تشوهات

و نكرر ..

مطلوب فى كل المجالات و على جميع الأصعدة واحد بس يكسر الدايرة المفرغة اللى كل الناس بتلف فيها .

مش شرط أى واحد فينا يكون الواحد دة , بس شرط نرفض نلف فى نفس الدواير !

و فى سياق منفصل متصل , إليك خانة "رد الفعل " كمثال..

تدخلها برجليك , تعيش مقتنعاً أنك ضيف شرف فى حياتك فتسمح لكل أنواع الأفعال أن تحدث و تكتفى أنت بالتأمل , فلازم عشان تتزن يكون فى فعل , فى الغالب حيكون نفس الفعل اللى أنت لم تختاره و لم تجيد التجاوب معاه فى محاولة لمسايرة الأمور أو لأسباب أخرى دفينة  , فيكون فى حد تانى رد فعل لفعلك , و يضطر يكرر نفس الفعل عشان يتزن !

و تكمل الدايرة من غير ما حد يكسرها !

“اقلع غماك يا تور و ارفض تلف
اكسر تروس الساقية و اشتم و تف
قال: بس خطوة كمان .. و خطوة كمان
يا اوصل نهاية السكة .. يا البير تجف
و عجبى”