Tuesday, February 19, 2008

انا .. و الضمير .. و هواكى


ثمة اشياء نخاف ان يجد لها الموت سبيلا..و ثمة اشياء نتمنى ان تموت..و ثمة اشياء نتمنى لو كنا نستطيع تخليدها..و اشياء اخرى نتمنى موتها احيانا و صحوتها فى احيان اخرى..فلو ماتت بكيناها و لو مرت بفترة صحوة و نشاط اتعبتنا..و هذا النوع الاخير هو ما يستوقفنى دائما فوجدت له امثلة كثيرة فى حياتنا

اول ما نعانى منه هو الضمير..فمن منا لا يتذكر ليلة قضاها هو و ضميره..كان البطل فيها ضميره...مارس هوايته فى التوبيخ و التأنيب و من منا لم يتمنى للحظة لو كان يقدر على الغاء هذا الاختراع..و على الجانب الاخر..من منا لم يأنب ضميره على هدوءه و عدم ثورته فى مواقف كثيرة.........ليس فقط الضمير هو الوحيد الذى نطلب منه"غفوة"انما مشاعر اخرى مماثلة كشعور الانتماء

اقول هذا لانى عدت يوما منهكة بعد يوم طويل تنتظرنى الكثير من الاعمال لاقوم بها و لكنى فقدت حماسى لانجازها..حينها لا يجدى العمل شيئا...فتحت التلفاز و طلبت من ضميرى غفوة لا تتعدى النصف ساعة..خدرته و كله تمام..تابعت تقرير فى التلفاز عن احد افقر الاحياء فى مصر و كنت قد نويت الا اذكرها ثانية فهى الاخرى فى اجازة مع ضميرى و لكن على رأى عمرو دياب(بردو كلامى يلف و يرجع ليها اوام)

المهم...قلت تقرير مش حيفرق..انتما ايها الضمير القاضى القاسى انت و دافع الانتماء فى اجازة....كنت اتابع التقرير وحدى و بجوارى ورقة و قلم فامتدت يدى لهما و كتبت كلاما لم افهمه فى وقتها و تركت الورقة ..و فى الصباح وجدت الورقة فى مكانها و عندما قرأت ما بها سكت لافكر من الكاتب ... اذ بى انا الكاتبة...لا اعرف كيف كتبتها ولا لماذا؟؟!..فأنا لم اعهد هذا النوع من الكتابة من قبل..و كأن احساسى و انفعالى بالتقرير و بالطبقة التى تحدث عنها هو الذى كتب هذا الكلام..كلام رفضه ادراكى و عقلى ..دا انا فى اجازة عاطفية يعنى مش كدا

لكن حقا ثمة اشياء لا تحترم اجازتك و رغبتك فى الراحة و تطرق بابك دون سابق ميعاد و تحذرك بألا تطيل الراحة فأنا بحاجة لك..ذكرنى التقرير بمصر فأيقظ ضميرى النائم و انهى اجازتى باستدعاء عاجل بل و فجر فى احساس شاركنى فيه قلمى و اوراقى و كأنهما شعرا بنفس الاحساس....استقبلت الاشارة..علم و ينفذ..فلا تستعجب اذا سمعت احدهم يغنى(حبك عاملى جنان) فهذا حالك و حالى و حال كل انسان فى حبه لنفسه و لحياته و لاهله و لبلده..فهى انواع فريدة للعشق قد تقودك للجنون.

استنوا بقى..ورقة و قلم و مراية و خلوا بالكوا معايا..تعالوا بقى لما اوريكم اللى كتبته ساعة التقرير المشئوم:


طرقت على بيبان فكرى صبية

قلتلها من ورا الباب ايه اللى رماكى عليا

ما انا كنت بتحجج و بهرب و بقول دا هى اللى مقصرة شوية

علشان بخاف يوم تيجى عينك فى عنيا

قالتلى ماتقدريش...انا جوا القلب من يوم ما وعيتى عليا

فاكرة اليوم دا..فاكرة الساعة..كانت لحظة مغربية

فاكراها عشان مش بنسى ولادى و شايلالهم شوية حنية

فى حضنى ولا بعيد عنى...انا جواهم يا بنية

زعلك زى زعلهم..مش منى..دا عليا

دا انا مهما اكون انا مصر..و اسمى ام الدنيا دية

و لو تواربى الباب شوية و تدورى عالحلو اللى فيا

معايا تنسى اللى راح و اللى جاى ولا تفتكرى القسية

51 comments:

raspoutine said...

جميل يا دينا

دنيتى الجميله said...

هايل يا دينا
ثمة اشياء نخاف ان يجد لها الموت سبيلا..و ثمة اشياء نتمنى ان تموت..و ثمة اشياء نتمنى لو كنا نستطيع تخليدها..و اشياء اخرى نتمنى موتها احيانا و صحوتها فى
احيان اخرى
كلامك فعلا حقيقى
وكلامك اللى كتبتيه برضوافى شعرك رائع مش ممكن أسلوبك ممتاز

دنيتى الجميله said...

دينا
بدعوكى لزيارتى فى حور الدنيا

مـحـمـد مـفـيـد said...

ما بين الاشياء التي تخلد بالذاكره
والاشياء التي نتمني محوها من الذاكره تستمر الحياه

dina said...

rasoutine:
شكرا لردك و لمرورك الكريم

دنيتى الجميلة:
مرسى على ردك اللى كله رقة و انا فعلا كنت ناوية ازور حور الدنيا لان العنوان شدنى اوى

محمد مفيد:
فعلا كلامك صح و حقيقى جدا و وصلنى اوىىىىىىىىىىىىى

الأستاذ said...

دائماً هو الضمير
ذلك المعنى الذي أصبح وظيفة والتي أصبحت كلمة وتلك الكلمة التي انقرضت وأصبحت أسطورة
كلماتك ليها معنى ويمكن ده اللي بيفتقده ناس كتير
لكن ربنا يكرمك يارب
تحياتي

3abdo me7tas said...

إيه الكلام الجامد ده
على فكرة كل كلمة انتى قلتيها حقيقية
بس نقول ايه دنيا
عايزين من ده كتير بقى

walaa said...

هكذا هى الحياه التى نعيشها عباره عن الالم نحاول نسينها وافراح نتمنى دومها
بس لازم تستمر الحياه
علشان الحياه مش بيتمشى على وتيره واحده زى ما فى خريف
فى ربيع
تحياتى ولاء

Empress appy said...

عارفه اكتر حاجه ممكن تقلل من أدميتنا هو فقد جزء من ضميرنا فما بالك لو فقدناه كله

تــــايه ومش تـــايه said...

جميل يا دينا .الصراع بينا وبين ضميرنا يمكن هوا اللى بيخلينا موجودين .وبيخلينا عندنا امل اننا نصلح.لو مات انتهينها

HeBa said...

بوست جميل ومدونة أجمل

على فكرة الضمير عمره ما بينام أو يموت

الموضوع بيتهيألي خاضع لقدرة الشخص

يعني فيه ناس بتبقى عندها قدرة أنها تتعايش مع ضميرها وميفرقش معاه أوي تأنيبه

وناس صوت ضميرها بيأثر فيها بجد

كلماتك اللي كتبتيها في وقت التقرير حسيتها أوي لأنك أنتي كمان حسيتيها وأنتي بتكتبي

تقبلي مروري

تحياتي

صاحب المضيفة said...

انا متخيل ان والواحد من غير ضمير ولا حاجه

مش ينفع الواحد يعيش من غيره أبدا خصوصا في دنيا كلها ذئاب بالطريقة البشعة دي

دمت بخير وسعادة

dina said...

الاستاذ:كلامك صادق جدا و الف شكر لمرورك و تشجيعك


3abdo me7tas:
ولا كلام جامد ولا حاجة..دا من بعض ما عندكم..ماتقلقش..كل يوم من دا لو عايز

walaa:
كلامك صح يا ولاء و ربنا يجعل حياتك دايما على وتيرة السعادة و الرضا و دا اهم حاجة

appy:
مقتنعة جدا بكلامك...فعلا البنى ادم من غير ضميره مابقاش حاجة اصلا

تايه و مش تايه:
زى ما قلت لولاء...فعلا معاك حق..الضمير هو اللى بيخلينا بنى ادمين اصلا

heba:
معاكى حق..فى ناس قدرت تتعايش مع ضميرها و هو بيأنبها والا مكنش بقى دا حالنا..و الف شكر على مرورك و على كلامك الرقيق

صاحب المضيفة:
منورنا و الله و فعلا احنا بشر عشان بنغلط و بنسمع لضميرنا و بعدين بنرجع

أنا حر said...

كلام حلو قوي قوي قوي بس مش مصر اللي عيشين فيها هي اللي بتتكلم.... دي مصر اللي انتي بتحلمي بيها
كلمات معبرة قوي
تحياتي

dina said...

انا حر:
انت فعلا معاك حق..مصر اللى فى خيالى و بحلم بيها بعيدة اوى عن مصر اللى انا نفسى اغيرها


مرسى لمرورك

Desert cat said...

من يتمنى موت ضميرة او غفوتة ولو لحظات من يشعر بالخطأ وارتكاب البشاعة فى حق الآخرين ... ولكن ما دام الضمير صاحى وراضى كل الرضا عن افعال صاحبة فهنيئاً لصاحبه به ...
ولكن لابد لنا جميعا من وقفة مع انفسنا كل ليلة
فالله سبحانه وتعالى اقسم بالنفس اللوامة
احييكى عزيزتى على صفاء روحك
تحياتى

simple girl.. ..simple dream said...

دينا
اول مرة ليا فى مدونتك وبجد عاجبنى اوى الموضوع والاسلوب
فعلا فى اشياء سيكون موتها كارثة مثل الضمير
ومثل الحب والتعاطف والاحساس بالاخر

اسال الله العلى العظيم الا تموت هذه المعانى ابدا والا اصبحت دنيانا كحفرة من حفر النار

عبد الرحمن مدني said...

من كان يؤمن بالله و اليوم الاخر فليزور مدونه
اخوان ستايل ويفرج عن كرب اخوكم المسلم

samo said...

دينا

اول زياره للمدونه واتفاجأ بموضوع اعجز انى اكتبله كومنت يليق بيه

مش بس الضمير اللى بتمنى ساعات سكوته وساعات صحوته

م كلمات بتتكتب على ورقه فى لحظه غفله

مش بس مجرد احاسيس احنا بنتمنى موتها
كتير اوى بنحاول ندارى اللى جوانا ونتجاهله
كتير اوى بنكون اضعف ما يمكن قدام مجرد احساس
حاجات بنتمنى موتها ..... اه .. فى كتير بنتمنى موته وكتير اوى بنتمنى خلوده لكن ليه دايما فى عز ما يكون الانسان فى وحدته دايما نلاقىدايما مشاعر غريبه تتخلله

ليه دايما فى عز فرحه يشوف منظر يفكره بالحزن

الخاطره

بجد جميله اوى الخاطره
وتسلم ايديك
بس فين الحلو فى مصر
احنا حتى لما بنتجاهل الوحش اللى فيها
ما بنشوفش برضه الحلو

طولت عليكى وانا اسف

بس بجد مدونه جميله وياريت تسمحلنا بزيارتها تانى

فزلوكة said...

دينا هانم
"ثمة " كلمات عجبتنى
لأ بجد والله "الثمات " الكتير دول عجبونى بجد ...منطقيين
بس الضمير
أحب أقولك أنا مش مقتنعة أصلا بموضوع الضمير
مثلا يقال "كل واحد وضميره " وده معناه إنه مفيش ثوابت فما هو مقبول لضميرى من الممكن أن يكون مرفوضا من ضمير غيرى
هو العقل والنفس ربنا يكملك بعقلك
وقلنا
خليكى فى الجزيرة

احمد الجيزاوى said...

الضمير
ممكن ان تكون نقطه ضعف وممكن ان تكون نقطه قوة
تحياتى لكى
احمد الجيزاوى

قلوب بتغنى said...

هاى يا دينا
صباحو عسل اولا
ثانيا انا لازم نبقى اصحاب
لانه فى شى اساسى مشترك بينا
اننا مصريين جدا مش بس بالاسم ولا بالتبعيه
احنا مصريين قرارى مصريين فطره
احساسك هايل ببلدنا الى ممزوعين عليها بشكرك على مرورك فى مدونتى ومستنيه تعليقك على البوست الجديد

dina said...

desert cat:
فعلا كلامك صح...مفيش احسن من ان الانسان دائما يقف مع نفسه و يعرف حياته فين من الصح و الغلط...مرسى لمرورك

simple girl...simple dream:
فعلا احساسنا بالناس و بالاخرين لو افتقدناه دا بيكون مشكلة كبيرة جدا فى حياتنا...بجد كلامك صح جدا و الف شكر عالمرور الكريم

dina said...

samo:
كلماتك الرقيقة و زيارتك اسعدتنى و مرورك عالمدونة تانى حيسعدنى اكتر....بجد كلامك صح..معرفش ليه دايما الحزن بيلاقى سكة لينا..دا حتى لما بنضحك اوى بنقول اللهم اجعله خير..بس انا حختلف معاك فى جزئية صغيرة...لسا بلدنا فيها كتير حلو يا سامو..يمكن كتر السلبيات اللى فيها مخلينا مش شايفيين الكويس انما لسا فيها كتير حلو و انا حستنى مرورك تانى و انت اللى حتقولى المرة الجاية انك اخدت بالك من حاجة حلوة فى البلد دى
مرسى للمرور الكريم جداااااا و اسعدت بكلامك

dina said...

فزلوكة:
عاجباكى الثمات...اتفضلها و الله يا قمر ولا تغلى عليكى..وانا شكلى فعلا حخلينى فى الجزيرة...بس حقولك على حاجة..فعلا مقاييس الضمير بتختلف من حد لحد بس بردو موجود موجود

احمد الجيزاوى:
كلامك صح فعلا....احنا اللى ممكن نخلى ضميرنا و احساسنا بكل حاجة نقطة قوة او نقطة ضعف
تقبل تحياتى و شكرى للمرور الكريم


قلوب بتغنى:
انا مبسوطة جدااااااااااااااااااااا بردك ولازم بجد بجد نبقى صحاب ما دام احنا الاتنيين كدا و حستنى منك زيارات اكتر و ردود اكتر

تحياتى يا جمييييييييييييلة

عروسة ننوسة said...

اهنئك على موضوعك

Unknown said...

ربما الضمير هوه البقيه الباقيه من بقايا الانسان داخل كل منا
ياليت لدى القتله و المغتصبون ضمير يعذبهم ويلح عليهم
كما يلح علينا ويؤرق مضاجعنا
تحياتي لك

dina said...

gannah:
اشكر ردك و مرورك

دمعاتى:
يا ريت و الله فعلا الناس دى ضميرها يتحرك قبل ما تعمل اللى بتعمله دا...معاك حق
اشكر مرورك الكريم

DayDreaming said...

مع ان بيكون الضمير احيانا هو الحاجه الوحيده اللي حيه فينا الا ان انا فعلا بنتمنى احيانا انه ياخد غفوه

كلماتك جميله اوي
تقبلي تحياتي

Mkjwe said...

بوست رائع رائع اخر حاجة
جميل البوست كلماتك معبرة ومؤثرة وأبدع بها قلمك بالمعاني الكثيرة
أبدعتي أختي
في انتظار جديدك ان شاء الله
تحياتي لكي بالعطور الفرنسية

dina said...

daydreaming:
مرسى على تحياتك و مرورك الكريم

l0vElYGh0sT14
مرسى لمرورك جدااااا و الف شكر على كلامك الرقيق بالعطور الفرنسية بردو

انين الحزن said...

دينا

انا مش هتكلم عن الضمير خالص

هو صاحي لوحده

البوست يجنن بجد اسلوبك حلو

واحلي حاجه اكتشفتها دلوقتي انك من اسكندرية
انتي متعرفيش انا بحب البلد دي ازاي

نورتي مدونتي واتمني اشوفك تاني

سلاموووز ياقمر

وزة

dina said...

وزة يا عسل
الف شكر على مرورك و على كلامك الرقيق الجميل دا و اسكندرية كمان و الله بتموت فى كل اللى بيحبوها و يا ريت تنوريها قريب و تنورى و تشرفى مدونتى تانى
الف شكر يا جميلة

حـــــدوتـــــة said...

jالسلام عليكم
انا اول مرة ازور المدونة
بلوج لذيذ واسلوبك فى الكلام رائع
شكرا على زيارتك لمدونتى ويا رب تكون عجبتك

بالنسبة للضمير انا شايف اننا ساعات بنقول على حد ده ضميره مات او ده معندوش ضمير بس الكلام ده اعتقد انه مش مظبوط !!! انا بحس انا الضمير ده جزء ربنا وضعه فينا ومنقدرش نموته او نمحيه بس نقدر نعمل نفسنا مش شايفينه عشان منحسش بالعذاب من اللى بنعمله
بس اى حد فى النهاية بيبقى عارف اللى بيعمله ده صح ولا غلط من ضميرة وبس

بوست رائع
تحياتى

القلم السكندري said...
This comment has been removed by the author.
Rania Lelah said...

مهما حاولنا استوقافه او تجاهله يئن ثانية و يقوم بوظيفته كما قلتى التانيب و التوبيخ
اسعدنى مرورى على هذه المونه الرائعة

تحياتى

dina said...

حدوتة:
مدونتك عجبتنى جدا و اشكر مرورك الكريم و انا مقتنعة جدا بوجهة نظرك لان ضميرنا فطرة فينا

القلم السكندرى.
الفففففففففف شكر على مرورك و على دعوتك الكريمة الجميلة دى

rania:
اسعدنى اكتر مرورك على المدونة و الف شكر

dina said...

حدوتة:
مدونتك عجبتنى جدا و اشكر مرورك الكريم و انا مقتنعة جدا بوجهة نظرك لان ضميرنا فطرة فينا

القلم السكندرى.
الفففففففففف شكر على مرورك و على دعوتك الكريمة الجميلة دى

rania:
اسعدنى اكتر مرورك على المدونة و الف شكر

Anonymous said...

في عالم ما عندهم صراع بينهم وبين ضميرهم
لانه بكل بساطه ضميرهم مات من زمان
وفي ناس ضميرها لسه صاحي بتخاف الله بكل شي بتعملو
وصحيح اننا عباره عن كتله من الشجن والحزن والامل والدموع والسعاده
الا اننا لسه عايشين

دمت رقيقه

روري

الآء said...

للأسف لو كل واحد بص لحته الضمير اللي جواه هتتغير حاجات كتيره قوي في حياتنا
ديه كانت أول زياره ليا في مدونتك عجبتني قوي وشدني اسلوبك في الكتاب ه
وفي انتظار جديدك
تحياتي لك

Unknown said...

فاكراها عشان مش بنسى ولادى و شايلالهم شوية حنية


فى حضنى ولا بعيد عنى...انا جواهم يا بنية


زعلك زى زعلهم..مش منى..دا عليا

-----------------

كلام جميل عن مصر حساه طالع من القلب

مدونتك جميلة يا ريحة البحر اصلى اعز الاسكندرانية اوى

أشكرك على زيارة مدونتى الى اتاحتلى الفرصة انى اعرف مدونتك الجميلة :)

dina said...

meto & roree:
الله على الرقة و اللهجة السكر بتاعتك يا رورى....مرسى على مرورك و على كلامك و تحياتى


الاء:
معاكى حق و الله لو خضعنا شوية لسيطرة ضميرنا حاجات كتير جدا حتتغير
اسعدنى مرورك و اعجابك بالمدونة و الف شكر

عاليا حليم:
اشكر رقة كلامك الجميل اوى..بجد كلمة ريحة البحر دى خلت قلبى يدق اوى ...واضح انك واخدة من حليم احساسه
مرسى لمرورك الرقيق

(احمد سكر ) said...

دينا

ماشاء الله عليكى

حروفك فعلا الحان

حروفك جميله جدا

مليانه حب للوطن
وانتماء

صدقينى لو كلنا زيك كدا
هنكون احسن الناس

تقبلى تححيتى
احمد سكر

dina said...

سكر:
اسم على مسمى و الله
الف شكر على مجملتك الرقيقة و مش مشكلة مين فينا يبقى زى مين...ممكن كلنا نبقى احسن ناس لو بطلنا سلبية و عملنا حاجة لبلدنا و ساعتها حنكون كمصريين احسن ناس فى الدنيا

عايزة اشكر مرورك جدا يا احمد
الف شكررررررر على المرور و عالكلام الرقيق

osha said...

انا اول مرة ازورك ومرسي جدا لزيارتك ياقمر وياريت تكوني صديقة للبلوج بتاعي كلامك تحفة واحساسك اجمل انا ماجيش جمبك حاجة يابخت قلمك اللي بتكتبي بيه

سلطان الغرام said...

بجد كلامك روعه وما ينفعش اعبر عنه بكلام عادى
بس انتى كلامك عن الضمير حقيقى لكن عن مصر sory خيال

ياريت تقبلى مرورى انا اول مره ازور مدونتك

سلام المنقذ

يا مراكبي said...

شوفي

أنا هأقولك كلمة بس إفتكريها بعد 10 سنين

إبقي إرجعي للبوست ده بعد 10 سنين وقوليلي .. يا ترى لسه إحساسك ناحية بلدنا هو هو ما إتغيرش وألا فيه حاجات حصلت زودته أو نقصته؟

صالح سعيد said...

السلام عليكم
ازيك يا دينا
اسلوبك حلو بجد
وبوست رائع
اول زياره لمدونتك ولن تكون الاخيره
تقبلى تحياتى

dina said...

ههههههههههه
هو ايه حكاية مصر اللى محدش طايقها دى
osha:
الف شكر على زيارتك..احنا بنتعلم منك يا جميل
تحياتى

سلطان الغرام:
مرسى على مرورك جدااااااا و على اقتناعك بجزء من كلامى..بس حتفضل مصر بلدى
امر واقع بقى...بس بحبها بردو
تحياتى

يا مراكبى:
ممكن ما افتكرش البوست دا بعد 10 سنيين..انما اكيد حفتكر مرورك الكريم..و يا ريت بعد 10 سنيين اكون قدمت حاجة لبلدنا عشان لما اقول هى عملتلى ايه اكون انا اصلا عملتلها حاجة عشان المعادلة تبقى موزونة
مرسى على المرور الكريم



صالح سعيد:
مرسى جدااااا على مرورك و يا ريت تكرر الزيارة الجميلة دى
تحياتى

FadFadA said...

بجد جميل جدا
بس عارفة ... تأنيب الضمي و ألم الانتماء أفضل كثيرا من غيابهما
فبهما نشعر أننا مازلنا أحياء نشعر ونحب و نتألم و نتأثر... مازلنا من البشر
هذه أشياء لو غفلت ربما لا تفيق أبدا
فدعيها مستيقظة دائما ... حتى لو صاحبتها بعض الالام

محمد

dina said...

fadfada:
معاك حق و الله يا محمد ما دا اللى انا كنت عاوزة اوصله بالظبط
شكرا للمرور
تحياتى