Sunday, July 12, 2009

كلمة لا


عمرك قابلت واحد عادى؟
سامعة واحد بيقولى يعنى ايه عادى؟رد من غير لماضة....قابلت واحد عادى؟
و رغم اللماضة مايخلصنيش اسيب قارىء اعطانى من وقته و جهده فى حيرته.....ذلك الشخص العادى الذى اقصده هو هادىء الاعصاب ما لم يستفزه احد...هو متحمل الصعاب ما لم يواجه صعاب....هو السعيد ما لم يواجه ما قد يحزنه...هو الذى يبادلك الابتسامة الحالمة حين تبادره بابتسامتك الاحلم.....الشخص المتسامح ما لم يسىء له اى شخص كان...يغنى (الحياة بقى لونها بمبى)ما لم يواجه جانبها الذى دفع بسعاد حسنى الى الانتحار(او يمكن تكون اتقتلت ....الله اعلم)و الذى انهى حياة صلاح جاهين بالاكتئاب.....هو العافى عن الناس المصلحة و المحسن للذى لا يسىء
سامعة بردو نفس اللمض الاولانى بيقول البنت لسعت؟
لااااااااا....انا لسا فى كامل قوايا العقلية....الم تقتنع بعد ان كل ما ذكرته...عادى....و ما الغريب فى كل هذا؟؟....و ما المميز فى هذا الشخص؟؟.....بل ما هو الفعل الذى يتخذه هذا الشخص دائم الانتظار لافعال الناس ليعطى رد الفعل

و على سيرة السندريلا...و قد كانت فعلا سندريلا حين قالت(و اعظم درس اتعلمناه...ان كلمة ايوة جميلة....بس الاجمل كلمة لاااااااا)
و هذا ما اود الانتقال له...كلمة لا...انى ارفض ذلك الشخص العادى بل و قررت ان لا اعطيه الفرصة ليتملك منى و يسكن روحى و يشكلها بهيئته

ادركت مؤخرا....انه لشىء جميل ان تبتسم لمن يبتسم لك و الاجمل ان تبادر انت بالابتسامة
و انه لشىء رائع ان تكون سعيد و الاجمل ان تخلق (شباكك)الخاص الذى يمنح لحياتك السعادة و يضفى على احداثها هذا الرونق الخاص....الرونق الايجابى...او كما نسميه...نص الكوباية المليان
و ما اجمل التسماح....و ما اعظمه حين يقدرك الله عليه عندما يسىء شخص ما لك
و ما اروع ان تشعر انك استطعت التعامل مع غضبك و قدرك الله على كظم غيظك
و ما اعلى يدك حينما تحسن لمن اساء اليك

كنت دائما اتوقف امام الاية الكريمة(و الكاظمين الغيظ و العافين عن الناس و الله يحب المحسنبن)و كنت اندهش من هذه القدرة على التحكم فى الذات و جمع المتناقضات فى نفس اللحظة...و لكنه سبحانه الخالق الاعلم بما خلق....يدرك صعوبة هذا التحكم علينا لذا منح القادر عليه درجه حبه عز و جل...و كأنه يمنحها لذلك المبادر الماسك بزمام حياته...الشخص صاحب الفعل
تسيطر هذه الفكرة بشدة على منذ فترة طويلة و اخترت ان اشارككم بها
ها يلى كنت فاكرنى لسعت....اقتنعت؟

يا رب تكونوا كلكم بخير و الفففففف شكر لكل اللى سألوا عليا

28 comments:

أحساس لسه حى ...أنا مش موافق said...

عزيزتى

لا دى

ساعات تكون سهلة اوى

وساعات تكون صعبة اوى

سهلة لما نقولها لحد ملهوش قيمة فى حياتنا

وصعبة اننا نقولها لحد ليه قيمة فى حياتنا

اما بخصوص اننا نكتم غظنا

فهناك فرق بين اننا نكتم غظنا واننا نكون برديين

بالذات لو فى الحق

البوست جميل ويتقرا اكتر من مرة

تحياتى

سلااام

kmt said...

السلام عليكم ورحمة الله وبركاته

يااااااااااااااااه ياباشمهندس
كنت عايزة اقرأ كلمتين حلوين زي دول من زمان

بس انتي عارفه ان حتى الانسان العادي اللي لاهوا موجب ولا سالب ماعدش موجود

واللي بقى موجود السالب بس
يعني تلاقي واحد حزين في عز ما الناس فرحانه
وواحد يقابلك ع الصبح بتكشيره على الرغم ان الواحد لسه مقالش ياصبح
ولا المخنق على طول بسبب ومن غير سبب

وحشتيني بجد
ومتغبيش كتير كده
وايه اخبار النتيجه ابقي طمنيني عليكي
تحياتي
الى اللقاء

mohamed ghalia said...

فعلا المعنى وصل فى النهاية
ياريت فعلا نكون أشخاص طبيعيين وعاديين
دمتِ فى سعادة

elsha3er said...

انا بصراحة مقتنع جدا جدا

لا والله برافو

انا اوافقك الرأى ولن استخدم حق الفيتو


تحياتى


احمد الشاعر

صوت من مصر said...

كبرى الخط شويه انا كده هعمى
وانا عندى اصلا شاشه 3 بوصه

dina said...

أحساس لسه حى ...أنا مش موافق
رد احساسه لسا حى....انا معاك اوى ان فى فرق كبير جدا بين كظم الغيظ و البرود...بس كظم الغيظ لو مقدرناش عليه حيركبنا غلطات و يضيع حقوقنا اصلا و نبقى بدل ما نجيب حقنا بنضيعه
و هى طبعا كلمة صعبة

kmt
يا اهلا يا اهلا......دا انت الاستاذ يا فندم و صاحب الكلام الحلو كله
طب بجد احنا تخاطر التوارد عامل شغل معانا اوى..انا كنت لسا بتكلم فى نقطة الناس اللى بتكشيرة دى...بجد حاجة صعبة يعنى...و النتيجة الحمد لله مش بتطلع...طلع التيرم الاول بس و نجحت الحمد لله
:D:D

mohamed ghalia
هو انا نفسى الناس تتجاوز مرحلة انه تبقى عادية لمرحلة اخد القرار و الفعل و مش بس يبقوا ردود افعال

elsha3er
فيتو فى مدونتى...دا حتى يبقى حرام
مش كفاية علينا الفيتو اللى واقفلنا زى اللقمة فى الزور دا
مبسوطة بالزيارة و ان البوست عجبك

صوت من مصر
انا اسفة....خلاص كبرته...عاوزة اسمع رأيك فى البوست...خط ايه...دى رفاهيات كدا

dina said...

KMT
انا مش عارفة ادخل مدونتك بقالى فترة..مش عارفة المشكلة فين....مش عاوزة تفتح...حاولى تشوفى الموضوع دا

kmt said...

السلام عليكم ورحمة الله وبركاته

لا دينا
مش في مشكله

بس قفلتها الى حين ميسرة
فترة ترتيب امور

شكرا لسؤالك
تحياتي
الى اللقاء

محمد said...

دينا شرفتينى بزيارتك
الغير عادى أن نقابل أنسان عادى
له مبادىء وله منهج وفكر
ما نراه هو
مقلدين ومتبعين
الانسان ليكون عاديا يجب أن يكون
فى مجتمع عادى
فمن كان أنسانا عاديا فى مجتمعنا
فبالتأكيد هو أنسان غير عادى
عنوان مدونتى
------------
http://kalamfekalamm-mohamed.blogspot.com/
http://informationtoknow-mohamed.blogspot.com
http://kalamfekalamm.blogspot.com
http://comentonnews.blogspot.com

dina said...

kmt
قلبىىىىى....ايه دا ازاى تقفلى مدونتك...ارجعى بسرعة بقىىىىىىىىىىىىىىىىىى

محمد
انا اللى بشكر زيارتك و تعليقك

اقدم عاصمه فى الحب said...

السلام عليكم

موضوع شدنى أوى
تسلم الايد اللى كتبته
دايما فى تقدم يا اسكندرانيه
هههههههه
على فكره احنا ولاد بلد

مدونتك جميله اوى يا دينا
كده اول مره اقابل اسكندرانى مدون
.
.
.
يا ريت تقبلى مرورى
ورده كبييييييره خالص ليكى
:)

حارة سد said...

التحكم في الذاتو النفس لا يأتي الا بتدرب وترويض قوي لتلك النفس..حتى نمسك بلجامها

نتمنى أن نكون ممن يستطيعون ان نكظم الغيظ ..دمتي بخير

الحارة سد

dina said...

اقدم عاصمه فى الحب
اسكندرية يا اجدع نااااااااااااااس....الف شكر عالمرور الكريم و التعليق...بس دا المدونيين الاسكندرانيين كتير اوى ازاى لسا ماقبلتش حد منهم

ارة سد
متفقة معاك جدا...عمر ما حد ما بيصحى من النوم بيلاقى نفسه فى ايديه و عارف يتحكم فى كل حياته...معاك حق جدا..الموضوع بيبدأ بقرار انى عاوز اكون سيد قرارى و بعدها تدريب

هاني مهران said...

احسنتى جدا


هايل



انا سعيد جدا انى عرفت المدونة دى



شكرا لمرورك على مدونتى

اتمنى نبقى اصدقاء


تقبلى مرورى

dina said...

بحب الحكومة
ربنا يخليك
انا اللى اسعد...مدونتك رائعة

elsha3er said...

السلام عليكم

اتأخرتى علينا

يارب تكونى بخير

منظرين جديدك

تحياتى

احمد الشاعر

Hossam said...

صديقتى الجميلة Dina
وحشتينى بجد
موضوع جميل ورائع كالعادة ويا ريت كلنا نبقى كاظميين الغيظ
واضح ان الشخصية اللى بتمكلمى عنها ماثرة فيكى اوى
تحياتى صديقتى

hasona said...

السلام عليكم

بس أ]ن تجدي هذا الشخص العادي

اذا أصبح كل شئ عادي

والتفاضل بين كلمة نعم و لأ صعب
فالاختيار دائما صعب
واتخاذ المواقف أصعب

وهناك من يعيش تحت الانظار في الانتظار
و أخر يمل من الانتظار

وتنوعك بين السلب والايجاب انتصار

في بعض الاوقات أكيد هنتعدي مرحلة الكائن العادي
لتضع النقط فوق الحروف

أحمد الصعيدي said...

اسمــع أغــانى السواحلى
حاجــة عجــب م العجايب
وأنا لــــو وقتـــي سمحلى
لاغنــي لعمــوم الحبــايب

حتة صعيدي كدة
أما بعد
التلقائية سمة من سمات القلب الأبيض ومن يتلون بغيرها يملك سواد بقلبه وكل حسب تكوينه

سعادة تدور عليها
تلاقيها فى محبة الناس
والمال ما يغنى عنٌيها
لو كان تلال ينداس

السلام عليكم
أما أنت يا دنيا أراها كبيرة رغم صغر السن أكتفي بوجودي هنا كي أعبر عن عدم وجودك بمدونتي وتعلمين كم أحترم أرائك

وعشان كدة خدي حتة صعيدي تاني

حاول تفتكرنى said...

الرسالة وصلت كاملة

عاديين

مع الابتسامة التي ما أجملها حين ينتظر الأخرين عكس ذلك

تحياتي

dalia said...

دينا أزيك وحشااااني
كلامك دخل قلبي قبل عقلي دا حتى الواحد لما يكشر بيبقى شكله وحش خالص الضحك هو سلاحي لمواجهة الازمات التى اتعرض لها شكرا على البوست الجميل

كراكيب said...

صح جدا اوي خالص اللي انتي بتقوليه ده
كلمة لا دي شئ عبقري
تقوليها مادام مقتنعة انك قدها وانك لو قولتي اه تبقى دلدولة لحد تاني مهما كان كبير وعاقل وبيقول انه يعرف اكتر منك
كلمة لأة اللي بتدايق ماما وبابا لما بقولها اعتراضا على قرارات بياخدوها علشان نظرة الناس وعلشان المجتمع اللي ساكن حوالينا
مع اني شايفة ان مادام اللي بعمله مش غلط وما بيضرش حد ومش حرام فمش من حق حد يقولي ما تعمليش علشان الناس
نعم حلوة وجميلة وبتريح
ولأ دمها تقيل وملهاش لازمة طول ما انت بتقولها ع الفاضي والمليان ومن غير لازمة ولمجرد العند والرفض
آه ولأ
و لأة وآه
وكل اما اقوله آآآه يقولي هو لأ
يجرحني واقوله آه يقولي هو لأ
لألألألأ
:)

ديييييييينااااااااا حمد لله ع السلامة يا جميل

miro el niro kwaniroooo

dina said...

elsha3er
ما تتعودوا بقى يا شاعرنا...انا على طول متأخرة...مش بدل ما اكتب اى حاجة اى كلام كدا

Hossam
تصدق لسا ماقابلتش حد كدا...بس اعرف ناس(بتحاول)تبقى كدا
و المحاولة فى حد ذاتها حاجة تحترم اوىىىىىىى

hasona
و مفيش حاجة تتقال بعد التعليق دا....اشكر مرورك جدااااااااااااا

أحمد الصعيدي
ههههههههههه
على فكرة انا اصلى صعيدية و عايزة اشوف دايما حتة صعيدى فى مدنتى كدا...بس انا مش معاك فى نقطة....فى فرق بين اننا نكون تلقائيين و بين اننا منكونش متحكمين فى اعصابنا ولا فى حياتنا...و الا مكنش الناس عملت علوم كاملة هدفها تنمية الانسان و تحكمه فى نفسه

dina said...

حاول تفتكرنى
شكرا يا فندم
تحياتى

dalia
و الله يا داليا و مين سمعك.....الضحك دا سلاحنا كلنا اصلا...دا كان زماننا انقرضنا من غيره

كراكيب
هههههههههههههههههه
طب ليه النهاية الهابطة دى
ههههههههه
بس فين الكركبة دى يا ميرو...دا احنا اخر نظام اهو و مستكوفى عالاخر
:D:D
على فكرة بجد الفيلم اللى كنتى بتحكيه دا فيلم حياة كل حد عاوز يبقى مختلف فى البلد دى و الصدام العااااااادى جدا بين الولاد و الاهل و المجتمع....بس بردو..لأ

Anonymous said...

بنت مصر
دردشة بنت مصر
شات بنت مصر
دردشة مصرية
شات مصرى
بنات مصر
شات بنات مصر
شات مصر

Anonymous said...

منتدى بنت مصر
منتديات بنت مصر
منتدى بنت مصر النسائى
منتديات بنات مصر
منتدى بنات مصر
احدث الافلام
تحميل افلام
افلام عربى
افلام اجنبى
تحميل اغانى
احدث الاغانى
تحميل برامج
تحميل العاب
اغانى مصرية
اغانى اجنبية
اغانى عربية
موقع زواج بنت مصر
موقع زواج بنت الحلال
زواج بنت مصر
بنت الحلال
زواج مسيار
زواج وتعارف
زواج مصر
زواج بنت الحلال
الزواج
زوج
زوجة
تعارف
زفات
خاطبه
زواج اسلامى
شات زواج
زواج المسيار

مصراوى الشامل said...

شكرآ اخى

موقع زواج said...

احسنتى جدا