بوست فانتازيا عالاخر..لو مصر كلمتنا فى الوقت دا ممكن تقولنا ايه؟
مصر:ايه يا دينا عاملة ايه
دينا:انتى شايفة حالك يسر اوى
مصر:طب و يتزعأيلى انا ليه..ما انتوا السبب
دينا:احنا مين ان شاء الله...
مصر:اللى ماسكينى
دينا:طب و احنا مالنا و مالهم..ما هم لابدين فى الدرة نعملهم ايه يعنى
مصر:نعملهم ايه..ما انتوا طول ما انتوا ساكتين ماتقولوش بيعملوا فينا كدا ليه
دينا:دول خطر عليكى بجد...حيبوطوا صورتك ادامنا
مصر:عيب عليكم...انا مش كدا...و مش دول اللى المفروض تعرفونى عن طريقهم
دينا:امال نعرفك منين يا ست الكتكوتة و الدنيا عندك بقت طريقك مسدود مسدود يا ولدى...العيل من دول بيتظلم من اول ما يبدأ يتعلم بنظام غلط و بعدين يشتغل لو اشتغل بروتين غلط و بعدين يعيش عيشة غلط و اهو كله غلط فى غلط
مصر:يعنى خلاص يأستوا
دينا:لسا شوية انما زى ما تقولى افشين شوية .. ماتفهميش بقى عليكى ولا عليهم
مصر:ابدأى بيكى يا بنتى..و صدقينى لو انتى عملتى اللى عليكى و كل واحد عمل اللى عليه بقلب و فكر شوية فيا حأتغير
دينا:ما احنا بردو تعبنا..يعنى انتى عاجبك اللى بيحصل دا؟
مصر:لا طبعا ... انما انتوا طول عمركوا رجالة و طلعتوا بيا من مواقف اصعب من كدا بكتير
دينا:رجالة..كمان بتغلطى فيا
مصر:ههههههههه ايوة كدا خليكوا زى ما انتوا..اضحكوا و اشتغلوا و اوعوا تيأسوا و انا و الله بحبكم انما هما اللى مش سايبنى فى حالى
دينا:يعنى فى افل؟
مصر:افل..ما دام اللمبى دخل فيها يبقى مفيش امل...بس انا بقولك اهو اكتر من كدا و عدينا
دينا:طب بذمتك انا اعمل ايه عشان انسى السواد اللى جوايا من ناحيتك
مصر:لا انا عارفة انه شوية زعل و حيروحوا و على العموم افتكريلى شوية حاجات حلوة عشتيها معايا و فى وسط اخواتك يا بنتى
دينا:اه و الله معاكى حق...بس اخواتى نصهم هجوا و خلعوا منك
مصر:معلش ان شاء الله يرجعولى احسن مما راحوا
دينا:يا شيخة دا فى منهم قاعد فى اسرائيل و مترستأ عالاخر
مصر(باطراقة حزينة):ربنا يهدى...بس دول انا مش محتاجاهم
دينا:امال نفسك فى ايه...؟؟؟ اوعى تقولى كمانانا..............ههههههههه
مصر:يا بنت بطلى شقاوة...نفسى فى دينا اللى مش متشائمة اللى عارفة ان فى امل و اللى بتبدأ بنفسها و مش دينا و بس ... دينا و محمد و حسنين و جرجس و تامر
دينا:لا تامر لا عشان مانخسرش بعض...خليها حماقى او منير و اهو اكيد انتى بتحبيه...طب اخرتها ايه؟
مصر:معلش شوية صبر و شغل بجد عشانكم قبل ما يكون عشانى و حتى لو ملحقتوش تعملوا حاجة اللى بعدكم حيقولوا الله يرحمهم اللى قبلنا بدأوا حاجات كويسة ولازم احنا نكمل
دينا:تفتكرى حتحلوى يا بت بعد عشرين سنة كدا ولا زى ما انتى ولا حتوحشى ولا ايه
مصر:زى ما انتوا عايزين و شغالين...ممكن بقى تفرحونى بيكم شوية..مايبقاش انتوا و المسئولين عليا
دينا:امرى لله...ححاول اعمل اعادة تأهيل و انسى كل اللى بيحصل دا و ارجع زى زمان...اه يانى منك مطلعة عينى بس بحبك
مصر:عارفة...و مش انتى بس و كل ال80 مليون ...... و انا كمان يا دودو
دينا:دودو...هو احنا بنتدلع غير فى كاس الامم و فى باقى السنة ناخد على افانا
مصر:تاااااااانى...ما قلنا خليكوا زى المنتخب
دينا:ماشى يا قمر.....انتى مالك احلويتى كدا
مصر:لا انا زى ما انا...بس لما تشوف اللحظة بعين تانية تقدر تعمل منها حاجة حلوة
دينا:هى وصلت لفودافون .....ماشى يا عسسسسسسسسسسسسسل
62 comments:
الله
بجد عسسسسسسسسسل انتي و البوست
احنا بنحبوا مصر
لو سالتي نفسك ليه مش هتلاقي اجابة
بس هنفضلوا نحبوها
مصر جوانا
بايدينا الوضع هيتغير و هترجع لنا مصر
ياااااااااااا رب
معجب اوي بخاتمة البوست
تحياتي
اديني ايميل مصر لو سمحت
تحياتي
والنبى مسالتيش مصر احنا امتى هنقدر ناكل 3 طقات فى اليوم زى البشر ؟
بصراحه فكره البوست حلوه مووووووووووووووووووووت ؟
تسلم ايدك
ههههههههههه
جميل اوى البوست دة
بس احب اقول لدينا انتى نستى ان مصر تبقى ماما وميصحش تكلميها بالطريقة دى
هههههههه
فكرة البوست جميلة ومضمونها اجمل :)
هى مصر اللى كنتى بتكلميها دى هى مصر بلدنا ؟؟؟
طب لما تشفيها تانى قولى لها إن إحنا هانعمل زى ما طلبت بس هى تشد حيالها معانا شوية
مينفعش يا بت كدة قومى خدى مصر قلمين
هى غلطانه انها خلفت امثالكم
عيال جاحدين بدل ما يدافعو عنها ماسكين فخناقها هى زى ما تكون اجرمت انها جابتكو وربتكو على حبها وادى النتيجه عيله من دور احفاد احفادها بتلوم عليها عيشتها السودة
مش عاجبك يا امى خدى عزالك وخلى ام تانيه تتبناكى
ملحوظه
والنبى يا دينا ان ربنا كرمك ولقيتى الام دى يسترك ابعتى خدينى عشان انا خلااااص دمى نشف من كتر حب الوطن هنا من غير مقابل
معلش يا دينا ليا عندك سؤالين تبقي تسأليهم لمصر بس علشان هي مش بتزورني خالص
السؤال الاول ايه الحاجات الحلوة اللي ممكن افتكرها؟؟
تاني سؤال هو لما قلتلك ابدأي بنفسك كان قصدها ايه يعني تبدأي ازاي مش فاهم؟؟؟
مصر دي بتهزر والله
:)
بوست جميل
تحياتي
لو مصر كلمتك تاني قوليلها اني مش بكلمها
وياريت تبطل ترن عليا وتتصل بيا عشنا مش هرد
عشان اللي بتعمله معايا كده عيب اوي
ماكانتش عشرة 18 سنه دي
ههههههههههههههه
صحيح دول خدعونا و قالوا عليها امنا
تعرفي
هقولك سر بس متقوليش لحد
طلعت مرات ابونا
ده إنتي طلعتي سيناريست كمان
أيه الكلام الجميل ده والحوار الممتع ده
فعلا مصر حتفضل في قلوبنا زي ما هيه
مش حيأثر علي حبنا وعشقنا ليها ظلم ظالم
تسلم ايدك عالبوست الجميل ده
تحياتي
ازيك يا دينا
تفتكرى مصر هتحلو بالتفاؤل؟؟
تحياتى
بصفتك انك على علاقة بمصر وليكى قرايب مهمييييييييييييين
لما تشوفى مصر ابقى قوليلها ازاى انا يتيم وامى عايشة
بس
تحياتى دائما
علي رأي اللي قال
مصر مرات ابويا
تحياتي يادينا علي البوست الجميل
ونصيحة
متبقيش تكلميها كتير عشان هي مش بتحب الصداع
بعد السلام عليكم
هههههههههههههه
بوست دمه خفيف أوى يا دينا
وصلتنى رسالة مصر
مصر كانت عاوزة تقول لازم نبدأ بأنفسنا
كانت عايزة تقول
لا يغير الله مابقوم حتى يغيروا ما بأنفسهم
كانت عايزة تقول
كيف ماتكونوا يول عليكم
عامة لسه على اليأس شوية
وسلميلى على مصر
تحياتى
السلام عليكم ورحمة الله وبركاته
عارفه مقصرة معاكي
بس
مصر ارض ولا شعب اللي حصل معها الحوار
لو كلمتيها تاني
قوللها بجد وحشتني
تحياتي
الي اللقاء
اولا: ازيك كدة وعاملة ايه
ثانيا: حلوة اوي فكرة انك تتكلمي مع مصر
ثالثا: احيانا بفضل افكر طب هما ليه مصممين يخربوها
ليه بيفكروا كدة؟؟ ليه مش حاسين انهم هيتحاسبوا على اللي تصرفاتهم وليه مادام هما مش قدها مش عايزين يسيبوها وليه واخدين الموضوع لعبة ودايما لازم يكسبوها بفلوس تملى جيوبهم وتفيض وتكفي اوي اوي ومش بيفكروا في الناس اللي بتاكل وجبة واحدة في اليوم
وليه كلهم جشعين ومتكبرين ومش شايفين غير نفسهم
ولحد امتى هنفضل كدة؟؟ والاصلاح اللي بابا دايما بيكلمني عليه انه اكيد جاي
هو اتأخر كدة ليه؟؟
حححححححححححححح,, انا قايمة افطر
miro el niro kwaniro
:)رابعا صحيح: انتي عسولة اوي
ازيك يا دينا
اخبار تنسيقك ايه؟؟؟؟؟
الله يا دينا مش عارفة اقولك ايه مش عارفة اعبر عن كلامى بجد
كلامك رائع جدا
ويارب بجد نفوق ونصحى الشعب كله يفوق ويحاول يصلح من نفسه
عارفة يا دينا المشكلة الاولى ان الشعب مش بيحاول يعمل حاجة خالص انا كنت فى اجتماع وعرضت حاجتين لحل مشكلة بنواجهم والموضوع بسيط جدا ونقدر نعمله لكن لقيت اعتراض شديد جدا عشان محدش عايز يحاول او يجرب او يخوض تجربة
بجد احنا لو رجعنا زى زمان هنبقى شعب جامد قوى
في واجب عندي ليكي ياريت تشوفيه ... لؤؤل
ولي رجعة للبوست الجميل دة لأنه شكله جامد والله
تحياتي وأحترماتي
hahahahaha
elbost 7elw aweeeeeeeee begad damek 7`fef mooooooot tol mafy nas bt7eb masr keda mbetfakar feh hateb2a tmam isa
nonaaa
دينا شكلها بتصيف يا جماعة
هههههههههههه
ماتغيبيش علينا اوي كدة
طمنينا علييييييكي
سلام
عجبني البوست ...
تحياتي ...
والسـ ختام ــلام
السلام عليكم
بوست لذيذ جدا
برافو عليكى
دمتى متواصلة
هههههههههههه
بجد حلوه اوى الدردشه دى
بوست جميل وظريف
مع تحياتى
فينك يا دينااااااااااا
a7med f@hmy:
انت اسكندرانى ولا ايه...بنحبوا مصر و حنفضلوا نحبوها
بس و الله بجد رفعت معنوياتى..بتبسط لما بلاقى ناس لسا بتحب بلدها و فاصلة بين حبها و كره الفساد
منورنى
تحياتى
عروس البحر:
هههههههههههههههه
حسألها و اقولك
تحياتى يا قمر
صوت من مصر:
لا المرة الجاية بقى يا محمد...و انا مبسوطة ان فكرة البوست عجبتك
تحياتى
oRiGiNaL HeArT
هههههههههههههههههههههه
امهات اخر زمن و الله يا ابنى...نقول ايه بقى...سحابة صيف..افشت انا و امى على بعض
تحياتى
قلب مصرى
دا لازم اقولها كدا لانها فعلا محتاجة تشد حيلها كتير معانا و احنا كمان لازم نشد حيلنا
تحياتىىىىىىىىىىى
safaa
ليه كدا بس...ما تحبيها و انتى هنا من غير لم عزال..انا معاكى ان الموضوع من غير مقابل..انما يلا بقى الحب من طرف واحد اسمى معانى الغرام
منورة
أنا حر
لا حرام عليك بقى...فى بجد حاجات حلوة كتير..ماشربتش من نيلها ..طب جربت تغنيلها
هههههههههه
كفاية الامان اللى انت حاسه هنا..من بتنام و انت خايف ينزل صاروخ على بيتكم تصحى ما تلاقيهوش..صحابك و اهلك و كل ذكرياتك هنا..و دى كلها حاجات تخليك عاوز تحافظ عالمكان دا...و نبدأ بنفسنا يعنى نبطل سلبية و تواكل و تأجيل
اى خدعة
Zika
ههههههههههههههههههههه
كنسل عليها المرة الجاية..و لما تعوزها اديها كلمنى شكرا..او سلفنى شكرا الخدمة الجديدة بردو شغالة
هههههههههههههه
تحياتى
عاشقه الجنه
ههههههههههههههههههههههههههههههههههه
يا نهار اسود...هو الحاج اتجوز تانى..طب ماتقوليلى اتجوز على انهو بلد...مين مراته الاولنية عشان دايما القديمة تحلى
تحياتى
ahmed_k
ربنا يخليك يا احمد و الله كلك ذوق بجد...و اهم حاجة اننا فعلا مانيأسش و نحاول مع بلدنا تانى
تحياتى
قلوب بتغنى
التفاؤل لوحده ولا يعمل حاجة...انما التفاؤل اللى ممكن بعد كدا يؤدى لشغل بجد هو دا اللى انا اقصده..انما التشاؤم بيجيب احباط بيجيب كسل يعنى رحنا فى داهية اكتر ما احنا
تحياتى
استراحة محمد
هههههههههههههههههههههههههههه
حقولها
تحياتى
القلم السكندري
هههههههههههههههههههههههه
لا دى هى كانت مرة كدا و مش حتتكركر
ههههههههههه
تحياتى
abo salah
تمام يا ابو صلاح و الله...دا اللى كان نفسى يوصل و الحمد لله انه وصل
تحياتى
kemet
دايما الكلام الصادق اوى بيبقى منك..و وحشتنى طالعة من قلبك لقلبى عدل
دا انتى اللى واحشانى و الله
تحياتى
كراكيب
نيرو النيرو كوانيرو...انتى اللى زى العسل و عاوزة اقولك ان كل الاسئلة دى بتيجى فى دماغ كل مصرى مليون مرة فى اليوم انما انا لسا مع باباكى و عارف ان الاصلاح جاى و يا رب ييجى على ايدينا احنا او على الاقل احنا اللى نبدأ
منورة يا قمر
مُزمُز
مرسى عالسؤال يا باشا بجدددددددد و الحمد لله هندسة اسكندرية
حبقى خليفتك فى الملاعب
ندا منير
تمام يا ندى و زى ما قال ابو صلاح..ان الله لا يغير ما بقوم حتى يغيروا ما بأنفسهم...احنا مستسهلين حالنا كدا اوى و عاجبنا
L0vElYGh0sT14
منورنى و الله و بجد مرسىىىىىىىىىىىىىىىى انك افتكرتنى و حاضر حجاوب عالواجب..بس اهم حاجة ترجع تقرا البوست و تقولى رأيك بصراحة
ftafeet
منورة يا نونا..و الصورة اللى انتى حاطاها تحفة على فكرة..و انا دايما بقول ان مصر بحبنا ليها و شغلنا عشانها ممكن تتغير
تحياتى
A7MeD F@hMy
هههههههههههههههههههههههه
لا و الله يا احمد..انا اقدر اصيف من غير ما اقولكم..بس بجد بقالى كام يوم مشغولة فى جمعية كدا تبع صناع الحياة..عارفة و الله انى مقصرة معاكم انما انتوا دايما بتقدروا
تحياتى
mohamed hesham
اهلا اهلا...الحمد لله ان البوست عجبك
تحياتى
واحد من البلد دى
منور المدونة بجد...الاسم حلو اوى و الصورة اللى انت حاططها كمان..يا ريت بقى تنورنا على طول و الحمد لله ان البوست عجبك
تحياتى
ريمان
منورانى يا جميلة و الحمد لله ان البوست عجبك
تحياتى
ahmed_k
معلش يا احمد متأخرة عليكم و مقصرة معاكم انما و الله كنت مشغولة شوية و الففففففففف شكر عالسؤال
تحياتى
بجد بجد حوار رائع اوى
وواضح انك بتحبى مصر اوى
ربنا يبارك فيكى وفى مصر
على فكره مدونتك لذيذه
هههههههههههه
حلو البوست
ومؤلم
بحب اوى الفانتازيا دى
تسلم ايدك
حسام وريمان فى هاكونا مطاطا
ربنا يخليك بجد يا رافع معنوياتى و منور المدونة بجددددددددددد
تحياتى
blue-wave
ربنا يخليك...يسلم مرورك المميز
تحياتى
هههههه بجد تحفة ...و عسسسسسسسسسل مووت بس مصر بردو بلدنا يعني حنفضل نحبها مهما كان مستنية جديدك
ههههههههههههه
دمك سكر
خلاص هى مش امى
طيب ترجع هدايا عيد الام بقى
كمان الاحضان والعياط الى عيطوا عليها
انا اتخدعت يا جماعه ولعبوا بمشعيرى
هههههههههههههههه
البوست دمه شربات
تحياتى
لالالالالالالالالالالالالالا بجد حوار جميل تسلم ايدكي ده انتى شكلك بتموتي في مصر
اخوكي monshed
الفكره انك تعملى حوار مع مصر حلوه بجد
لكن الحوار نفسه كان ممكن يبقى احسن من كده بصراحه
لكن برضه انتى جواكى حاجه حلوه
تحياتى
اظن ان فيه كثير مصر ممكن تقولها تانى
بس مش دا المهم
عارفة ايه المهم بجد
واللى عاجبنى
انك فكرتى فى مصر
هو دا المهم
اننا نفكر فى مصر
تحيا مصر بيكي
وبدردشتك
اتمنى نبقى صحاب
الشاعر كريم بهي
عسسسسسسسسسسسسسسسسسسسسسسسسسسل
ايه ده
هي مصر لسه فيها نفس عشان تتكلم
هههههههههه
رمضان كريم
أنا أنا عصفور
وموطني رمضان
مع الأذكار أطير
وأحمل الأطياب
كل عام وأنتم بألف خير
تحفة انتي هايلة
انتي عسل يا دينا :)
مصر جميلة و طيبة اوي يا دينا..
هو صحيح الناس اللي ماعندهاش اخلاص .. همة اللي مخليين شكلها مش حلو ..
بس صدقيني..
مصر محتاجة حد يحبها .. مش يحب نفسه.. فاهماني؟؟
حد يحبها من جواه ..
و يعيش عشانها .. و هي هتقف جنبه و هتحبه بزيادة ..
بس للاسف ..
دايما في فرصة للناس اللي بتحب نفسها بس..
و بتنسى .. ان مصر هي الاول .. هي الاهم..
تسلمي يا دينا :)
دينا كل سنه وانتى طيبه
رمضان كريم
انتى فينك
تعالى شوفى النقاش الى فى مدونتى
يااااا بقالى كتير مدخلتش مدونتك
عامله ايه يا دوندون
ايه اخبارك
على فكره البوست دا فكرته جامده ... سلمى على مصر
ههههههه
ايوا كدا فين البوستات دى من زمان
جيت بس عشان اقولك كل سنة وانتي طيبه ويارب دايماتممر علينا الايام بسلام وحب
ورمضان كريم
ربنامعاكي
حلوة يا دينا
هى فعلا عسل وسكر وكل حاجه
والله بحبها اوى
بس بزعل منها لما الاقيها محققتلناش اللى احنا عايزينه
بزعل منها لما الاقى الشباب كارهيناها وعايزين يهاجروا علشان مش لاقين احلامهم هنا ولا فرصة شغل ولا نيلة
اااااااه قلبتى عليا المواجع
بس فكرته جميله اوى تسلمى
وربنا يصلح الحال
السلام عليكم,
الحمد لله ان مصر لسه فاكرانا
الا هو المفروض احنا نزعل من مصر ولا مصر هى اللى تزعل منا ؟
مش عارف
كل اللى انا عارفه ان المفروض ندى لمصر علشان تدينا
تحياتى ,
عمار صبرى.
دينا يا ريت تقولي لي النشاطات الخيرية اللي شغالين فيها في اسكندرية فين و تبع مين
يعني عرفيني النظام كله عشان بجد نفسي اشارك
كل سنة و انتي طيبة و رمضان كريم
----------
رومانسي
كل رمضان وحضرتك بخير
اللهم بلغنا ليلة القدر واجعلنا من عتقاء هذا الشهر
رمضان كريم
كل سنه و انتم طيبين
يارب
كلما طرق هذا العبد بابك
أفتح له كنوزك
و سخر له عبيدك
و ابسط له رحمتك
اللهم اجعله من الصائمين القاثمين
الركع السجود
و بارك له فى شعبان و بلغه رمضان
فى يسر و سلامة و امان
اللهم امين
كل سنة و انت الى الله اقرب
كل عام وأنتم بخير
كل عام وأنتم صائمون
كل عام وأنتم مصلون
كل عام وأنتم قائمون
كل عام وأنتم قانتون
كل عام وأنتم متصدقون
كل عام وأنتم مغفور لكم
كل سنة وانتي طيبة
.......................
فـيـنـك ؟
دينا
ايه العسل ده
انا حاسس اني بتفرج علي مسرحيه كوميدي
بس اقولك
السينارست هايل
بجد تستاهلي اوسكار
هههههههه
ربنا يوفقك وتكتبي بوستات رائعه كده دايما
تحياتي
كل سنة وانت طيبة
تحياتي
ايه الدماغ الجامده دي
بجد احييكي علي الحوار ده
وفعلا كاني بشوف مسرحية بس
مصر هتطلعيها شكلها عامل ازاي
ههههههههههههههه
خالص تقديري وتحياتي
فينك
كده ينفع الغيبه دى
عموما انا قولت اسال ؟
Zanooba (Zeinab sab9n)
طبعا بلدنا و بنموت فيها بجد
منورة المدونة
momken
ههههههههههههههه
اه و الله على رأيك
مبسوطة اوى ان البوست عجبك و منور المدونة
,.-~*'¨¯¨'*•~mr ,.-~*'¨¯¨'*•~monshed
اه و الله يا منشد بحبها..بس باينله حب من طرف تالت كدا
هههههه
تحياتى
صالح سعيد
ممممممممممم
كان نفسى تقولى رأيك بتفصيل اكتر عشان اقدر استفيد منه..انما انا مبسوطة ان الفكرة عجبتك
تحياتى
كريم بهي
دا تحيا مصر بشعرائها الجامدين
منور المدونة
spower
هههههههههههههه
الله اكرم
sameh
و انت بالف صحة و سلامة ان شاء الله
سارة
ربنا يخليكى يا سارة ..كلك ذوق
قهوة بالفانيليا - شيماء علي
معاكى حق يا شيماء الموضوع ترتيب اولويات و لو شفنا مصر الاول عمر ما حيبقى حالها كدا
تحياتى
قلوب بتغنى
جايالك يا جميل
المبرمج المحترف
تنور المدونة فى اى وقت..دا انا نفسى بقالى كتير مدخلتش مدونتى
ههههههههههههههه
Abd-Alrahman
و انت بألف خير و سلامة يا رب
Sometimes
يا رب ربنا يصلح الحال..انما مش دايما بيبقى الفشل فى الاحلام بسبب مصر و مش ناسها ولا ايه؟
تحياتى
حكومتى ملاك
تمام و الله يا عمار..لازم ندى عشان ناخد
ملحوظة:حماتى ملاك دى جامدة اوى..قصدى حكومتى ملاك
A7MeD F@hMy
حاضر يا احمد و الله حقولك
قلب مصرى
اميييييييييييين يا رب..وحضرتك بالصحة و السلامة
aliaawwe
و انت بالصحة و السلامة
قوس قزح
الله بجد حلوة اوى
امين يا رب
shirry
و كل عام و انتم مدونون
mohamed hesham
و انت بالصحة و السلامة
شوية مشاغل كدا
بس فى الدنيا و انا تمام الحمد لله
bar2ash
هههههههههههههههههههه
لا دا احلى جايزة الكلام الجامد اللى انت كاتبه دا
الففففف شكر
أنا حر
و انت بألف خير
Amgad
ههههههههههههههههههههه
اه و الله مشكلة
اطلعها عاملة ازاى دى؟؟
ههههههه
كل سنة و انت طيب
صوت من مصر
كلك ذوق و جدعنة على طول و الله
انا اسفة و الله انا عارفة انى مقصرة معاكم انما فى الدنيا
كل سنة و انت طيب
منتدى بنت مصر
منتديات بنت مصر
منتدى بنت مصر النسائى
منتديات بنات مصر
منتدى بنات مصر
احدث الافلام
تحميل افلام
افلام عربى
افلام اجنبى
تحميل اغانى
احدث الاغانى
تحميل برامج
تحميل العاب
اغانى مصرية
اغانى اجنبية
اغانى عربية
موقع بنت مصر
موقع زواج بنت مصر
موقع زواج بنت الحلال
زواج بنت مصر
بنت الحلال
زواج مسيار
زواج وتعارف
زواج مصر
زواج بنت الحلال
الزواج
زوج
زوجة
تعارف
زفات
خاطبه
زواج اسلامى
شات زواج
زواج المسيار
Post a Comment