Saturday, November 29, 2008

خدوا الحكمة من افواه...


كم اشتقت الى كوب النسكافية اثناء التفكير العميق فى الموضوع الجديد...كم اشتقت الى عالم التدوين...كم افتقدت خواطر كل مدون و مدونة...كم شعرت ان شيئا هاما جدا ينقصنى فى الفترة السابقة..التدوين...تلك الكلمة السحرية التى تعلمك التعبير عن ذاتك و قرائتها فى كلمات على سطور ...ذلك العالم الذى يستحوذ عليك فور تقدمك بالخطوة الاولى لاسكتشافه....فترة طويلة مضت ...لم اجد فيها ما يستفزنى للكتابة...ربما قد انشغلت عن هذا العالم باستكشاف عالم جديد و مرحلة جديدة تمثلت فى بداية مرحلة تعليمية جديدة بالنسبة لى(اعدادى هندسة)بما تحمله من تقلبات و اضطرابات و اختلافات عن (المدرسة)

اختارنا لكم اليوم يا شباب مقتطفات من اجمل ما سمعت و قرأت فى الفترة السابقة...قد تكون حكم..او خواطر ...او تأملات فلسفية..قد يكون قائلها فنان..او سياسى او كاتب او شخص عادى....و لذلك اشعر اننا يجب ان نأخذ الحكمة من افواه من عاشها و شعر بها و قرر نقلها لك ليفيدك او ليشاركك افكاره او ليعينك على فهمه ليس الا



  1. المصرى هو من يملك مصر كلها_محمد صبحى


  2. الرجولة معنى يبدأ من احتواء المرأة و ينتهى بأحتواء الوطن_محمد صبحى


  3. سحر الفن يكمن فى التأثير فيك_محمد صبحى


  4. من يقاوم الاحتلال ليس ارهابيا_محمد صبحى


  5. من حق المرأة ان تكون قطة مدللة مع من تحب..اسد قوى فى المجتمع و فى الحياة العملية_مفيد فوزى


  6. من عاش لنفسه..عاش صغيرا و مات صغيرا..و من عاش للناس امتد عمره لعمر كل من ساعده_عمرو خالد


  7. الى لية فى الدنيا ذكرى لابد يوم هيعيش لها ..الى لية فى الدنيا فكرة يفدى نفسة لحلهـــا... الى لية حلوة وصبية يفدى روحة لجلهــــــــا... والى قال لاء مش شوية اللة بكرة يحلهــــــا_محمد منير


  8. الرجال من المريخ و النساء من الزهرة_خير ما يصف الاختلاف_جون جراى


  9. علاقات البشر شبيهة بالمراة...عندما تكسر يجب الا نحاول اصلاحها لان ذلك قد يؤدى لجروح عميقة...الافضل تركها_واحدة صاحبتى


  10. الفرق بين القيادات العربية و القيادات الاجنبية انهم يطبقون سياسة بصرف النظر عن الرئيس و اننا نسير برؤية فردية بصرف النظر عن السياسة_بردو محمد صبحى


  11. من شدة علم الله بأحوالنا..خصص لنا مواسم لشحن النفوس بالطاقة و الامل و الحياة و القرب منه...ايام الجمعة...رمضان...العشر الاوائل من ذى الحجة_واحدة صاحبتى تانية


  12. الحب بوابة سحرية...و المرور بها بمثابة دخول لعالم جديد و رؤية جديدة لعالمك القديم و مزيج من الاتنين فى كثير من الاحوال_واحدة صاحبتى تالتة
  13. الاصغاء للمرأة افضل انواع المغازلة_مفيد فوزى
  14. طاقة + ثقافة + فكر + تدين بدون تطرف=شباب صالح_مفيد فوزى
  15. كلما شاهدت الاختلافات التى تطرأ على مجتمعنا شعرت بحاجتنا لدور عالم الاجتماع لرصد هذه التغيرات المفاجئة و طرح حلول علمية لها_مفيد فوزى


28 comments:

Unknown said...

السلام عليكم

ازيك احلي دينا

غبتي كتير اوي

بس انا كمان النسكافيه بتاعك وحشني


ههههههههههه


الرجولة معنى يبدأ من احتواء المرأة و ينتهى بأحتواء الوطن

حسيتها اوي


وضحكت كمان من جمل صحباتك استنيت الاقي كاتب او اديب او كده

لقيتك بتقولي واحده صاحبتي

وصاحبتي التانيه
هههههه


ع العموم عود حميد
ونورتي بيتك



مش عارف انا اول تعليق ولا انتي عامله كنترول علي التعليقات

لكن المهم اني سعيد برجوعك

اخوكي برقش

نيرة و منةالله said...

هههههههه
اصحابك دول جامدين بجد
:)
والموضوع حلو اوى
وعجبتنى كمان اقوال محمد صبحى ومحمد منير لانى اساسا بموت فى الاتنين دول اوى
اتمنى التواصل

قلوب بتغنى said...

وحشتينى جداااااااا
فينك كل ده
ايه يعنى هندسة من موقعى هذا الى هو فوق كرسى الكمبيوتر احب اقولك التعليم فى بلدنا بزرمييييييط وميستهلش تتعبى علشانه ابدا
وده مش كلام واحدة جاهلة ده انا باعمل ماجستير فى الاعلام
كل العبارات الى انتى كتباها جميلة
بس عجبنى قوى من حق المراة ان تكون قطة مدللة
جميلة
تحياتى

dina said...

bar2ash
هههههههههههههه
لا نسكافية عن نسكافية يفرق...بجد المدونة وحشتنى اوى و انت فعلا اول تعليق و منور المدونة
و بعدين هما صحابى شوية اديك شفت اهو بيقولوا كلام عبر و حكم ازاى
بجد منورنى و يا رب يكون الموضوع عجبك و يبقى رجوع عليه القيمة كدااااااا
تحياتى

نيرة و منةالله
ههههههههههههههههههه
اتفضليهم و الله حيكتبوا على جنانى صحابى دول
بس ان شاء الله يبقى فى تواصل ما دام بتحبى منير و صبحى..دا انا بعشقهم
منورانى و لكى تحياتى و دعواتى يا قمر

قلوب بتغنى
هههههههههههههههههههههههههه
ايوة يا قطة تموتى انتى فى الدلع و اموت انا بقى فيكى و انتى محسسانى ان الدنيا حلوة و التعليم بظرميط...ما هو دا واقع للاسف انما نعمل ايه يا بنتى..ناخد من كل حاجة وحشة احسن حاجة فيها
تحياتى

مواطن مصرى نايم said...

حمدالله بالسلامة يا باشمهدس..ه
و الله وحشنى اسلوبك و كتابتاك يا بنت بلدى
تعرفى انى فرحت لما لقيت تعليقك عندى
برغم انى مش من النوع اللى بيستنى التعليقات
بس بجد حسيت بروح جديدة طلعت على البلوج
عاملة ايه ؟؟
و ايه اخبار (الميد تيرم) ايه الكلام ؟؟
-----------------------
البوست بقى جميل طبعا و انا شكلى اعرف صحابك دول هههههههه
;)

الرجولة معنى يبدأ من احتواء المرأة و ينتهى بأحتواء الوطن_محمد صبحى

انا كده فعلا
بحب بلدى جداااااااا
و نفسى اعمل لها حاجة
و كمان زوجتى ان شاء الله اكيد حتبقى جزء منى و اكيد ححتويها ان شاء الله

بس بجد عجبتنى جدا المقولة دى

حمدالله بالسلامة تانى يا باشمهندسه

تحياتى يا دينا

اسلام

dina said...

مواطن مصرى مش نايم خالص...على طول صاحى ما شاء الله ببوستاتك و ردودك المميزة

بجد و الله مبسوطة جدا بردك و بعدين مدونتك مميزة جدااااااااااا و روحها عالية اوى من غير ردى دا بس من ذوقك

صحابى دول انا ان شاء الله حستدرجهم للتدوين و ساعتها تتعرفوا بجد بقى...بس واحدة واحدة

و مقولة محمد صبحى دى بجد ابلغ تعريف للرجولة و يا رب ربنا يرزقك بواحدة تحتوى بلدها و تفهمك(يلا دعوة فى ايام مفترجة اهو)

الميد ترم بقى مكنش اوى علشان لخبطة اول الكليات دى...بس ان شاء الله اللى جاى احسن

منور المدونة يا ابن بلدى و الله و الحمد لله ان الموضوع عجبك

مـجـنـووون said...

حمدالله علي السلامه

وديما تمتعينا بمواضيعك الجميله

وعلي فكرة المقولات الي انتي كتباها معبرة قوي وبتبقي حاجه كويسه أن الواحد يعرفها

تقبلي مروري
مجنووون

dina said...

مجنوووووون
اهلا و سهلا بيك فى المدونة و مبسوطة بالمرور و بالتعليق و يا رب تنورنى دايما
تحياتى

Mona Shereif said...

دينا الجميلة
وحشتينى جدااااااااااااااااااا
حلوين اصحابك ربنا يخليهملك
هههههههههههههههههه
بحب محمد صبحى جدا وبحترمه اوى
بجد فنان عبقرى
عجبتنى مقولة مفيد فوزى برضه

"من حق المرأة ان تكون قطة مدللة مع من تحب..اسد قوى فى المجتمع و فى الحياة العملية"


ربنا يوفقك يا دينا فى حياتك كلها يارب
فترة الجامعة جميلة جدا على فكرة
العقل بيتفتح اوى وبنشوف حاجات غير الحاجات
اهم حاجه نعيشها صح
وانا متأكده وواثقة فيكى انك هتعيشيها صح
كفايه الصحبة الصالحه:)
وحشتينى اوى اوى اوى
سلام يا قمر

الوردة البيضا said...

ازيك يا دينا
ما شاء الله واضح انك بتتمتعي بأصدقاء حكماء، وأصدقاء يجبونك .. نمسك الخشب
أعجبتني جدا الأقوال التي نشرتها، وأحييك عليها

تمنياتي لك بالتوفيق

nana said...

السلام عليكم ورحمة الله وبركاته

جميل أن تكوني مطلعه على ثقافة
ووجهات نظر جميع الناس وهناك
حكماء أفضل من الفنانين ومفيد فوزي
أستبعد من كلامي ((عمرو خالد وصديقاتك
وانما أقصد الفنانين والمغنيين فانا عندما أستمع لكلامهم
لا يحرك في ساكناً لان وظيفتهم التمثيل
والغناء ويدعون أنهم أصحاب رساله
الى الان لم اتوصل الى تلك الرساله ؟؟
المهم
ليس هناك أفضل ولا أحكم ولا أجمل
ولا أكثر تأثيراً في قلب المسلم
من كلام الله وكلام رسوله صلى الله عليه وسلم إذا اردنا أخذ الحكمه


إنما الفنانين أعذريني
لا نأخذ منهم الحكمه لان
فاقد الشئ لا يعطيه

آسفه على الاطاله

صوت من مصر said...

حمد لله بالسلاموز
فينك
سمعتى الحكمه دى بقه ؟
انا بكره لان الحكومه عاسيزانى اكره مع انى بحب ؟
والى بحبه بكون تحت رجله
والىمش بحبه بيكون تحت رجلى ؟

احساس لسه حى said...

عزيزتى
متشكر اوى على زيارتك لمدوناتى وتعليقك عليها

قليل اللى بيخش المدونات كده مره واحده

مع انك فوتى اتنين المره الجايه خشيهم

نخش فى البوست ونشوف الحكمة

المصرى من تحترمه مصر كلها

الرجولة تبدأ باقل من احتواء المرأه لان المرأه اكبر من كده ولا تنتهى ابدا باى شئ

قليلين من يسحرهم الفن

اغكيد من يقاوم الظلم ليس ارهابيا مش الاحتلال بس

من حق المرأه ان تكون شئ مهم مع من تحب ومع المجتمع ومع نفسها

من عاش لغيره يجب اولا ان يعيش لنفسه ثم لغيره


بس مش محمد منير اللى قالها ده الشاعر ومنير غناها وطبعا احلا غنى


ممكن يكون الرجاله من المريخ بس الستات من جهنم اقصد بعضهم
كنت همسحها واغيرها بس قولت طلعت كده اخليها زى ما هى

المراه سهل اصلاح جروحها بدل اللى جرحها حبيبها دائما الحب اكبر عندها من كل جرح والم


يبقا مش الفرق بين الشعوب العربيه والغربيه
يقول الفرق بلين الرؤساء العرب والغربيين


طبعا ايام شحن طاقه بس تقريبا الشحن مبقاش يأثر لان البطاريات باظت وهلكت

الحب بوابة سحرية مليانه كل انواع السحر الابيض والاسود وربنا العالم اى سحر ممكن تلاقيه فيه

معلش طوليت

تحياتى

سلاااااام

dina said...

sometimes:
انتى بجد اللى وحشانى اكتر...و فعلا واضح انى بعيش فترة حلوة اوىىى و متقلقيش انا واخدة بالى من كل الاختلافات بينها و بين زمان و عارفة الحدود كويس
وراكى بنات جدعة يا بنتى
ههههههههههههه
بجد منورانى

الوردة البيضا
اول مرور...المدونة نورت و يا رب يكون فى تواصل دايما

nana
اه طبعا يا نانا فى حكماء كتير احسن و طبعا اللى احسن من كل دا كلام ربنا اكيد و كلام رسولنا و قدوتنا عليه الصلاة و السلام
دا مش معناه ان كل فنان كذاب ولا ان مفيش فنان عنده رسالة و لاحظى ان انا الفنانين اللى نقلت كلامهم ناس بجد عندها رسالة و فكر بتقدمه سواء كان محمد صبحى اللى ناقش التربية و الصهيونية و الوحدة العربية فى اعماله او محمد منير اللى اتكلم عن الحياة و الوطن و الدين و ازاى نعيشهم....انا مقياسى مش مين اللى قال الكلام...اللى بيفرق معايا انا حسيت الكلام ولا لأ..وصلى ولا لأ...لو وصلى يبقى اكيد اللى قاله صادق...ولازم نكون مطلعين على وجهات نظر ناس كتير فى اماكن كتير بمهن كتير و مفيش مشكلة اننا نتفق معاهم كليا او جزئيا او حتى منتفقش...بس الموقف بيكون من وجهة النظر مش من صاحبها و الفن رسالة طبعا و فى فنانين اصحاب رسالة
معاكى ان فى ناس بتقول كلام متزوق و خلاص انما مش كله...و حتى المنافقين دول لو اعتبرناهم كدا يبقى نقول ربنا يهدى و نكره الغلط اوى بس منكرهش الغلطان
تحياتى

dina said...

صوت من مصر
اللهههههههههههه
مش كنت جيت قبل البوست كنت حطيتك معاهم

احساس لسه حى
انا معاك على فكرة فى اغلب التعديلات دى خصوصا فى غنوة منير بس للاسف معرفش الشاعر و هو ما دام قالها يبقى مقتنع بيها..موضوع الحكومات و السياسة و الرؤساء دا انا معاك و تقريبا صبحى قالها كدا بس الغلط فى النقل_قلة دقة منى معلش
المرأة مش دايما ينفع تتصلح مشاعرها لو اتجرحت و عجبتنى اوى جملة ان المرأة حاجة كبيرة بس فى موضوع الرجولة بتبدأ من احتواء المرأة دا لان دى اسهل حاجة و اصعبهم احتواء الوطن مش لانها اقل حاجة
و انا مقتنعة بالباقى بردو تقريبا الى حد كبير
حدخل حاضر عالمدونات
تحياتى

blue-wave said...

حمدالله على السلامه
جميلة تلك الجمل بحق
تحياتى

رومانسى مشاكس said...

الحب بوابة سحرية...و المرور بها بمثابة دخول لعالم جديد و رؤية جديدة لعالمك القديم و مزيج من الاتنين فى كثير من الاحوال_واحدة صاحبتى تالتة



كلمات منتهى الجمال والابداع بجد يسلم عقل صحبتك عشان ابداع هذا الكلام الجميل


وتسلم ايدك انتى عشان عرفيتنا الابداع ده


ههههههههههههههههه


لا بجد كلام منتهى الرووووووووعة والابداع تسلم الايادى ياااااااااااااااااا؟


مش عارف



يريت تشرفنى فى مدونتى المتوضعة





تحياتى رومانسى مشاكس

kmt said...

السلام عليكم ورحمة الله وبركاته

وحشتين يا باشمهدس ( ياباش كاتب احلي كلام )

سيبنا من كلام الناس وعايزه اقرا كلامك ونقدك اللذيذ للجامعة وحياتها معقول ما فيش حاجه استفزتك في الجامعة كلها
هوما غيروها عن الجامعة في 2005 ولا ايه
المهم نورتي بيتك ياجميل

تحياتي
الي اللقاء

مُزمُز said...

جميل البوست
متفق مع حاجات فيه ومختلف مع حاجات تانية

وبرغم ان فيه اشخاص من اللي في البوست ده مليش معاهم عيش وملح اوي زي مفيد فوزيومحمد صبحي وعمرو خالص الا ان فيه كلام منهم عجبي
وده شئ مهم وله حكمته يعني

....

كل سنة وانتي طيبة يا دينا
وعيد سعيد عليكي وعلى كل من تحبين

:)

صاحب المضيفة said...

كلمات رايقة فعلا ومعبرة خالص


ربنا يكرمك ويسعدك يارب


كل سنة وانتي طيبة وبكل خير وسعادة يارب

كلام على بلاطة said...

كل عام وانت بخير

احساس لسه حى said...

عزيزتى
كل سنه وانتى طيبة وعيد سعيد
سلام

kmt said...

السلام عليكم ورحمة الله وبركاته

شوفتي روحتي برضه

بس انا جيت برضه
اقولك كل يوم وانت بصحة وسلام

تحياتي
الي اللقاء

كراكيب said...

دينا
ازيك
وكل طبق فتة ولحمة وحتة رقاق وانتي كويسة وطيبة وزي الفل

البوست هايل حقيقي
والجمل اللي انتي كاتباها في اخره خطيرة جدا
انتي حقيقي حد مختلف في كتابته وبلوجك من البلوجات اللي بحبها فعلا وبجد وحقيقي

miro el niro kwaniro

HeBa said...

دينا

بوست حلو أوي

كل سنة وأنتي طيبة

عيد سعيد عليكي

dina said...

blue-wave
الله يسلمك و كل سنة و انت طيب

رومانسى مشاكس
هههههه
دينا....مبسوطة اوى للمرور عالمدونة و ان شاء الله اشوف مدونتك قريب

kemet
ههههههههههههه
ما تخلينى ساكتة احسن و بلاش اتكلم عالجامعة و اللى فى الجامعة....دا لازم نتكلم ان شاء الله بس احضر حاجة جامدة كدا و اعرف الكلية اكتر و اشوف الايجابى و السلبى...بس اكيد حنتكلم ان شاء الله
كل سنة و انتى طيبة

مُزمُز
و لا انا و الله مش كل الناس اللى انا نقلت كلامها ليا علاقة قوية بيهم و متابعاهم بقى و كدا...انما ساعات تسمع كلام يعلق معاك حتى لو اللى قاله مايهمكش اوى ..بس هما كلهم ناس تقال و ليهم احترامهم يعنى و اولهم صحابى طبعا
ههههههه
كل سنة و انت طيب و عيد سعيد

dina said...

صاحب المضيفة
ربنا يخليك...كل سنة و حضرتك بالصحة و السلامة و منور المدونة و الله

كلام على بلاطة
و انت بالصحة و السلامة

احساس لسه حى
اهلااااااا
كل سنة و انت طيب و يا رب عيد سعيد

kemet
ما انا جيت اهو اقولك و انتى بالصحة و السلامة
ههههههههه

كراكيب
ميرو النيرو كوانيرو......ربنا يخليكى بجد عالكلام الحلو دا و دايما رافعة معنوياتى كدا..كل سنة و انتى طيبة و يا رب دايما تشرفينا بالمرور

Heba
ربنا يخليكى يا هبة
كل سنة و انتى طيبة و عيد سعيد ان شاء الله

Zika said...

كلما شاهدت الاختلافات التى تطرأ على مجتمعنا شعرت بحاجتنا لدور عالم الاجتماع لرصد هذه التغيرات المفاجئة و طرح حلول علمية لها_مفيد فوزى