تاج من اسلام مدونة(نام يا مصرى)له علاقة بالعيد و اجواء العيد اللى مسيطرة على كل المدونات
يلا نجاوب من غير لك كتير
ماذا يمثل لك العيد ؟ وما أكثر شئ يبهجك في مظاهر العيد ؟
العيد...دا هو الاسم شارح نفسه...يعنى احتفال و يعنى فرحة من القلب و يعنى ود و تواصل مع الاهل و الصحاب و احساس باللمة مع الناس اللى بتحبهم اللى بيحسسك بالتالى بالامان و السعادة
و احلى حاجة فى مظاهر العيد بعد صلاة العيد الولاد الصغيرين المشردين دول و هما شاريين اللعب بالعيدية
اوصف لنا طقوسك في العيد .. من ليلة العيد لآخر يوم ؟
طبعا الوقفة يعنى البيجاما الجديدة و قلبة البيت رأسا على عقب..اول يوم بيبدأ بالصلاة طبعا بعدها الفطار العائلى و اللف على كل العيلة و الاتصالات مع اهلى و اصحابى...غالبا تانى يوم بردو بيبقى تهانى كدا...اخر الايام بتبقى خروجات مع الصحاب و مسرحيات و تليفزيون
احكي لنا أطرف موقف حصلك في العيد ؟
مممممممممم......هو بتبقى كله مواقف حلوة و دا لان بيبقى فيه لمة و انا مقتنعة ان اللمة بتجيب تهييس على طول كدا...انما موقف معين مش فاكرة
بتحرص على تهنئة الأهل والأقارب والأصدقاء بالعيد .. ولا مش بتهتم ؟؟
و الله بحاول على اد ما اقدر اعدى عليهم كلهم او على الاقل اكلمهم
مين أول حد تزوره أو تكلمه في التليفون /الموبايل عشان تهنيه بالعيد ؟
مممممممم......اول ناس بابا و ماما و نهى و رضوى اصحابى و سارة بنت عمى
إيه الفرق بين العيد الحالي .. وعيد (أيام الطفولة )؟
فكرتونا بالذى مضى و الله...دا عيد زمان دا كان سكر..العيدية طبعا و شرا اللعب و البالونات و الملاهى و التنطيط و الشقاوة و خصوصا اننا و احنا صغيرين كنا فى بيت عيلة...تخيل بقى حوالى عشر اطفال منطلقين فى عيد...دلوقتى اهدى شوية اكيد...لا شوية ايه ..اهدى كتيييييييير...دى كانت طفولة مشردة
هههههههههههههههه
ذكريات
تفتكر الحياة من غير عيد .. هتفرق كتير ؟؟؟
طبعا...العيد الصغير فرحة بعد صيام و العيد الكبير بيحطك فى حالة روحانية تحفة بعد شهرين تقريبا من روحانيات رمضان...فدول محطتين مهمين جدااااااااااااا....و حلو احساس الفرحة بعد ما نشتغل و نتعب سواء فى رمضان او فى العشرة الاوائل من ذى الحجة و يمكن فعلا ربنا بالعيد كان عاوز يحسسنا معنى الاجتهاد و بعده الثواب بقى
إيه أجمل رسالة تهنئة بالعيد وصلتك .. قلنا طبعااا بتقول إيه ؟؟ ومن مين ؟؟
اه واحدة صاحبتى اسمها بسمة...افرح زقطط حنكش بلبط و انكش شعرك و اتنطط عيد سعيد عليك يا جميل يا مقطقط
لسه بتاخد عيدية ؟؟ من مين ؟؟ وبتديها لمين ؟
طبعاااااااااااا...باخد و مش بدى حد حاجة...هههههههه
إيه رأيك في التاج ؟
عسول جدااااااااااا
تحب تمرره لمين من المدونين ؟ اذكر على الأقل 10
صوت من مصر
مزمز
kemet
احساس لسا حى
صاحب المضيفة
قلوب بتغنى
bar2ash
heba
كراكيب
sometimes
11 comments:
كل سنه وانتي طيبه ياقمر
وبجد اجاباتك لذيذه
احلي حاجه في العيد هي اللمه بجد
ايه النداله دى
اول واحد فى القائمه
طيب متشكرين بس العيد عيد برضه
هجاوب عليه حالا يا مستخبيه دائما ؟
كل سنة وانت طيبة وعيد سعيد عليكي
تحياتي
كل عام وانتم بخير
كل سنه وانتى طيبه
عيد سعيد
تاج جديد
عيد سعيد
وخير بيزيد
كل عيد وانت سعيده
عيد مليان بالعيديات
عزيزتى
كل سنة وانتى طيبة وعيد سعيد عليكى وعلى كل حبايبك
معلش مليش فى التاج اشوفك البوست الجاى
تحياتى
سلام
السلام عليكم ورحمة الله وبركاته
كل عيد وانت طيبه وشكرا ع التاج بس انت قولتي اللكان ممكن اقوله فبيتها بقي عند عندي
تحياتي
الي اللقاء
ل سنه و انتى طيبه و اجابتك عسوله زيك بالظبط
تحياتى
كل سنة و انتي طيبة يا دينا يا جميلة :)
تاج لذيذ و اجاباتك عليه حلوة اوي ..
الماسيج دي حلوة
ممكن استلفها ؟؟
:)
كل سنة و انتي طيبة يا ديييييييينا
و يا رب يبقي عيد سعيد عليكي وعلينا كلنا
تحياتي
رومانسي
السلام عليكم و رحمة الله و بركاته
كل سنه وانتي طيبة يا قمر وعيد سعيد عليكي
وبجد اجاباتك جميلة جدا وكلها شقاوة ثكلك كنتي ثقية خالث
يلا عيد سعيد عليكي دايما يارب
في رعاية الله
Post a Comment