Friday, November 1, 2013

يوسف

يوسف : أنا كنت بتفرج على كارتون , البطل طلع له اتنين جنيات كانوا بيحققوله كل اللى نفسه فيه
أنا : طب لو عندك زيهم يا يوسف , تطلب ايه ؟
يوسف : ما أنا عندى.. عندى مية زمزم فى البيت ! و هى مية زمزم بتعمل ايه ؟
أنا: بتعمل ايه ؟
يوسف : بتحقق كل اللى إحنا عاوزينه , دة أنا طلبت طلبات .. كتيييييير
أنا : طب ممكن المرة الجاية و أنت بتشرب من مية زمزم تطلب لى معاك طلبات حلوة
يوسف : ماشى.. أطلب لك ايه ؟
أنا : أطلب لى على ذوقك
يوسف : ممممم طيب حفكر فى البيت , بس أنتِ اسمك ايه عشان أقول للمية ؟
أنا : أنا اسمى دينا
يوسف : دينا .. اسمك حلو, شبه "دين".. اللى بناخده فى كتاب الدين , استنى أجيبلك كتاب الدين أوريهولك :) :)
أنا: ماتنساش يوسف حسألك المرة الجاية طلبتلى ايه
يوسف (و هو بيجرى عشان يجيب شنطة المدرسة): ماشى :)
 
يوسف فى أولى ابتدائى ..
براءة و بساطة الأطفال و قدرتهم على إنهم يبعتولك رسايل كتير هما نفسهم مش قاصدينها مبهرة ..
سبحان الله :)
 

No comments: