Friday, July 18, 2008

دورة مجلس الشعب.. أولها رفع الأسعار وآخرها الاحتكار




كتاكيتى البلوجارية الحلوين...ليكم وحشة و الله...بصوا يا شباب .. البوست المرة دى غير البوستات اللى قبل كدا لانه مش من بنات افكارى ولا ولادهم ولا يقربلهم اصلا عشان انا اتبنيته من على موقع بص و طل بعد الاستئذان طبعا من ادارة الموقع(شفتوا الادب و الاخلاق الرفيعة و السجايا القويمة)و دا لان انا حسيت الموضوع فعلا مهم..هو ملخص لاهم القوانين اللى صدرت فى الدورة البرلمانية الاخيرة و راى المؤيدين و المعارضين و اليكم المقال بكى بورد قصدى بقلم نانسى حبيب





38 قانوناً.. 28 استجواباً.. 2237 طلب إحاطة شهدها مجلس الشعب في دورته التي انتهت، والتي توصف بأنها الأكثر سخونة مؤخراً.. الغريب أن بداية الدورة البرلمانية هذه المرة كانت هادئة ولكن فجأة ومع اقتراب ختامها تتابعت القوانين المثيرة للجدل والتي أحالتها لها الحكومة منها مثلا مشروع الموازنة وقانون الحفاظ على حرمة دور العبادة وقانون زيادة أسعار السلع والمواد البترولية وقانون الطفل وقانون الضريبة العقارية وتعديل قانون الجامعات وتعديل قانون استخراج جوازات السفر وقانون إلغاء المدعي العام الاشتراكي وقانون المرور وقانون حماية المنافسة ومنع الممارسات الاحتكارية ومشروع قانون إنشاء محاكم محافظتي حلوان و6 أكتوبر وقانون إنشاء مجلس الهيئات القضائية وقانون تعديل كادر المعلمين وغيرها الكثير....
الدكتور "فتحي سرور" رئيس المجلس أشار إلى أن هذه الدورة كان فيها 143 جلسة لمدة 644 ساعة و25 دقيقة وكان عدد اجتماعات اللجان 1245 اجتماعا وبلغ عدد تقاريرها 1472 تقريرا، وبلغت طلبات الإحاطة 2237، وكانت أهم ظاهرة بارزة "تزويغ" نواب الأغلبية في أكثر من جلسة وهو الشيء الذي انتقده الدكتور "فتحي سرور" بشدة.
لكن الملاحظ هو وجود الكثير من الجدل بين نواب الحكومة والمعارضة الذي وصل في بعض الحالات إلى مشادات واشتباكات بالأيدي، وبعض القوانين صاحبها ضغط شعبي وإعلامي كبير وأخرى تغيرت بعض بنودها.. فيما يلي رصد لأبرز القوانين المثيرة للجدل، والتي تم إقرارها خلال هذه الدورة من مجلس الشعب




قانون زيادة أسعار العديد من السلع والمواد البترولية
القانون: تقرر زيادة رسوم استخراج تراخيص السيارات حيث يدفع صاحب السيارة التي تزيد سعة محركها عن 2030 سي سي رسما سنويا يعادل 2% من قيمة السيارة ارتفاعا من 500 جنيه في الوقت الحالي. كما يزيد سعر البنزين 95 بنسبة 57% إلى 275 قرش للتر في حين يصل سعر البنزين 92 إلى 185 قرشا والبنزين 90 إلى 175 قرش، ويزيد سعر وقود الديزل (السولار) والكيروسين 47 % إلى 1.10 جنيه للتر. وترتفع السجائر الأجنبية بما يصل إلى 20% مقارنة مع زيادة تبلغ نحو 10% في أسعار الأنواع المحلية. بالإضافة إلى زيادة تصل إلى 57% في سعر الغاز الطبيعي الذي تدفعه الصناعات التي تعتمد بشدة على الطاقة وفرض رسم استخراج يبلغ 27 جنيها على طن الطفلة المستخرجة من المحاجر وإلغاء الإعفاءات الضريبية على بعض الصناعات.
مشادات جانبية: بعد أن أعلن الرئيس مبارك زيادة الراتب الأساسي للعاملين في القطاع العام بنسبة 30 %، جاء قانون رفع الأسعار ليتسبب في موجة من السخط الشعبي خاصة وأن سبب زيادة الأسعار هو توفير التمويل اللازم لعلاوة الـ30%.
مؤيدون: حركة اقتصادية تصحيحية في المجتمع المصري الغرض منها الأخذ من القادرين لإعطاء غير القادرين، فمثلا لتر السولار الذي يباع مقابل 75 قرشا سعره الحقيقي 7.25 جنيه، وجزء كبير من هذا الدعم يذهب إلى أصحاب المراكب النيلية. لذا فإن القانون يهدف إلى إلغاء الدعم عن جميع السلع الترفية، وأكد المؤيدون أن الدعم الذي يحصل عليه غير القادرين لن يقل بل سيشهد زيادة خلال الفترة المقبلة كما أن الأسعار لن تزيد.
معارضون: ترى المعارضة أن الطبقة الوسطى هي التي ستتحمل هذه الزيادات، وأنه كان من الأجدر أن تُحصِّل الحكومة مديونياتها على رجال الأعمال وعلى الشركات، وأكدوا أن زيادة الأسعار بدأت في الأسواق بالفعل قبل إقرار القانون في إشارة إلى أن الحكومة لن تستطيع إحكام الرقابة على الأسواق؛ لأنها هي التي رفعت الأسعار. وقال نواب المعارضة إن هذه الزيادة سيتحملها أساسا الفقراء في زيادة أسعار كل السلع الأساسية.
قانون الطوارئ
القانون: تمديد حالة الطوارئ لمدة سنتين اعتبارا من الأول من يونيو..
مشادات جانبية: بعد الكثير من الترقب والوعد بإنهاء حالة الطوارئ وبدء العمل بقانون مكافحة الإرهاب أعلن رئيس الوزراء الدكتور "أحمد نظيف" في كلمة ألقاها في المجلس أنه يمكن أن ينتهي العمل بقانون الطوارئ قبل نهاية المدة الجديدة التي تطلبها الحكومة، والتي سيتخللها إقرار المجلس لمشروع قانون مكافحة الإرهاب الذي تعتزم الحكومة التقدم به لكن قانون الطوارئ لا غنى عنه الآن.
مؤيدون: يرى المؤيدون أن الحكومة تستخدم قانون الطوارئ فقط ضد من تصفهم بالإرهابيين ومتعاطي المخدرات، وأن هذا لا يتم إلا في مواجهة الإرهاب، وبالقدر الضروري اللازم لمواجهة هذه الظاهرة وحماية أمن الوطن والمواطنين في مواجهة خلايا وتنظيمات الإرهاب التي لم تهدأ حتى الآن في إشارة إلى أنه توجد حروب وأزمات في المنطقة تتطلب تمديد العمل بالطوارئ متسائلين: هل يريد المعارضون أن تكون مصر مثل العراق؟ هل يريدون أن تكون مصر مثل لبنان؟ هل يريدون أن تكون مصر مثل فلسطين؟
معارضون: يؤكد المعارضون أن الحكومة تسيء استغلال قانون الطوارئ لاستهداف المعارضين السياسيين، وأنها تسعى لإطالة قانون الطوارئ من أجل تحقيق مكاسب سياسية مؤكدين أن الحكومة ستواصل نفس الإجراءات بعد فرض قانون مكافحة الإرهاب. وأصدر نواب المعارضة بيانا اعتبروا فيه أن قرار التمديد يمثل خطورة على "ركائز الدولة المدنية" واعتبروه سببا لشلل الحياة السياسية"، وهو ما أدى بدوره إلى حالة من "الاحتقان السياسي" وأشاروا إلى أن حالة الطوارئ هي أحد أسباب انتهاكات حقوق الإنسان في مصر منذ عقود.
قانون الطفل
القانون: أقر مجلس الشعب قانونا يقضي بتجريم ختان الإناث، ورفع سن توثيق الزواج إلى 18 عاما مع أحقية المرأة في نسب طفلها مجهول النسب إليها.
مشادات جانبية: تخلل الجلسة العديد من المناوشات والأزمات بدأها وزير العدل "ممدوح مرعي" عندما بدأ حديثه قائلاً: "بسم الله الذي نعبده جميعًا"، وهو ما أثار غضب البعض قائلين إنه: "لا أحد يمكن أن يتدخل في علاقة الإنسان بربه"، وبعدها خاطب "مرعي" النواب قائلاً: "من يتكلم في الدين فلا بد أن يتكلم بأدب"، فصاح أحد النواب مقاطعًا إياه، قائلاً: "أنت هتعلمنا الأدب ولا إيه؟!"
مؤيدون: أكد المؤيدون أن القانون جاء استجابة لمطالب شعبية، ونتيجة نقاش مجتمعي انطلق عام 2003، وهو قانون يضمن حماية حقوق الطفل من أنواع التمييز وأشكال العنف والإساءة البدنية والمعنوية والجنسية والاستغلال.
معارضون: رفضت المعارضة التعديلات التي أدخلتها الحكومة، مؤكدة أنها: "تخالف أحكام الدين الإسلامي، وتصطدم بشدة مع قيم المجتمع، ومع الدستور"، وأشار نواب المعارضة إلى أن مادة سن الزواج 18 والفحص الطبي سوف تفتح بابًا للمفاسد ولن تحقق أي إيجابية، وسوف تفتح الباب للزواج العرفي، أما المادة التي تعطي للأم الحق في الإبلاغ عن وليدها وقيده بسجلات المواليد واستخراج شهادة ميلاد لينسب إليها كأم، تشجّع على الزنى وارتكاب الرذيلة.
قانون الضريبة العقارية
القانون: فرض ضريبة على العقارات المبنية بقيمة 10 % من القيمة الإيجارية السنوية للعقارات التي يزيد ثمنها عن نصف مليون جنيه على أن يتم خصم 3% من قيمة الضريبة المفروضة على العقارات لبند الصيانة تخصم من الضريبة وتخصص لأعمال الصيانة‏.
مؤيدون: يرى المؤيدون أن نسبة ‏%2‏ من سكان مصر هي فقط التي تخضع للضريبة العقارية. وأن المشروع يهدف إلى تخفيف الأعباء الضريبية‏,‏ وعدم تحميل المواطنين أعباء فوق طاقتهم‏، كذلك التدرج في الأعباء‏,‏ بما يتناسب مع قيمة العقار.‏
معارضون: يرى المعارضون أنه في ظل الوضع الراهن، وفي ظل عدم استقرار أسعار مواد البناء التي أصبحت كالزئبق، لا يستطيع الشعب تحمل مزيد من الضرائب كما دفع البعض بعدم دستورية القانون؛ لأن به تفريقًا بين المراكز القانونية المتساوية، فكيف يتم تحصيل الضريبة من مواطن يملك عقارًا واحدًا يزيد قيمته عن 500 ألف جنيه ولا يتم تحصيله من مواطن يملك أكثر من عقار قد تقل قيمتهم عن هذا الحد بقدر بسيط جدًّا؟
قانون منع الممارسات الاحتكارية
القانون: تحديد عقوبة المحتكر بحد أقصى 300 مليون جنيه بدلاً من العقوبة السابقة وهي من 10 إلى 15% من إجمالي المبيعات، بالإضافة إلى توقيع نصف العقوبة على من يبلغ عن مخالفة وهو شريك أو طرف فيها، وإلزامه بدفع نصف الغرامة التي يحددها الحكم النهائي.
مشادات جانبية: ثار الكثير من الجدل خاصة مع غياب "رشيد محمد رشيد" وزير التجارة والصناعة، ثم تدخُّل "أحمد عز" وتعديله في مشروع القانون بتطبيق نصف العقوبة على المبّلغ ثم وجود أقاويل عن استقالة "رشيد محمد رشيد"، وأخيرا ظهوره في مؤتمر صحفي بعد غياب لافت أكد فيه أن "ظروفاً خاصة" منعته من حضور جلسات مجلس الشعب استدعت سفره خارج البلاد.
مؤيدون: أكد المؤيدون أن تعديل قانون حماية المنافسة ومنع الممارسات الاحتكارية؛ وذلك لإحكام الرقابة على الأسواق بهدف حماية المستهلك والسوق الداخلي من الممارسات الضارة.
معارضون: انتقدت نواب المعارضة القانون قائلين إن الغرامة كان لا بد أن تكون مؤلمة وليست بضعة ملايين يمكن أن تربحها شركة أسمنت في يوم واحد؛ لأنه بمرور السنوات الـ 500 مليون جنيه أو الـ 300 مليون جنيه لن يكون لها قيمة كما وصف جهاز حماية المنافسة "بالفاشل" و"الوهمي"، كما أكدوا أن القانون يفتح الباب للتلاعب في قيمة الغرامة؛ لأنه لا يشترط المعاقبة بالحد الأقصى بل يمكن تطبيق عقوبات أدنى بكثير. ووصفوا القانون بأنه "وُلد ميتا" في إشارة إلي أن القائمين بالأدوار التشريعية في مجلس الشعب ورؤساء اللجان هم أساسًا من كبار المحتكرين.




26 comments:

أنا حر said...

ما يحدث في مجلس الشعب مهزلة بكل المقاييس
مسرحية تلعبها الحكومة مع اعضاء الحزب الوطني ومع المعارضين ندفع نحن ثمنها
الحكومة تمطرنا بالقوانين التي تفقدنا حقوقنا ونحن نصمت واعضاء المجلس يتحدثون عن دولة غير مصر
لكي الله يا مصر
تحياتي

بنت مصريه said...

هههههههههههههه
لنا الله
بوست هايل احييكى وادعوكى لقراءه
بوست حدوته سعيد وبهيه
اللى ف مدونتى
بتكلم فيه عن موضوع العلاوه ده بس باسلوب ساخر شويه
هيعجبك
http://menfenleh.blogspot.com/2008/05/blog-post_9547.html
ده اللينك بتاعه

canary said...

دة انتى مصيبه يا دينا
يا بنتى دة انا دماغى لفت
ايه الاراء والاحصائيات دى كلها
انت عليكى وعلى تجارة او ادارة اعمال
ولو ربنا بيحيك بقى تنضمى للحزب الوطنى وتمسكى الصندوق

كلام وخلاص said...

ما بين مؤيد ومعارض الشعب هو فأر تجاربهم
جميل انك نقلتيه من بص وطل
المدونة كلها جميلة
سلام

صوت من مصر said...

هى دى مصريا بشر افهموا بقى ؟.

استراحة محمد said...

القوانين اللى تخص الناس الغلابة هتتطبق عيهم وراجليهم فوق رقبتهم
اما ما يخص الاحتكار وما شابه فبقى قابلينى لو اطبق على ارض الواقع
القانون فى مصر بيعامل الناس على اد فلوسهم
تحياتى دائما

أحساس لسه حى...كلام من جوه روح لكل روح said...

عزيزتى
مش اسمه مجلس الشعب

اسمه مجلس الحزب الوطنى والحكومة

واى معارضة فيه ملهعاش لازمة لان القرار فى الاخر للاغلبية

الل دايمن هتكون اغلبية علشان فى تزوير وتقيد للحريات

المقاول جميل

معاكى حق تعرضيه

تحياتى

سلام

في حب مصر said...

انتي احسن حاجة تعمليها تريحي دماغك وما تتابعيش لا جلسات مجلس الشعب ولا اخباره.. لانه اصلا مش مجلس شعب.. ده مجلس حزب وطني..
احسن ليكي تتفرجي على قنوات الافلام والاغاني

ادم المصرى said...

والله لو علقت على الموضوع ده يبقى هقول لبكرة ومش هقدر اقول حاجه وفى الاخر

كله كلام فى كلام ....يعنى الى الحكومه عاوزة هيحصل

واحنا غالطنين

ونستاهل الصراحه
تعرفى ليه

لانى عجبتنى مقوله بتقول

الشعب الى يرضى بالذل يبقى يستاهله

واحنا معندناش غير لسان وبس

لكن فعل عيب ده حتى حرام احنا هنعارض الحكومه عيب

تسلمو يا قمر بجد نقلك ميه ميه وفيه فايدة ومن ناحية تانيه اهو احنا بنعرف حاجه فى البلد ده

اتمنى لكى التوفيق

والف الف مبرررررررررررررروك على النجاح ياقمر

كراكيب said...

يالهووووووي واسمه مجلس الشعب
امال لو اسمه مجلس الحكومة مثلا كان هيبقى ايه الحال

بصي انا قولت ارد بس علشان انا قريت البوست ده كدة وكمان في السريع علشان ماما عايزاني اغسل المواعين كدة بعيد عنك

انا جاية تاني بقى بس بعد ما اقرا واسنتف المدونة بتاعتم حتة حتة كدة علشان انا مريت عليها كدة مرور الكرام وشكلها كدة هتعجبني واللا إيه

نلقاكم بعد غسيل المواعين..

miro el niro kwaniro

Anonymous said...
This comment has been removed by a blog administrator.
مواطن مصرى نايم said...

يا بنتى والله ما خفى كان اعظم
فى حاجات مش بتتسجل
احنا منعرفش كل اللى بيدور داخل المجلس
و لما بيجى فى التليفزيون
بيجيبوا بعض الكلام اللى اتقال
و الكلام الجامد اللى بتوع المعارضة بيقولوه بيتحذف
يا بنتى دى وكسة
بوست جميل يا دينا
تحياتى
اسلام

dina said...

انا حر:
ايوةةةة و نحن نصمت...دايما بحس ان هى دى المشكلة على طول اننا ساكتين
تحياتى

بنت مصريه
قريته طبعا..مدونتك كلها زى العسل و البوست دا بحد مسنى اوى و اسلوبه كان فعلا قوى
تحياتى

canary
اهو هو الصندوق دا اللى نفسى امسكه و اسميه الحصالة عشان الشعب كله يحوش فيها...و بعدين تجارة ليه حرام عليكى مش انا اللى عاملة الاحصائيات دى واحدة اسمها نانسى دخلوها هى تجارة
ههههههههههههه

كلام وخلاص
يشرفنى المرور و التعليق و يا ريت الزيارة تتكرر

صوت من مصر
حماس محمد المعتاد...مؤة عاملة ايه؟

استراحة محمد
و الله مش القوانين بس..كل حاجة هنا بقت على رأى صبحى بفلوسى يا كلاب..و اسألنى انا عالجامعات الخاصة

كلام.....لبنات حوا
و الله يا ريتها جت على اد المعارضة..انما دا حتى الحزب الوطنى نفسه ماشى على حسب رأى الكبار بتوعهم و اللى يعارض يطلعله اللى يزعأ و يقول ايه اللى بتعملوه دا
تحياتى

في حب مصر
اهو الواحد بيشوف ايه اللى بيحصل..يعنى يبقى المجلس حالته كدا و كمان ثقافتى اقولها وداعا...من دا على دا
تحياتى

همس الاحساس
الله يبارك فيكى يا جميلة يا رب يخليكى و انتى معاكى حق..اللى يرضى بالذل يبقى يستحقه فعلا
تحياتى


كراكيب
ههههههههههه
ميرو النيرو..الا زعل ماما...هو احنا لينا الا مامهتنا و المواعين..اديها دعك بضمير و الله احسن من المجلس و سيرته
تحياتى

dina said...

كل اللى رديت عليهم دول بحترمهم و بقدرهم و اتشرفت بمرورهم و اعتذر انى اضطريت الغى تعليق حد...مش اعتذرله هو انما اعتذر لزوارى الكرام الراقيين و اللى محبتش اضايقهم بكلام و بأسلوب حوار لا يمكن اسمح لنفسى او اقبل اننا ننزل له و بقوله يا اخينا اول ما تتعلم النقاش المحترم و النقد البناء ان شاء الله نتكلم و اول ما تبقى تقرا كلمة توحد ربها فى المدونة و تقول رأيك بأسلوب محترم يبقى اهلا بيك فى مدونتى و فى اى مدونة تانية و تبقى انت ممثل محترم للمدونين انما غير كدا فأنت ضيف غير مرغوب فيه على الاقل فى مدونتى لحد ما نتعلم الكلام يبقى ازاى

dina said...

مواطن مصرى نايم
دى وكسة
هههههههههههه
و الله تعليق حلو اوى...انا فعلا كنت بفكر كدا يعنى هى الساعة الملخص دى بتقول كل اللى بيحصل ولا لأ...و اذا كان الملخص اصلا زى الزفت امال اللى بيحصل يبقى عامل ازاى
حستلف كلمة زوارى الكرام..لكى الله يا مصر
تحياتى يا اسلام

momken said...

ماشاء الله
والله برافو عليكى انك جبتنلنا الموضوع ده
تسلم ايدك

وشكرا لامنتك الادبيه ودماسه اخلاقك
ههههه
تحياتى

dina said...

momken
هههههه
دماسة اخلاقى و امانتى الادبية
ههههههههه
على ايه بس...دا الف شكر على مرورك
تحياتى

blue-wave said...

طيب هوا باقى ايه تانى لسه ماتعملش فينا؟؟

spower said...

ههههههههههههههه
هو احنا عندنا شعب
عشان يكون له مجلس
دي تهيأت
ربنا يبعد عنك التهيأت

سلام

Mohamed Hesham Safa said...

البوست هايل ... كالعادة يعني مش جديد

لي عودة ان شاء الله ... عشان أتكلم في موضوع القوانين الجميلة ده ...


صحيح ...

ليكي تاج عندي ...



والسـ ختام ــلام

نور الدين (محمد الجيزاوى) said...

نحن نحيا زمن الاسر
وسلخ العقول
ونمشى على وخز الإبر
لكن اشد ساعات الليل ظلاما هى تلك التى تسبق بزوغ الفجر
.........
نور الدين محمود

صوت من مصر said...

مؤه بتقول مفيش حد هيفهمنى وبيقولوا عليا حاجه مستفزه ومقرفه نظرا لظروفى الطبيعيه ؟
بس للعلم يا دينا مؤه دى حقيقه بجد

dina said...

blue-wave
حلو السؤال...لا ولا حاجة..تقريبا كدا احنا خلصنا خلاص

spower
ههههههههههههههه
الله...طب دا حقيقى فعلا...الناس دى بتمثل مين بقى ان شاء الله

mohamed hesham
الله الله الله...ما كنا كويسين تاجات بقى و حركات
يشرفنى و الله العظيم


نور الدين
و الله انا دايما بقول كدا بردو و متفائلة اوى


صوت من مصر
اكيد يا محمد فى من مؤة كتير اوى فى مصر عشان كدا كان لازم تتكلم عنها
تحياتى

أسوور said...

جريدة الأسرة العربية
قرر رئيس مجلس ادارة الجريدة مشكورا أن يتبنى كل ما يكتبه المدونون
وان يفرد مساحة لا بأس بها لبوستات البلوجرز
كما وافق على نشر البوستات المرشحة بتوقيع كتابها
وسوف يفتح باب التدريب الصحفى لهواة الصحافة من المدونين
وذلك ايمانا منه بقوة التدوين وبأنها صوت المصريين
***
على كل مدون يرغب فى نشر مقالات - تحقيقات - قصص - نقد - ادب - شعر - سياسة او أى كتابات لم يرد ذكرها
ان يرسل البوست المرشح مذيل بتوقيعه وعنوان المدونة والإسم الحركى ان اراد
مرفق بصورة شخصية له
على الإيميل التالى

amyasser@hotmail.com

أو بتعليق على هذا البوست نفسه
يترك لينك البوست اللى عايز ينشره الجرنال له
تحت عنوان جريدة الأسرة العربية
الشـــــــــــــــــروط
-مراعاة الصحة اللغوية والنحوي والإملائية قدر الإمكان.
-مراعاة الا يزيد البوست المراد نشره فى الجريدة عن صفحة ايه فور.
- أولوية النشر تكون للبوستات التى فيها موضوعات عامة تهم قراء الصحف.
-اولوية النشر للبوستات التى ترسل على الميل المذكور أعلاه كفايل وورد مرفق.
الجريدة تصدر الإثنين من كل أسبوع

قلوب بتغنى said...

دينا
ايه الجمال ده
ايه الابداع ده
يا سلام فيه المعيه كده
فى بلد زى بلدنا
يا سلام
الواحد مش عارف يقول ايه
الهم انفخنا وفسيهم يا رب
وزود جلساتهم وقلل قوانينهم واسترها علينا يا كريم
تحياتى
وحشتينى

dina said...

قلوب بتغنى
هههههههههههههههههههه
مشكلة انتى
واحشانى و الله العظيم يا قمر انتى...انتى قلبتى مؤيدة يا بت ولا ايه..بتدعى للناس الوحشة دى ولا ايه