Monday, November 30, 2009

تاكسى


همس فى أذنة قائلا بنبرة المحذر اللى بيخلص ضميره من ربنا.....بلااااااااش

كلمة قالها سائق التاكسى أثناء حديثه مع الراكب الذى عرف أنه فى طريقه لإنهاء اجراءات الحج و تبقت اّخر خطوة ليبدأ رحلة مغفرة الذنوب و السلام الداخلى.....ليبدأ سفر طويل مبتغاه الوحيد هو الله عز و جل و قليلا ما نجد فى حياتنا ما نبغى به وجه الله فقط و حتى لو وجدناه فنادرا ما نضمن اخلاصنا لله و لله فقط فالمغريات كثيرة....تبقى للحاج خطوة واحدة و هى (التطعيم ضد انفلونزا الخنازير)و ما أن علم السائق بذلك بادر-و الغالبية العظمى من هذا الشعب لا تبادر الا فى الفتاوى بدون علم-و حذره

و ليس الغريب (انك تفتى)انما الغريب كل الغرابة ان تجد الحاج مستجيب تماما و بدأ بالفعل فى رسم سيناريوهات للتهرب من هذا الموعد الاجبارى مع عزرائيل.....فقرر انه(يظرف)الممرض(ورقة بعشرة) و يا دار ما دخلك شر.....بالاضافة الى بعض الحبشتكات من نوعية أنا حر-و دائما ما يستوقفنى و يستفزنى الفهم الخاطىء لهذا المعنى المقدس....الحرية-و هو الواحد يطول يموت هناك

و من رحمة ربى أنى وصلت الى جامعتى فطلبت من السائق التوقف و لكنى لم انسى الموقف فأبعاده كثيرة


أولا:بطبيعة دراستى فى كلية الهندسة و من أهم ما علمتنى الحياة الهندسية الدقة ثم الدقة فالدقة....فالاهتمام بالمصدر فى حياة المهندس لا يقل أهمية عن الاهتمام بالمعلومة.....و من وقت أن ادركت أهمية أن يكون كلامك و معلوماتك موثقة بمصدر سليم و أنا اواجه هذا السيل من الفتاوى التى يفتى بها كل الشعب فى كل المجالات بدون الاهتمام بمصدر المعلومة.......من أين جاء اجزام السائق ان التطعيم فيه سم قاتل.....هل تأكد بالفعل من هذه المعلومة؟و كيف أخذ الحاج المعلومة و كأنه حصل عليها من موقع وزارة الصحة المصرية فلا مجال لتكذيبها

و لنخرج من نطاق هذا الموقف....فالفتاوى كتيييييييييييير.....و مدعى الثقافة و العلم أكثر و من يطلب العلم على يد من لا يعلم أكثر و أكثر.....فبات طبيعيا أن تجد شخص يبادرك بالسؤال:و النبى هى الأغانى حرام؟و الأكادة على رأى عم صلاح جاهين انى حينما أجاوب قائلة:و الله أنا مش مفتى الديار المصرية.....و يبدأ النقاش و كأنه مش واخد باله

بات طبيعيا أن تنتهك حرمة العلم بكل مجالاته من قبل من لا يعلم....و بات طبيعيا ألا يستفزنا هذا الانتهاك- و يستفزنا ليه...ما احنا خدنا عالانتهاكات.....فنحن شعوب قادرة على ان تعيش و ارضها و مقدساتها تنتهك فى اليوم ألف مرة دون أن نهتز-و الأغرب ان يتجاوز هذا التعدى الفيزياء و الرياضة و المعلومات العامة و غيرها و يرقى أو عفوا يهبط الى مستوى التطاول على الدين نفسه


و ثانى بعد:تلك الجملة السحرية التى ايضا انتهكناها بما يكفى(أصل أنا حر)......سيدى و سيدتى هل تدرك معنى الحرية؟

اين قدسية حق اعطاه الله لعباده....منحهم الحرية حتى لو كان اختيار الانسان ان يعصى ربه أو الا يعبده على الاطلاق ولانى مقتنعة تمام الاقتناع ان ثمة حق اعطاه الله لعباده ليس من حق اى عبد ان يسلبه من عبد مثله فأنا ادافع عن هذا المعنى و ادافع عن حقنا فيه الى النهاية

الحرية التى أعرفها مسئولية....الحرية التى أعرفها اساسها عدم الاضرار بغيرك....لا تتعدى بحريتك حريات غيرك فتضر و تخرب و تقول انا حر.....لأ مش حر....فالحرية قيمة قاتل كثيرون من أجلها و ضحى الكثير حتى بحيتاهم من أجل أن تبقى هذه القيمة....و ظلم أن تبقى القيمة بفهم خاطىء عن معناها الحقيقى

(و تحياتنا لمدونة أنا حر عالسيرة)

فنزلت من التاكسى و انا اتفهم تماما لماذا كتب(خالد الخميسى)كتاب كامل و اسماه (تاكسى).....من اللى شافه

و سك عالموضوع

ملاحظات:محدش يقولى التطعيم و الانفلونزا...دول ليهم وقفة فى وقت لاحق ان شاء الله

اعتذر عن الغياب الطوييييييييييل العريض بس انتوا تقريبا اتعودتوا خلاص

كل عام و انتم بخير

35 comments:

أحمد الصعيدي said...

دنيا

كل سنة وانتي طيبة
ولو انها متأخرة شوية
معلش كان في ظروف قهرية

أحمد الصعيدي said...

التعليق الأول
مش ممكن
عندك الاديبة الصغيرة

ههههههههههه

أحمد الصعيدي said...

حيث كدة بقا
أقرأ وأرجع

أحمد الصعيدي said...

ربنا يرفع عنا
البلا والغلا

وولاد الفلا

هههههه

كعادتك قلم محبوك حبكة أدبية رائعة

السلام عليكم

dina said...

:D:D
دا مش التعليق الأول...دول أول أربع تعليقات و لى الشرف
لقب الأديبة الصغيرة اسعدنى جدااااااااا و خوفنى جدا من المسئولية....بجد ألف شكر
شكرا عالتعليق اوى
و كل عام واتم بخير

blue-wave said...

افة هذا البلد
هى الفتوى بدون علم
الكل يفتى
والكل يسمع
ربنا يرحمنا
اما عن الآنفلونزا تلك فلها موضوع على مدونتى العيادة
اتمنى ان تفيدك
تحياتى

أميرة رمضان said...

كل سنة و انتى طيبة يا دينا...و مرحباً بالعودة بعد غياب

زى ما طلبتى أنا مش هتكلم عن التطعيم..بس هحكيلك عن موقف مشابه سمعته قريب عن واحد راح الحج و عشان ميخدش التطعيم , عمل شهادة مزورة...معلش يعنى مش فاهمة..انت رايح أقدس مكان...رايح تتوب و تغسل ذنوبك و كل الحاجات الرائعة دى..و رايح و انت عامل مصيبة اسمها تزوير و أكيد رشوة...مش عارفة ..بس أعتقد أننا محتاجين نراجع شوية مفاهيم كده و من ضمنهم هوا يعنى ايه حج....

النقطة الثانية بقى...أحيى فيكى فهمك المحترم لمعنى الحرية...و حرصك الشديد على الدقة العلمية..و دى حاجات نادراً ما بنشوفها فى مجتمعاتنا

و كالعادة...كمل طريقك يا أديبنا الكبير...و متعنا دايماً

خواطر شابة said...

بداية كل سنة وانت طيبة وعيد سعيد
ثانيا الحرية شئ مقدس لكن الحرية لها حدود فحريتي تنتهي عندما تبدأ حرية الاخر مشكلتنا في مجتمعاتنا العربية اننا لانعرف حدود حريتنا أونعرفها ونتغابى هذه هي مشكلتنا
ظاهرة الافتاء هذه انا أيضا لاحظتها لاأحد يقول لاأعرف الكل يفتي فيما يعرف وفيما لايعرف ويعتبر رأيه هو الصواب
تحياتي لك

اقصوصه said...

اكيد هو فنيته

انه يبي يقدم شي زين للراكب

ويعمل فيه خير :)

عيدك مبارك :)

سلمى said...

انا جييييييييييت
دينا مكنتش اتخيل كم الفلسفه دى لالا لينا قاعده طويله مع بعض وبلاش غياب
تحياتى

صوت من مصر said...

عندك شك ان مصر كلها بتفتى
انا واحد منهم بس للاسف مش بسمع غير كلام دماغى وبس

اقدم عاصمه فى الحب said...

السلام عليكم

كل سنه وانتى طيبه
[( متأخره (( وش مكسوف )) معلش)]
الضمير الضعيف ما تشيرى اليه
وصلت المعلومه وشكرا لكِ على المحاوله الجميله
ولكن هذا حالنا فماذا نحن فاعلون غير ان ننتظر رحمه الله علينا
فعلا رحمه الله على شعبنا وعلى ناسنا الطيبين
ودى واحترامى :)

قلم حالم said...

صدقت حبيبتي فنحن حقا اعتدنا الانتهاكات فليست حرمة العلم وحدها او حرمة الحرية فنحن نعيش سلسلة متكررة من الانتهاكات
انتهكت كرامتنا حين جعلونا فئران تجارب تجرى عليها فاعلية الامصال
ومن قبلها انتهكونا الف الف مرة
ولا داعي لذكر مواقف او استشهادات فالامر معروف

وعلى اية حال فقد أحسنوا صنعا فهي طريقة مثلى للتخلص من غير المرغوب في بقائهم

...
أشكر لك زيارتك العزيزة غاليتي
كل عام وانت بخير

Tamer Nabil Moussa said...

كل سنة وانتى طيبة

وبخير وصحة وسلامة

مع خالص تحياتى

dina said...

blue-wave
حيفيدنى أكيد يا دكتور و حزور المدونة عن قريب لانى محتاجة أفهم عن الموضوع دا أكتر و من غير فتاوى

Amira Ramadan
أميرةةةةةةة....مناصرتى الكبرى
كلامك بيدعمنى دايماااااااااااااا
انتى معاكى حق يا ميرا....مفهوم الحج عندنا شكله هو كمان عايز يتصلح.....مش عارفة لما يبقى حتى الحج عايز تصحيح يبقى ناقص اييييييييييه

خواطر شابة
يا ريت فعلا الناس تفهم ان تعديها على حرية غيرها مش من حقها.....بس دى مشكلة تالتة بردو.....مشكلة المفاهيم المبتورة و بناخد نصها و نسيب الباقى لانه مش على هوانا

اقصوصه
وجهة نظر مختلفة بردو....أكيد نيته خير و كل حاجة.....انما ليس بالنية الصالحة وحدها يحيا الانسان....انى ادى حد معلومة مش كاملة أو مش موثقة حتى لو نيتى خير دا بيضر أكتر ما بيفيد.....و بردو كالعادة....احنا بنسيب الشخص خالص و الموقف و بنحلل ما وراء الموقف
تحياتى

dina said...

سلمى
دا انا اللى اتخضيت لما شفت مدونتك ما شاء الله......و يا ريت يبقى لينا قعدة مطولة...هو أنا أطول
;)

صوت من مصر
كلنا ساعات بنبقى كدا...انما بداية تغيير الخطأ اننا نعترف أصلا انه غلط...يا رب الغلط دا يتصلح فينا الاول بعدين فى مجتمعنا

اقدم عاصمه فى الحب
لا مش متأخرة ولا حاجة.....ربنا يجعل كل أيام بلدنا أعياد
انما عشان رحمة ربنا تنزل علينا لازم نكون أهل للرحمة دى...الحل اننا نغير ما بأنفسنا و نبتدى بنفسنا

يسرا
هههههه
حلو موضوع التخلص من غير المرغوب فيهم دى بردو....فكرة.....يا رب الزيارة تتكرر


Tamer Nabil
ألف شكر....و انت بالصحة و السلامة

MOHAMMED ELBANNA said...

دينا
مدونتك جميله وموضوعك اجمل
ربنا يعفينا من شر الامراض
تقبلي مروري
محمد البنا
طريق النجاح
ـــــــــــــــــ
اتمنى تشرفيني بالزياره على طريق النجاح
http://tareekelnagah.blogspot.com/2009/11/blog-post_21.html

micheal said...

كل سنة وأنتي طيبة
وحمد اللع ع السلامة بعد الغيبة الطويلة دي
التاكسي ده عالم تاني خالص..عاوز أقولك أن الفتاوي رغم أنها سمة مميزة للشعب المصري بصفة عامة بس السواقين دول الرواد فيها
مرة جربت أشتغل سواق تاكسي أنا وواحد صاحبي وسألناه على عنوان عمارات الكانزماير(اسم وهمي طبعا)..ولقيناه وصف
!!
تحياتي

أحــدهم said...

على فكـرة , أنا لفت انتبـاهى أنك حـاطة صـور أكتـر اتنيــن نفسى أقابلهـم فى حيـاتى : محمـد صبحــى , ومحمـد منيــر ..

قطوف said...

سلامو عليكو
بجد مدونتك جميله انا مدخلتش البلوجر من زمان بس بجد ندمان على كده
بجد اسلوبك سلس وجميل
بالنسبه لدار الافتاء احنا احسن شعب يفتى فى الدنيا فى كل حاجة
من الاخر ابو العريف
تحياتى

محمد said...

دينا
شرفتينى بزيارتك
وأنا دائما اقدر أرائك ورؤيتك
مجتمعنا لاتنقصه المعلومه والافكار والاراءولكن ينقصه
العقل الذى يدير
والعقل الذى يفكر
تغلب على المجتمع السطحيه
والفهم المحدود والمسطح للأفكار
وتغليب المصالح الفرديه الآنانيه

حاول تفتكرنى said...

الحرية

تري كم مدلول لهذه الكلمة ، وكم تعريف لها ، وكم استخداما ، وكم تقييد بأسمها ، فأصبح كل فعل - خارج - او دعينا نقول غير طبيعي يبرر بها


مقالك متنوع ، ينقل نبضا مألوفا بطريقة سرد غير مألوفة نحييك عليها

تحياتي

كراكيب said...

المصريين اهما

ياريت الفتاوي بتيجي على كدة وبس
انا ببقى قاعدة في المدرج والبنات ماااشاااء الله
بيفتوا الموبايل حلال واللا حرام
اتجنن انا بقى واللي يجرالي ايه

كله بيفتي وبيألف وبيخرف وكله بيسمع وبيصدق

حاجة اععععع بصراحة

اقولك على حاجة.. واحد رايح يتجوز واحدة قالها "ان البني ادم بعد سن الخمسين مش مكلف انه يصلي ويصوم وكدة لأ خلاص وصلنا للخمسين عملنا اللي علينا اقلعي الايشارب بقى ماتصليش اعملي اي وكل حاجة"
ايه رأيك في الفتوى دي؟؟؟ عاجباكي

حسسسسسسبي الله ونعم الوكيل
ربنا يشفي البني ادمين من الجهل والعبط

وابقي تعالي بقى يا دينا
:)

miro el niro kwanirooooooo

حسن ارابيسك said...

دينا
الحقيقة أعجبني تناولك وتحليلك الدقيق للمواضيع التي طرحتيها للمناقشة وأنا أعرف أن هناك مواضيع ونقاط أخرى كثيرة على شاكلة أمثلتك المتعددة ولكن للأسف أصبح مانراه الأن هو الطبيعي والإعتيادي والقاعدة وأصبحت القاعدة التي كانت تحيا بيننا منذ زمن بعيد هي الإستثناء
دينا
كل سنة وانتي طيبة
وتحياتي
حسن ارابيسك

Arsenal Way said...


في بلدنا دي اللي مش لاقي شغلانه بيفتي

و اولهم مفتي الديار نفسه هههه

انتي في هندسه

في الهوا سوا بس انا خلصت الحمد لله عقبالك

Beram ElMasry said...

العزيزة الغالية dina
أهلا بك وسهلا وشرفني مرورك وأسعدني إطراءك فلا تحرمينا شرف المعاودة والسلام ولا سلام مع بني إسرائيل قتلة الأطفال والأنبياء .

احساس لسه حى said...

عزيزتى

لما يبقا مفيش شئ نقدر نثق فيه بنصدق اى كلام ونقتنع بيه


لما نعرف ان ممكن حد يخدعنا يبقا هنصدق انه كذاب حتى لو صدق

لما نعرف ان حد ميهمهوش ضررنا يبقا مهما خاف علينا مش هنصدق خوفه

ده احساس الشعب بالحكومة

واحساسنا احنا مع فتاوينا

تحياتى

سلام

صفــــاء said...

احنا شعب كامل من العلماء والخبراء ومصدرى الفتاوى

تحياتى لك

dina said...

MOHAMMED ELBANNA
ألف شكر و يشرفنى زيارة مدونتك عن قريب باذن الله

micheal
:D:D:D:D
و لو سألت فى أكتر من كدا عادى حتلاقى رد..يا رب نتعود نقول مانعرفش و نعرف انها كلمة عادية جدااااااا

أحــدهم
التعليق دا يشرفنى لانه فيه اسم أكتر اتنين أنا كمان نفسى أقابلهم فى حياتى و من أكتر الشخصيات اللى بحترمها فى بلدنا لانهم فعلا فاهمين يعنى ايه(فن)
تحياتى

سى السيد
لأ ملحوقة طبعا و أشكرك على تعليقك....و فعلا أبو العريف دا لقب سليم جدااااااااااا

dina said...

محمد
أشكرك جدا عالتعليق...و وجهة نظرك انا فعلا مقتنعة بيها لحد كبير...يا رب الوضع دا يتغير عن قريب
تحياتى

حاول تفتكرنى
ألف شكرررر..انا اللى بحيى حضرتك عالتعليق و بشكرك على كلماتك...للأسف مشكلة فهم الحرية غلط دى مش عارفة حنخلص منها امتى..دا لو فى نية نخلص منها

كراكيب

هههههههههههه...تعليقى الوحيد ان بجد ليكى وحشة عشان انا لو علقت عاللى انتى قلتيه دا حغلط و بابا قالى خليكى محترمة فى مجتمع بيستفز اللى بيقرر يبقى محترم بكل الطرق

حسن ارابيسك
و دى كمان مشكلة....ان الصح يبقى استثناء
و حضرتك بالصحة و السلامة
أشكر مرورك

مصطفى أبوزيد
يلا بقى ربنا يهدى...و اتمنى نخلص يااااا رب

Beram ElMasry
أيوة أهم حاجة الجزء بتاع بنى اسرائيل دول....فكرونا بالقضية الله يكرمكم عشان الناس جالها زهايمر مبكر للأسف

احساس لسه حى
رؤية جديدة بردو و ممكن يكون دا فعلا سبب....و من غير كل دا احنا ما شاء الله مصدر معلوماتنا و ثقتنا الوحيدة دماغنا....و دا اللى بيقولوا عليه بيكدب الكدبة و يصدقها بقى

صفــــــاء
و أكتر شعب لا يقدر العلم و لا العلماء و لا الفتاوى....و الله نكتةةةةةةةةةةةةةةة

VÖltaa said...

هو التاكسى عموما يعنى حياة فعلا لوحدها
عايزة تشوفى بقى حاجات احلى من كده
اركبى اتوبيسات
:)

هههههه
هابى نيو يير
ولزيزة المدونة

dina said...

بركب والله و بشوف كل حاجة....هى بلدنا كلها على بعضها اللى يعيش فيها يشوف كتييييييير

شمس النهار said...

ازيك
عامله ايه
يارب تكوني بخير

ماشاء الله البوست قوي جدا

سلامي

Mohamed Hesham Safa said...

كل سنة وانتي طيبة وبخير ... وربنا معاكي ف الامتحانات

وياااااااااه ع اللي الواحد بيشوفه ف المواصلات عموما ... حاجات كتير كتير يعني ...

Anonymous said...

السلام عليكم
كلام سليم .. التأكد من المصدر كلام موزون للغاية ومطلوب جداً