مسافتنا

مسافتنا..

ممكن تكون مسافة ما نشرب فنجان قهوة..

ممكن تكون المسافة بيننا مسافة ما نقرا كتاب واحد أو كل واحد يقرا كتاب شكل..

ممكن تكون زى المسافة بين السما و الأرض..

ممكن تكون زى المسافة بين الخطوة و الخطوة..

ممكن تكون زى المسافة بين غلاف الكتاب و اّخر صفحة فيه..

أو زى المسافة بين اّخر كلمة فى صفحة,و أول كلمة فى الصفحة الجديدة..

مسافة قطرين عدوا جنب بعض فى اتجاه عكسى,اتقابلت عينين اتنين و ابتسموا و القطر كمّل..

أو زى مسافة اتنين واقفين بعربياتهم فى إشارة اصلاً واقفة..

مسافة مركز الدايرة و أى نقطة فيها..

أو مسافة النقطة و الخط المماس..

أو نفس النقطة..

أنا و نفسى..

أنا و البعض..