اللمة بتجيب تهييس على طول كدا...انما موقف معين مش فاكرة

بتحرص على تهنئة الأهل والأقارب والأصدقاء بالعيد .. ولا مش بتهتم ؟؟

و الله بحاول على اد ما اقدر اعدى عليهم كلهم او على الاقل اكلمهم

مين أول حد تزوره أو تكلمه في التليفون /الموبايل عشان تهنيه بالعيد ؟

مممممممم......اول ناس بابا و ماما و نهى و رضوى اصحابى و سارة بنت عمى

إيه الفرق بين العيد الحالي .. وعيد (أيام الطفولة )؟

فكرتونا بالذى مضى و الله...دا عيد زمان دا كان سكر..العيدية طبعا و شرا اللعب و البالونات و الملاهى و التنطيط و الشقاوة و خصوصا اننا و احنا صغيرين كنا فى بيت عيلة...تخيل بقى حوالى عشر اطفال منطلقين فى عيد...دلوقتى اهدى شوية اكيد...لا شوية ايه ..اهدى كتيييييييير...دى كانت طفولة مشردة

هههههههههههههههه

ذكريات

تفتكر الحياة من غير عيد .. هتفرق كتير ؟؟؟

طبعا...العيد الصغير فرحة بعد صيام و العيد الكبير بيحطك فى حالة روحانية تحفة بعد شهرين تقريبا من روحانيات رمضان...فدول محطتين مهمين جدااااااااااااا....و حلو احساس الفرحة بعد ما نشتغل و نتعب سواء فى رمضان او فى العشرة الاوائل من ذى الحجة و يمكن فعلا ربنا بالعيد كان عاوز يحسسنا معنى الاجتهاد و بعده الثواب بقى

إيه أجمل رسالة تهنئة بالعيد وصلتك .. قلنا طبعااا بتقول إيه ؟؟ ومن مين ؟؟

اه واحدة صاحبتى اسمها بسمة...افرح زقطط حنكش بلبط و انكش شعرك و اتنطط عيد سعيد عليك يا جميل يا مقطقط

لسه بتاخد عيدية ؟؟ من مين ؟؟ وبتديها لمين ؟

طبعاااااااااااا...باخد و مش بدى حد حاجة...هههههههه

إيه رأيك في التاج ؟

عسول جدااااااااااا

تحب تمرره لمين من المدونين ؟ اذكر على الأقل 10

صوت من مصر

مزمز

kemet

احساس لسا حى

صاحب المضيفة

قلوب بتغنى

bar2ash

heba

كراكيب

sometimes

خدوا الحكمة من افواه...

2008-11-29T04:35:00.000-08:00

كم اشتقت الى كوب النسكافية اثناء التفكير العميق فى الموضوع الجديد...كم اشتقت الى عالم التدوين...كم افتقدت خواطر كل مدون و مدونة...كم شعرت ان شيئا هاما جدا ينقصنى فى الفترة السابقة..التدوين...تلك الكلمة السحرية التى تعلمك التعبير عن ذاتك و قرائتها فى كلمات على سطور ...ذلك العالم الذى يستحوذ عليك فور تقدمك بالخطوة الاولى لاسكتشافه....فترة طويلة مضت ...لم اجد فيها ما يستفزنى للكتابة...ربما قد انشغلت عن هذا العالم باستكشاف عالم جديد و مرحلة جديدة تمثلت فى بداية مرحلة تعليمية جديدة بالنسبة لى(اعدادى هندسة)بما تحمله من تقلبات و اضطرابات و اختلافات عن (المدرسة)

اختارنا لكم اليوم يا شباب مقتطفات من اجمل ما سمعت و قرأت فى الفترة السابقة...قد تكون حكم..او خواطر ...او تأملات فلسفية..قد يكون قائلها فنان..او سياسى او كاتب او شخص عادى....و لذلك اشعر اننا يجب ان نأخذ الحكمة من افواه من عاشها و شعر بها و قرر نقلها لك ليفيدك او ليشاركك افكاره او ليعينك على فهمه ليس الا

المصرى هو من يملك مصر كلها_محمد صبحى

الرجولة معنى يبدأ من احتواء المرأة و ينتهى بأحتواء الوطن_محمد صبحى

سحر الفن يكمن فى التأثير فيك_محمد صبحى

من يقاوم الاحتلال ليس ارهابيا_محمد صبحى

من حق المرأة ان تكون قطة مدللة مع من تحب..اسد قوى فى المجتمع و فى الحياة العملية_مفيد فوزى

من عاش لنفسه..عاش صغيرا و مات صغيرا..و من عاش للناس امتد عمره لعمر كل من ساعده_عمرو خالد

الى لية فى الدنيا ذكرى لابد يوم هيعيش لها ..الى لية فى الدنيا فكرة يفدى نفسة لحلهـــا... الى لية حلوة وصبية يفدى روحة لجلهــــــــا... والى قال لاء مش شوية اللة بكرة يحلهــــــا_محمد منير

الرجال من المريخ و النساء من الزهرة_خير ما يصف الاختلاف_جون جراى

علاقات البشر شبيهة بالمراة...عندما تكسر يجب الا نحاول اصلاحها لان ذلك قد يؤدى لجروح عميقة...الافضل تركها_واحدة صاحبتى

الفرق بين القيادات العربية و القيادات الاجنبية انهم يطبقون سياسة بصرف النظر عن الرئيس و اننا نسير برؤية فردية بصرف النظر عن السياسة_بردو محمد صبحى

من شدة علم الله بأحوالنا..خصص لنا مواسم لشحن النفوس بالطاقة و الامل و الحياة و القرب منه...ايام الجمعة...رمضان...العشر الاوائل من ذى الحجة_واحدة صاحبتى تانية

الحب بوابة سحرية...و المرور بها بمثابة دخول لعالم جديد و رؤية جديدة لعالمك القديم و مزيج من الاتنين فى كثير من الاحوال_واحدة صاحبتى تالتة
الاصغاء للمرأة افضل انواع المغازلة_مفيد فوزى
طاقة + ثقافة + فكر + تدين بدون تطرف=شباب صالح_مفيد فوزى
كلما شاهدت الاختلافات التى تطرأ على مجتمعنا شعرت بحاجتنا لدور عالم الاجتماع لرصد هذه التغيرات المفاجئة و طرح حلول علمية لها_مفيد فوزى

و الله بعودة+تاج

2008-09-07T05:53:00.000-07:00

طبعا انا بقالى زمن بعيد عن مدونتى و عن المدونين الجامدين جدا انما بجد دا غصب عنى .. عاوزة بس اقولكم كل سنة و انتم بألف خير و صحة و سلامة و يا رب يكون رمضان السنة دى نقطة تحول فى حياة كل حد مننا..و عاوزة اشكر كل اللى بيسألوا عليا دايما و اقولهم ان انا الحمد لله تمام

و عاوزة اتكلم معاكم فى حاجة يا شباب...عندى احساس الايام دى ان فى حركة فى البلد جامدة جدا..حملات من احترم نفسك لبؤجة الخير لغيرها ..و جمعيات شغالة بنشاط مكثف من رسالة لجمعيات صناع الحياة و اللى شغلتنى الفترة اللى فاتت و فى اقبال جامد جدا عالجمعيات دى

بدأت احس ان البلد بتتحرك بس المرة دى بجد..و ان ولاد البلد استجدعوا مع بلدهم

حد حاسس الاحساس دا؟
طب ايه تفسيره؟
ولا هو رمضان شهر كريم عالكل؟

التاج بقى من محمد هشام ..يلا بينا نجاوب

بدأت تدون امتى و دخلت العالم دا ازاى؟

انا بدأت ادون من تقريبا اخر شهر يناير او بدايات فبراير السنة دى و دا معناه انى لسا فى الاول اوىىىىىىى..و دخلت العالم دا عن طريق انى كنت بشوف حاجات كتير اوى حواليا فى الشارع و فى المدرسة ايام ما كنت لسا فى المدرسة بقى و فى اماكن كتير ببقى عاوزة اعلق على تصرف شفته او كلمة سمعتها و مش دايما فى مجال انك تتكلم مع صحابك مثلا عن الشارع لان الصداقة علاقة خاصة اكتر..فكرت فى حاجة تدينى المجال دا و كنت فى نفس الوقت اعرف واحد عنده مدونة كلمنى عن التدوين و عملت المدونة و تابعنى فى الاول و قالى انى ممكن اكتب كويس على حد كلامه يعنى

ايه كان انطباعك فى البداية؟

كنت ببقى مبسوطة اوى لما اتكلم فى حاجة عاوزة اتكلم فيها حتى لو مجاليش ولا تعليق و كنت محترمة اوى العالم الكبير دا و كان عندى احساس انى نفسى اتعرف على كل المدونين لاننا جامعانا حب بلدنا و حب قلمنا او كىبوردنا

مين اكتر واحد بتهتم بتعليقه على بوستك الجديد؟

بهتم بجد بكل تعليق بيجيلى اوى حتى لو نقد

ايه اهم حاجة اتعلمتها من عالم التدوين؟

اتعلمت احترم وجهة نظر الاخر و ماتضايقش منها حتى لو غير وجهة نظرى و اتعلمت اعبر عن رأيى بأسلوب شيك و محترم حتى لو نقد و اتعلمت ان مشاعرنا حاجة مهمة اوى ولازم نعبر عنها حتى لو بالكتابة فى مكان مفيهوش حد يعرفك بشكل شخصى زى النت كدا

ايه اكتر حاجة كرهتها؟

الناس اللى مالهمش فيها اللى بيدخلوا يقولوا كلام مالوش علاقة بأى حاجة...يعنى افتكر واحد مثلا دخل اعترض على بوست لمجرد انه عرف انى لسا فى ثانوية عامة قبل ما اخلص منها مع انه نفس البنى ادم دا دخل قبل كدا و عجبه بوست ليا اوى ..لا و مش اعترض و بس..شتم كمان و انا سيبت التعليق زى ما هو

حاسس ان التدوين له تأثير؟

اكيد بيأثر اول حاجة فى حياة اللى بيدون نفسه و بيعلمه ازاى يعبر عن نفسه و بيأثر فى اللى بيقرا الكلام دا و فى المجتمع بقى بشكل عام..و اكبر دليل على كدا ان فعلا فى حملات طلعت من عندنا و فى حملات كبرت بالمدونين ....طبعا مؤثر

تهدى التاج لمين؟

http://www.blogger.com/profile/04882291844076624000

Sometimes

حكومتى ملاك

قهوة بالفانيليا - شيماء علي

blue-wave

كان فى تاج كمان من عروس البحر....انا جاوبت على حتة منه قبل كدا فى تاج سابق و فى جزء اول مرة اتسأله فحجاوبه

اذكر 6 اسرار لا يكتشفها من يقابلك لاول مرة؟

مممممممممممممممم

انا اصلا الانطباع الاول بيكون دايما غلط عنى...فاللى بيشوفنى اول مرة مش بيتخيل انى ممكن اكون عاقلة و بفكر كويس بردو...مش بيتخيل انى ممكن اكون اخدت عليه بسرعة انما لسا مش واثقة فيه...مش بيتخيل انى ممكن يكون ليا فى التدوين و المناقشات و القراءة و الندوات و الحركات و بردو الكورة و محمد بركات...مش حياخد باله بردو انى محترمة و مش بتاعة اى حاجة من الكلام دا بتاع شيرين ...مش حياخد باله انى مؤمنة بالوسطية فى كل حاجة فى حياتى..و مش حياخد باله انى متسرعة

للاسف بقى اول انطباع بيبقى حاجة من الاتنيين و دا على حسب مودى اليوم دا لانى مودية جدااااااااا....يا اما ببقى مهيسة فبيتاخد انطباع انى تافهة و مرفهة يا اما ببقى متضايقة فيتاخد انطباع انى عقد...بس مش بزعل لان اول ما بنعرف بعض كويس الحمد لله الانطباع بيتصلح كمان انا مش مؤمنة بفكرة الانطباع الاول لان حرام تظلم حد و تحكم عليه من اول مرة تشوفه...لازم تكون تعرفه كويس دا غير ان 93% من الانطباع الاول لغة جسد و مظاهر ولا وعى و دى اخر حاجة قريتها بقى عن الانطباع الاول و اللى خليتنى ائفش منه افش ابدى

بس يا عروسة البحر

كل سنة و انتوا بألف خير يا رب و رمضان كريم

دردشة مصرية

2008-08-08T03:35:00.000-07:00

بوست فانتازيا عالاخر..لو مصر كلمتنا فى الوقت دا ممكن تقولنا ايه؟

مصر:ايه يا دينا عاملة ايه
دينا:انتى شايفة حالك يسر اوى
مصر:طب و يتزعأيلى انا ليه..ما انتوا السبب
دينا:احنا مين ان شاء الله...
مصر:اللى ماسكينى
دينا:طب و احنا مالنا و مالهم..ما هم لابدين فى الدرة نعملهم ايه يعنى
مصر:نعملهم ايه..ما انتوا طول ما انتوا ساكتين ماتقولوش بيعملوا فينا كدا ليه
دينا:دول خطر عليكى بجد...حيبوطوا صورتك ادامنا
مصر:عيب عليكم...انا مش كدا...و مش دول اللى المفروض تعرفونى عن طريقهم
دينا:امال نعرفك منين يا ست الكتكوتة و الدنيا عندك بقت طريقك مسدود مسدود يا ولدى...العيل من دول بيتظلم من اول ما يبدأ يتعلم بنظام غلط و بعدين يشتغل لو اشتغل بروتين غلط و بعدين يعيش عيشة غلط و اهو كله غلط فى غلط
مصر:يعنى خلاص يأستوا
دينا:لسا شوية انما زى ما تقولى افشين شوية .. ماتفهميش بقى عليكى ولا عليهم
مصر:ابدأى بيكى يا بنتى..و صدقينى لو انتى عملتى اللى عليكى و كل واحد عمل اللى عليه بقلب و فكر شوية فيا حأتغير
دينا:ما احنا بردو تعبنا..يعنى انتى عاجبك اللى بيحصل دا؟
مصر:لا طبعا ... انما انتوا طول عمركوا رجالة و طلعتوا بيا من مواقف اصعب من كدا بكتير
دينا:رجالة..كمان بتغلطى فيا
مصر:ههههههههه ايوة كدا خليكوا زى ما انتوا..اضحكوا و اشتغلوا و اوعوا تيأسوا و انا و الله بحبكم انما هما اللى مش سايبنى فى حالى
دينا:يعنى فى افل؟
مصر:افل..ما دام اللمبى دخل فيها يبقى مفيش امل...بس انا بقولك اهو اكتر من كدا و عدينا
دينا:طب بذمتك انا اعمل ايه عشان انسى السواد اللى جوايا من ناحيتك
مصر:لا انا عارفة انه شوية زعل و حيروحوا و على العموم افتكريلى شوية حاجات حلوة عشتيها معايا و فى وسط اخواتك يا بنتى
دينا:اه و الله معاكى حق...بس اخواتى نصهم هجوا و خلعوا منك
مصر:معلش ان شاء الله يرجعولى احسن مما راحوا
دينا:يا شيخة دا فى منهم قاعد فى اسرائيل و مترستأ عالاخر
مصر(باطراقة حزينة):ربنا يهدى...بس دول انا مش محتاجاهم
دينا:امال نفسك فى ايه...؟؟؟ اوعى تقولى كمانانا..............ههههههههه
مصر:يا بنت بطلى شقاوة...نفسى فى دينا اللى مش متشائمة اللى عارفة ان فى امل و اللى بتبدأ بنفسها و مش دينا و بس ... دينا و محمد و حسنين و جرجس و تامر
دينا:لا تامر لا عشان مانخسرش بعض...خليها حماقى او منير و اهو اكيد انتى بتحبيه...طب اخرتها ايه؟
مصر:معلش شوية صبر و شغل بجد عشانكم قبل ما يكون عشانى و حتى لو ملحقتوش تعملوا حاجة اللى بعدكم حيقولوا الله يرحمهم اللى قبلنا بدأوا حاجات كويسة ولازم احنا نكمل
دينا:تفتكرى حتحلوى يا بت بعد عشرين سنة كدا ولا زى ما انتى ولا حتوحشى ولا ايه
مصر:زى ما انتوا عايزين و شغالين...ممكن بقى تفرحونى بيكم شوية..مايبقاش انتوا و المسئولين عليا
دينا:امرى لله...ححاول اعمل اعادة تأهيل و انسى كل اللى بيحصل دا و ارجع زى زمان...اه يانى منك مطلعة عينى بس بحبك
مصر:عارفة...و مش انتى بس و كل ال80 مليون ...... و انا كمان يا دودو
دينا:دودو...هو احنا بنتدلع غير فى كاس الامم و فى باقى السنة ناخد على افانا
مصر:تاااااااانى...ما قلنا خليكوا زى المنتخب
دينا:ماشى يا قمر.....انتى مالك احلويتى كدا
مصر:لا انا زى ما انا...بس لما تشوف اللحظة بعين تانية تقدر تعمل منها حاجة حلوة
دينا:هى وصلت لفودافون .....ماشى يا عسسسسسسسسسسسسسل

متى؟؟

2008-07-28T15:46:00.001-07:00

لا ادرى ان كنت قد اعتزلت التدوين ام اعتزلت مبادئى ام اعتزلت الغرام كما قالت ماجدة الرومى...غرامى لمصر الحبيبة...تسيطر على كأى مصرى فى هذه اللحظات مشاعر من القهر و الكبت و خيبة الامل و التخبط بين ما قيل و ما يقال و ما نود ان نسمعه...بين مشاعر متعاطفة و عقل يتمنى لو كان يفهم اكثر ما يدور ليعلم الحقيقة....لن اتحدث عن الحكم الصادر فى قضية العبارة...لانى لست اهلا للحديث عن القانون او الحديث عن كارثة لا اعلم عنها الكثير...انما اتسائل من المذنب؟

.و متى نحترم القضاء و متى نندد به؟

..و متى يأخذ اهالى الالف ضحية بثأر اولادهم و متى اشعر كمواطنة مصرية بأنى انسانة لها كيانها المحمى بصفة القانون و ليس المعتدى عليه من قبل القانون..متى افهم من الظالم و من المظلوم ...و متى اراكى يا مصر مصر اخرى غير ما ارى

.لم اشعر قط بالرغبة فى العيش طويلا فى هذه الحياة رغم انى اعشقها و احياها بكثير من الامل انما هى المرة الاولى التى ارفع يداى الى السماء و ادعوها بصدق:اللهم مد عمرى لارى مصر مصر التى اتمناها على يدى و لو ليوم واحد يا رب

اشعر بالرغبة فى الحداد ...لا من اجل الضحايا و لكنى اشعر انى بحاجة لحالة من الحداد على بلدى...التى تخيلتها بشكل و تمنيت ان يتحقق هذا الشكل على يدى و ايدى كل من تيم بعشقها الى يصل بنا الحال لهوة مظلمة لا ندرى اخلاص منها ام انه مكان المستقر كما استقرت الضحايا فى هوة بداخل بحرنا على ارض بلدنا دون عقاب يذكر للجانى ايا كان من هو

كما انى لا ادرى ما ستثيره كلماتى فى ذهن قارئها..و لست من المقتنعين بفكرة الغد الاسود و الظلام..و لكن عذرا لكل من يقرأ لم اعد احتمل ان ادخل فى نقاش طويل مع من يسب البلد و افهمه انها مش غلطة البلد ان مسئولينها مش عارفين قيمتها...لم اعد اعتبر عدم الانتماء قضية شرف لما اصابنى من ارف

هذا ما املاه على احساسى و قلبى انما كان لعقلى رأى اخر..فما زال مقتنعا انى احب مصر و اود فى المشاركة فى نهضتها و ان التغيير ممكن و ان المستحيل مستحيل ان يوجد على ارض الواقع امام ارادتنا لو وجدت و ان كل هذه الاحداث يجب ان تكون دينامو يولد الرغبة فى النهوض مما نحن فيه و ربما يكون هو من ورطنى فى اغنية منير فى المدونة فى هذا التوقيت

فهل يصدق القلب ام العقل

و لنداء من استجب؟؟

و متى اراها كما اود ان ارها..مصر

تاج بردو

2008-07-23T06:17:00.001-07:00

المرة دى التاج من محمد هشام و يلا نجاوب بسرعة عشان التاج طويل اوى

اذكر 16 صفة عن نفسك؟

متسرعة و معنديش صبر و تلقائية زيادة عن اللزوم و دايما بتفهم غلط

اهلاوية طبعا

لكاكة

بحب القراءة و الكتابة و المشى و التصوير و النت

مبحبش اعمل حاجة مش عاوزة اعملها خالص

بحب اصحابى جدا

بحب مصر جدا و بالتالى بحب منير

شخصيتى قوية الى حد ما

رومانسية فى الخباثة و لجوا

مش بعرف اخبى حاجة و كله بيبان عليا للناس اللى يعرفونى كويس

مش بعرف اسامح لما حد ييجى على كرامتى

طموحة جدا

متفائلة اوىىى و شايفة بكرا احلى بينا ان شاء الله

نقطة ضعفى العطاء..و كل ما حد ما يبدى من قلبه و باخلاص اكتر كل ما كان الشخص دا له مكانة تانية عندى

بحب بيتنا و دار تحفيظ القران بتاعى و البحر و اسكندرية كلهاااااااااااااااااااااااااااااااااااااا

بحب ربنا جدااااااا و دى اكبر نعمة هو اداهالى و بحاول اكون دايما شكورة للنعم دى بتصرفاتى و كلامى و احساسى و كل حاجة

اذكر احلام تخص ماضيك..كنت حتتخلى عن ايه و حتتمسك بايه لحد دلوقتى؟.

و الله حلمت احلام كتير زمان..حلمت انى اكون مضيفة طيران و انى اكون مهندسة و دكتورة و ضابطة و طيارة و كل الكلام دا و كان نفسى اعمل كل حاجة و انا صغيرة...انما طبعا دلوقتى مش بفكر فى كل دا...حلمى انى اقدر اخلص دراستى الجاية بنجاح و اعمل شركة لانتاج برمجيات الكمبيوتر الهادفة للاطفال و الشباب و اشارك فى اصلاح بلدى عشان الاقى حاجة اقولها لربنا لما ابقى بين ايديه

اذكر احلام تخص مستقبلك و ما تتمناه؟

اتمنى اكون بنت كمل كدا...محترمة و متدينة و محبوبة و اهلاوية زى ما انا و مصرية بجد و عاملة حاجة لبلدى و مسلمة و عاملة حاجة لدينى و مثقفة و راضية ربى قبل كل دا

اذكر شخصين على الاقل موجودين فى حياتك و كنت تتمنى وجودهم من قبل كدا؟

ممممممممم.....فى مدرسين كتير قابلتهم فى الثانوية العامة و اثروا فيا و كان نفسى اقابلهم من قبل كدا زى مستر مصطفى عبد العظيم و مستر مصطفى العلايلى..و من اصحابى انا اعرفهم كلهم من زمان انما فى بنت اسمها اميرة كان نفسى اعرفها كويس من زمان

اذكر شخصين غير متواجدين فى حياتك و تتمنى وجودهم مستقبلا فى حياة و حياة ولادك؟

ما دام حياتى و حياة ولادى يبقى باباهم اول حاجة اتمنى انى اقابله و يكون فى حياتى مستقبلا و اتمنى لولادى المعلم الفاضل اللى يأثر فيهم

و حمرر التاج

لقلوب بتغنى
KEMET
CANARY
FACEMOON

صوت من مصر

دورة مجلس الشعب.. أولها رفع الأسعار وآخرها الاحتكار

2008-07-18T03:41:00.000-07:00

كتاكيتى البلوجارية الحلوين...ليكم وحشة و الله...بصوا يا شباب .. البوست المرة دى غير البوستات اللى قبل كدا لانه مش من بنات افكارى ولا ولادهم ولا يقربلهم اصلا عشان انا اتبنيته من على موقع بص و طل بعد الاستئذان طبعا من ادارة الموقع(شفتوا الادب و الاخلاق الرفيعة و السجايا القويمة)و دا لان انا حسيت الموضوع فعلا مهم..هو ملخص لاهم القوانين اللى صدرت فى الدورة البرلمانية الاخيرة و راى المؤيدين و المعارضين و اليكم المقال بكى بورد قصدى بقلم نانسى حبيب

38 قانوناً.. 28 استجواباً.. 2237 طلب إحاطة شهدها مجلس الشعب في دورته التي انتهت، والتي توصف بأنها الأكثر سخونة مؤخراً.. الغريب أن بداية الدورة البرلمانية هذه المرة كانت هادئة ولكن فجأة ومع اقتراب ختامها تتابعت القوانين المثيرة للجدل والتي أحالتها لها الحكومة منها مثلا مشروع الموازنة وقانون الحفاظ على حرمة دور العبادة وقانون زيادة أسعار السلع والمواد البترولية وقانون الطفل وقانون الضريبة العقارية وتعديل قانون الجامعات وتعديل قانون استخراج جوازات السفر وقانون إلغاء المدعي العام الاشتراكي وقانون المرور وقانون حماية المنافسة ومنع الممارسات الاحتكارية ومشروع قانون إنشاء محاكم محافظتي حلوان و6 أكتوبر وقانون إنشاء مجلس الهيئات القضائية وقانون تعديل كادر المعلمين وغيرها الكثير....
الدكتور "فتحي سرور" رئيس المجلس أشار إلى أن هذه الدورة كان فيها 143 جلسة لمدة 644 ساعة و25 دقيقة وكان عدد اجتماعات اللجان 1245 اجتماعا وبلغ عدد تقاريرها 1472 تقريرا، وبلغت طلبات الإحاطة 2237، وكانت أهم ظاهرة بارزة "تزويغ" نواب الأغلبية في أكثر من جلسة وهو الشيء الذي انتقده الدكتور "فتحي سرور" بشدة.
لكن الملاحظ هو وجود الكثير من الجدل بين نواب الحكومة والمعارضة الذي وصل في بعض الحالات إلى مشادات واشتباكات بالأيدي، وبعض القوانين صاحبها ضغط شعبي وإعلامي كبير وأخرى تغيرت بعض بنودها.. فيما يلي رصد لأبرز القوانين المثيرة للجدل، والتي تم إقرارها خلال هذه الدورة من مجلس الشعب

قانون زيادة أسعار العديد من السلع والمواد البترولية
القانون: تقرر زيادة رسوم استخراج تراخيص السيارات حيث يدفع صاحب السيارة التي تزيد سعة محركها عن 2030 سي سي رسما سنويا يعادل 2% من قيمة السيارة ارتفاعا من 500 جنيه في الوقت الحالي. كما يزيد سعر البنزين 95 بنسبة 57% إلى 275 قرش للتر في حين يصل سعر البنزين 92 إلى 185 قرشا والبنزين 90 إلى 175 قرش، ويزيد سعر وقود الديزل (السولار) والكيروسين 47 % إلى 1.10 جنيه للتر. وترتفع السجائر الأجنبية بما يصل إلى 20% مقارنة مع زيادة تبلغ نحو 10% في أسعار الأنواع المحلية. بالإضافة إلى زيادة تصل إلى 57% في سعر الغاز الطبيعي الذي تدفعه الصناعات التي تعتمد بشدة على الطاقة وفرض رسم استخراج يبلغ 27 جنيها على طن الطفلة المستخرجة من المحاجر وإلغاء الإعفاءات الضريبية على بعض الصناعات.
مشادات جانبية: بعد أن أعلن الرئيس مبارك زيادة الراتب الأساسي للعاملين في القطاع العام بنسبة 30 %، جاء قانون رفع الأسعار ليتسبب في موجة من السخط الشعبي خاصة وأن سبب زيادة الأسعار هو توفير التمويل اللازم لعلاوة الـ30%.
مؤيدون: حركة اقتصادية تصحيحية في المجتمع المصري الغرض منها الأخذ من القادرين لإعطاء غير القادرين، فمثلا لتر السولار الذي يباع مقابل 75 قرشا سعره الحقيقي 7.25 جنيه، وجزء كبير من هذا الدعم يذهب إلى أصحاب المراكب النيلية. لذا فإن القانون يهدف إلى إلغاء الدعم عن جميع السلع الترفية، وأكد المؤيدون أن الدعم الذي يحصل عليه غير القادرين لن يقل بل سيشهد زيادة خلال الفترة المقبلة كما أن الأسعار لن تزيد.
معارضون: ترى المعارضة أن الطبقة الوسطى هي التي ستتحمل هذه الزيادات، وأنه كان من الأجدر أن تُحصِّل الحكومة مديونياتها على رجال الأعمال وعلى الشركات، وأكدوا أن زيادة الأسعار بدأت في الأسواق بالفعل قبل إقرار القانون في إشارة إلى أن الحكومة لن تستطيع إحكام الرقابة على الأسواق؛ لأنها هي التي رفعت الأسعار. وقال نواب المعارضة إن هذه الزيادة سيتحملها أساسا الفقراء في زيادة أسعار كل السلع الأساسية.
قانون الطوارئ
القانون: تمديد حالة الطوارئ لمدة سنتين اعتبارا من الأول من يونيو..
مشادات جانبية: بعد الكثير من الترقب والوعد بإنهاء حالة الطوارئ وبدء العمل بقانون مكافحة الإرهاب أعلن رئيس الوزراء الدكتور "أحمد نظيف" في كلمة ألقاها في المجلس أنه يمكن أن ينتهي العمل بقانون الطوارئ قبل نهاية المدة الجديدة التي تطلبها الحكومة، والتي سيتخللها إقرار المجلس لمشروع قانون مكافحة الإرهاب الذي تعتزم الحكومة التقدم به لكن قانون الطوارئ لا غنى عنه الآن.
مؤيدون: يرى المؤيدون أن الحكومة تستخدم قانون الطوارئ فقط ضد من تصفهم بالإرهابيين ومتعاطي المخدرات، وأن هذا لا يتم إلا في مواجهة الإرهاب، وبالقدر الضروري اللازم لمواجهة هذه الظاهرة وحماية أمن الوطن والمواطنين في مواجهة خلايا وتنظيمات الإرهاب التي لم تهدأ حتى الآن في إشارة إلى أنه توجد حروب وأزمات في المنطقة تتطلب تمديد العمل بالطوارئ متسائلين: هل يريد المعارضون أن تكون مصر مثل العراق؟ هل يريدون أن تكون مصر مثل لبنان؟ هل يريدون أن تكون مصر مثل فلسطين؟
معارضون: يؤكد المعارضون أن الحكومة تسيء استغلال قانون الطوارئ لاستهداف المعارضين السياسيين، وأنها تسعى لإطالة قانون الطوارئ من أجل تحقيق مكاسب سياسية مؤكدين أن الحكومة ستواصل نفس الإجراءات بعد فرض قانون مكافحة الإرهاب. وأصدر نواب المعارضة بيانا اعتبروا فيه أن قرار التمديد يمثل خطورة على "ركائز الدولة المدنية" واعتبروه سببا لشلل الحياة السياسية"، وهو ما أدى بدوره إلى حالة من "الاحتقان السياسي" وأشاروا إلى أن حالة الطوارئ هي أحد أسباب انتهاكات حقوق الإنسان في مصر منذ عقود.
قانون الطفل
القانون: أقر مجلس الشعب قانونا يقضي بتجريم ختان الإناث، ورفع سن توثيق الزواج إلى 18 عاما مع أحقية المرأة في نسب طفلها مجهول النسب إليها.
مشادات جانبية: تخلل الجلسة العديد من المناوشات والأزمات بدأها وزير العدل "ممدوح مرعي" عندما بدأ حديثه قائلاً: "بسم الله الذي نعبده جميعًا"، وهو ما أثار غضب البعض قائلين إنه: "لا أحد يمكن أن يتدخل في علاقة الإنسان بربه"، وبعدها خاطب "مرعي" النواب قائلاً: "من يتكلم في الدين فلا بد أن يتكلم بأدب"، فصاح أحد النواب مقاطعًا إياه، قائلاً: "أنت هتعلمنا الأدب ولا إيه؟!"
مؤيدون: أكد المؤيدون أن القانون جاء استجابة لمطالب شعبية، ونتيجة نقاش مجتمعي انطلق عام 2003، وهو قانون يضمن حماية حقوق الطفل من أنواع التمييز وأشكال العنف والإساءة البدنية والمعنوية والجنسية والاستغلال.
معارضون: رفضت المعارضة التعديلات التي أدخلتها الحكومة، مؤكدة أنها: "تخالف أحكام الدين الإسلامي، وتصطدم بشدة مع قيم المجتمع، ومع الدستور"، وأشار نواب المعارضة إلى أن مادة سن الزواج 18 والفحص الطبي سوف تفتح بابًا للمفاسد ولن تحقق أي إيجابية، وسوف تفتح الباب للزواج العرفي، أما المادة التي تعطي للأم الحق في الإبلاغ عن وليدها وقيده بسجلات المواليد واستخراج شهادة ميلاد لينسب إليها كأم، تشجّع على الزنى وارتكاب الرذيلة.
قانون الضريبة العقارية
القانون: فرض ضريبة على العقارات المبنية بقيمة 10 % من القيمة الإيجارية السنوية للعقارات التي يزيد ثمنها عن نصف مليون جنيه على أن يتم خصم 3% من قيمة الضريبة المفروضة على العقارات لبند الصيانة تخصم من الضريبة وتخصص لأعمال الصيانة‏.
مؤيدون: يرى المؤيدون أن نسبة ‏%2‏ من سكان مصر هي فقط التي تخضع للضريبة العقارية. وأن المشروع يهدف إلى تخفيف الأعباء الضريبية‏,‏ وعدم تحميل المواطنين أعباء فوق طاقتهم‏، كذلك التدرج في الأعباء‏,‏ بما يتناسب مع قيمة العقار.‏
معارضون: يرى المعارضون أنه في ظل الوضع الراهن، وفي ظل عدم استقرار أسعار مواد البناء التي أصبحت كالزئبق، لا يستطيع الشعب تحمل مزيد من الضرائب كما دفع البعض بعدم دستورية القانون؛ لأن به تفريقًا بين المراكز القانونية المتساوية، فكيف يتم تحصيل الضريبة من مواطن يملك عقارًا واحدًا يزيد قيمته عن 500 ألف جنيه ولا يتم تحصيله من مواطن يملك أكثر من عقار قد تقل قيمتهم عن هذا الحد بقدر بسيط جدًّا؟
قانون منع الممارسات الاحتكارية
القانون: تحديد عقوبة المحتكر بحد أقصى 300 مليون جنيه بدلاً من العقوبة السابقة وهي من 10 إلى 15% من إجمالي المبيعات، بالإضافة إلى توقيع نصف العقوبة على من يبلغ عن مخالفة وهو شريك أو طرف فيها، وإلزامه بدفع نصف الغرامة التي يحددها الحكم النهائي.
مشادات جانبية: ثار الكثير من الجدل خاصة مع غياب "رشيد محمد رشيد" وزير التجارة والصناعة، ثم تدخُّل "أحمد عز" وتعديله في مشروع القانون بتطبيق نصف العقوبة على المبّلغ ثم وجود أقاويل عن استقالة "رشيد محمد رشيد"، وأخيرا ظهوره في مؤتمر صحفي بعد غياب لافت أكد فيه أن "ظروفاً خاصة" منعته من حضور جلسات مجلس الشعب استدعت سفره خارج البلاد.
مؤيدون: أكد المؤيدون أن تعديل قانون حماية المنافسة ومنع الممارسات الاحتكارية؛ وذلك لإحكام الرقابة على الأسواق بهدف حماية المستهلك والسوق الداخلي من الممارسات الضارة.
معارضون: انتقدت نواب المعارضة القانون قائلين إن الغرامة كان لا بد أن تكون مؤلمة وليست بضعة ملايين يمكن أن تربحها شركة أسمنت في يوم واحد؛ لأنه بمرور السنوات الـ 500 مليون جنيه أو الـ 300 مليون جنيه لن يكون لها قيمة كما وصف جهاز حماية المنافسة "بالفاشل" و"الوهمي"، كما أكدوا أن القانون يفتح الباب للتلاعب في قيمة الغرامة؛ لأنه لا يشترط المعاقبة بالحد الأقصى بل يمكن تطبيق عقوبات أدنى بكثير. ووصفوا القانون بأنه "وُلد ميتا" في إشارة إلي أن القائمين بالأدوار التشريعية في مجلس الشعب ورؤساء اللجان هم أساسًا من كبار المحتكرين.

روطين

2008-07-13T16:34:00.000-07:00

عندما تتحول سجلات الحكومة لوسادة خالية للاحلام السعيدة و من فوقها رأس الموظف

عندما يطلب منك الموظف 15 طلب من نفس المكان على فترات متباعدة بحيث تذهب الى المكان المنشود و تعود منه 15 مرة متتالية

عندما يدون اسم ابنك احمد بدلا من مصطفى و عندما يكون نوع ابنتك ذكر

عندما تذهب لاستخراج مستند رسمى و تتجه لامين السجل المدنى للحصول على امضاؤه المشرفة و تذهل من طول رجله و ازاى حاططهم كدا على بعض بطريقة تثير فضولك خاصة و ان الرجل فى وش سعادتك

و عندما يذهلك اكثر ان الامين قد توقفت معلوماته عند العصر الجاهلى و عصور ما قبل الاسلام ولا يزال يعتقد فى نظام الرق و العبودية و يعاملك طبقا لهذا المبدأ

و عندما يقسم مواطن محترم بالطلاق بالثلاثة على الا يستخرج المسنتدات المطلوبة لانه جاب اخره على حد تعبيره

عندما تختار بين اعطاء الساعى او غيره مبلغ و قدره او ان تنتظر فى طوابير لا اول لها ولا اخر لشهور

عندما يطول الطابور و تختلف عناصره شكلا و مضمونا و يكون الاتفاق الوحيد على سب البلد و نظامها

عندما تتركك الموظفة لشرب الشاى او تأميع البامية و تقولك:يوه هو انا بلعب

عندما تجد المؤسسات الحكومية اقذر من عشوائيات زينهم و تتذكر قول احمد حلمى عندما ترى الارضية:هى الدنيا بتشتى هنا بس ولا ايه

عندما ينهكك التعب و الاعياء و يطلب منك ملء بيانات فيسرع رجل كمل على حد التعبير العامى و يقولك عنك يا باشا فأنت يا عينى تبصله بوجه متأثر و تقول مصر لسا بخير..و بعدين تقوله شكرا يقولك"جوز لحاليح"لزوم الاصطباحة

عندها تدرك انك قد منحت "بونس"ربانى لتكفير ذنوبك بالصبر على البلاء و على الروطين..عندها تدرك اهمية معرفة حقوقك علشان"مانضربش على افانا" من رجال القانون الكرام..عندها تدرك كيف يهدر الوقت و الجهد..عندها تدرك المانع الحقيقى من ان ننقش اسم مصر بالنجوم فى سماء المجد..عندها نعرف سبب تأخر مصر..و اظنك عندها عرفت انى قد قضيت يوما عجيبا بين المصالح الحكومية

روابط مهملة

2008-07-08T04:48:00.000-07:00

اصبح الامر اشبه بمن يمشى فى حلم..عفوا فى كابوس طويل اثناء نوم 14 ساعة...هذا هو حالى و انا امشى فى الشوارع طول ما انت ماشى تسمع المصطلحات الاتية...اجنبى لا عربى
اهلاوى..زملكاوى
مسلم..مسيحى
مصرى...خليجى ..لبنانى
عمرو دياب..لا طبعا تامر حسنى
لا افهم ما الحكمة من كمية الانقسامات اللى نبتكرها ببراعة كل يوم اكثر من اليوم اللى كان قبله على رأى حماقى طبيعى ان يختلف الناس ..و اكرر يختلف و ليس يتخالف ,و نحن معترفين بذلك حتى فى امثالنا الشعبية..بنقول كل شيخ و له طريقة و كل دار و لها مدار و صوابعك مش زى بعضها..فهناك لحظات نختلف فيها الخلاف الطبيعى الذى لا يؤدى لاى مشاكل او خلافات...طبيعى ان اكون مسلمة تربطنى علاقة صداقة ببنوتة مسيحية و تكون علاقة ناجحة دون النظر الى دين..بالطبع سنفترق و نتذكر الاختلاف لحظيا..فى يوم الاحد او الجمعة فى وقت اداء الفرائض و عادى بردو ان اتعرف على زملكاوية ولا اتذكر ذلك الا فى نهائى الدورى المصرى الذى نادرا ما يستحوذ عليه احد غير الاهلى و الزمالك و الاسماعيلى
لا افهم ما اهمية كمية الاختلافات التى نخترعها و كأننا معجبيين بفكرة تباعد وجهات النظر..و النكتة بقى اننا هما هما اصحاب نظرية المؤامرة..فنحن كعرب لدينا فطرة تقول ان المخطط الامريكانى اننا نتقسم و نتفرق حتى يتسنى لها هى و بنتها الصغيرة اسرائيل الاستحواذ علينا..و تعالى ننزل الشارع دلوقتى و اسأل اى طفل صغير حيقولك بث يا عمو امليكا بتستهبل..تقوله و عرفت منين يا حبيبى حيقولك بابا قال كتا امبارلح لتانت فوذية...بصرف النظر عن الخناقة اللى حتحصل بين ماما و بابا لما تعرف ان المحروس كلم فوزية و بصرف النظر عن صحة نظرية المؤامرة او عدم صحتها..انما ما لا افهمه هو كيف نلوم على غيرنا رغبتهم فى تفتييت وحدتنا و نبتكر نحن الاختلافات و الانقسامات فيما بيننا لتدمير هذه الوحدة..انا لست ضد فكرة الاختلاف..فهناك اختلافات تثرى بلادنا..اهلى و زمالك و اسماعيلى يعنى دورى قوى..مسلم و مسيحى يعنى وحدة وطنية..حزب وطنى و جماعة محظورة يعنى خطوة نحو المشاركة السياسية ماتفهمش الخطوة لادام ولا لورا..المهم مش موضوعنا..مصرى بارادة و عزيمة مع خليجى بشوية دنانير يعنى وطن عربى قوى..انما النكتة البايخة بقى الاختلافات التى لا معنى لها ولا فائدة منها...عمرو دياب ولا تامر..ما تسمع اللى تسمعه يا ابنى..ولا بنات المنصورة ولا بنات اسكندرية...ما تتنيل تظبط من اى حتة..فأستعجب من كمية المشاحنات التى تنشأ بسبب اختلافات بدعناها و صدقناها و عشنا فيها..دا احنا حتى فى الدين الواحد بنختلف ...بنختلف فى الدعاة اللى بنسمعهم و فى السنن و فى كل ما هو فرعى..ولا نلتفت حتى اننا من نفس الاصل..فعادى ان تجد شد بين محبى عمرو خالد و محبى مصطفى حسنى و معز مسعود من جهة و انصار حسين يعقوب و وجدى غنيم و غيرهم من جهة اخرى..و لكنى ارى ان التنوع فى اى شىء مطلوب فهو يعطى فرصة اكبر للمتلقى لاختيار ما يناسبه و ما يتلائم مع سنه و ثقافته و فلسفته..انما تقول لمين
و ربنا يخلى منير اللى قال...لا يهمنى اسمك لا يهمنى عنوانك..يهمنى الانسان..الانسان..فى النهاية كلنا اخوات فى الانسانية و دى مش بمزاجك يا حدىء دا هما ابوك ادم و امك حوا اللى حطوك فى الوضع دا...اتمنى ان نتقبل الاختلافات الطبيعية و ان نجد المزيد من المناطق المشتركة و نتذكر روابطنا المشتركة المهملة روابط الانسانية و روابط العربية و الروابط المصرية بصرف النظر عن الروابط الاخرى فيما بيننا حتى نحافظ على اجمل ما فينا..ان نظل يدا واحدة ولا تنتقل الخلافات فى الفروع الى الاصول فى يوم ما

على بابا و ال700 الف طالب

2008-04-24T10:23:00.000-07:00

كان ياما كان يا ولاد فى يوم من الايام واحد اسمه على بابا..كان مسئول عن 700 الف طالب و طالبة و كلهم فى الثانوية العامة..الطلاب دول يا شباب مش بيروحوا مدارس و كانوا بيضربوا مرضى و بياخدوا دروس فى كل المواد فى مراكز للدروس الخصوصية و فى بيوت اصحابهم كمان..و كانوا مبيعين اهلهم اللى وراهم و اللى ادامهم عشان يعرفوا يعلموهم..على بابا معجبوش الحال..فابتكر حل حلو اوى..الحل يتمثل فى جملة(اقفل يا سمسم)..قرر يقفل كل مراكز الدروس الخصوصية علشان محدش ياخد دروس و قرر يلغى الاجازات المرضى علشان محدش يعمل فيها عيان و يزوغ من المدارس..انما يا ولاد تعالوا نشوف حال ال700 الف طالب دول..كلهم او احقاقا للحق خلينا نقول 600 الف منهم مش بيروحوا مدارس علشان عارفين انها زى قلتها و تقريبا حجم الاستفادة صفر% انما هو عنده 30 يوم غياب بعدها يحول منازل و يفقد ميزة المدينة الجامعية فبيكون الحل ضرب المرضى و فى نفس ذات الوقت انه مش بيستفيد من المدرسة بياخد دروس خصوصية...مشكلة على بابا انه عالج العرض و ساب المرض ..لغى المرضى..سامعة حد بيقولى طب و العيان يعمل ايه حقولك ان اجازته المرضى لازم تعتمد من القاهرة ..تقولى طب و العيان يروح القاهرة ازاى ولا حد من اهله حيفضى للروتين دا ازاى..اقولك علمى علمك

و فى نفس ذات الوقت على بابا ما اتكلمش عن الموظفين اللى بيشوفوا الطلبة ادامهم زى القرد و بيمضوا المرضى ولا كأنه شايف حاجة..و على بابا برده لما قفل مراكز الدروس ماقالش حنعمل ايه فى الدروس الخصوصية اللى فى البيوت؟..هو الاعتراض على فكرة الدروس ولا على المكان؟و فى نفس ذات الوقت بردو ازاى تكون الدروس الخصوصية ممنوعة و يطلع تصريح ببناء مركز دروس خصوصية و بياخدوا منه ضرايب كمان.. و فى القرارين لم يعترف على بابا ان الطالب غير مستفيد من مدرسته ولا ان المناهج مالهاش لازمة (اغلبها)و اللى له لازمة بتروح قيمته فى طريقة تدريسه الخاطئة ..ولا اتكلم عن نظام التنسيق اللى لازم يتفجر دا

و بكدا يا ولاد على بابا عمل زى اللى عنده صداع و عارف انه بسبب مرض خطير قام واخد بانادول على ريفو و تناسى المرض الاصلى .....اتفق مع على بابا ان دى ظواهر خاطئة انما اختلف فى طريقة الحل من وجهة نظره

و بكدا يا ولاد كانت حدوتة على بابا حدوتة مصرية(مع الاعتذار لمحمد منير)و كالعادة بدون نهاية و بالتالى انضمت جملة (اقفل يا سمسم)عن جدارة الى الاقوال المأثورة فى التراث المصرى لانها حتتكرر فى الفترة الجاية كتير وابقوا قولوا دينا قالت

ملحوظة:الرقم بتاع ال700 الف دا من عمنا محمود سعد لو طلع غلط انا مليش دعوة و دا تحقيقا للشفافية و المصداقية عشان الحكومة تتبسط